|
السلام عليكم انا احمد هانى طالب معاكم في كلية الحاسبات فى حلوان وكنت عايز اسءلكم هوه احنا هنبتدى يوم السبت ولا الاحد ؟؟ مع العلم ان احنا ماخدناش اى محاضرة الاسبوع ده على عكس باقى الجامعات وشكرا
|
اقتباس:
إتأخرت ليه يا راجل بص يا سيدى مفيش دراسه السبت لكن بالنسبه للمغتربين هنروح السبت عشان نستلم المدينه لكن على حسب الجدول الحالى الدراسه تبدأ الحد وبالمناسبه يا جماعه أى حد قريب م الجامعه لو جاب جدول السكاشن لو كان نزل يرفعه ع المنتدى وإن شاء الله الدراسه ع الحد يا بشمهندس جزاكم الله خير |
ياجماعة الدكتورة بتاعت الانجليزى كروتتنا جامد اوى النهارده دى ماكملتش ربع ساعة يلا لما نشوف لما نجيب الكتاب هتعمل ايه؟
|
اقتباس:
هى قالت الإمتحان بيبقى ازاى وقالت على مكتبة الفتح اللى فيها الكتاب وكل المحاضره كانت نص ساعه وبعدين ع الأقل هنفهم منها ولو أى حاجه المصيبه بقى الرياضه اللى كانت النهارده بتاعة الدكتوره رجبيه الله يسامحها أنا سبت المحاضره بعد نص ساعه كده بعد لما يئست إنى أفهم منها حاجه والعيال بيقولولى جت ف آخر المحاضره خالص وقالتلهم آه..................أنا ناسيه إنكوا عربى فاكرانا لغات يعنى بجد ربنا يستر ف الماده دى خصوصا إنها شرحت فصل كامل بتاع الدوال |
حضرت محاضرات الدكاترة الرجالة بس مش عارف ليه محضرتش لحورية ورجبية دول ....
حاسس ان فاتني كتير عشان محضرتش الرياضة بس ان شاء الله خير ... ولو حد يا جماعة يقدر يبقى يكتب تلخيص عام للمحاضرات يبقى ربنا يجازيه كل خير وادينا بنساعد بعض .... وربنا يوفقك الجميع .. |
ربنا يستر يا جماعة على الرياضة ده ده الدكتورة اصلا شكلها مش عايزة تشوفنا وانا كمان اتخنقت منها لما قالت خلى المعيد يفهمكم لان المفروض الساس الدكتور والمعيد يثبت المعلومة ربنا يستر علينا فى المادة ده:stickjo4::stickjo4::stickjo4:
|
اقتباس:
المشكلة انها شرحت الدوال كلها فى محاضرة واحدة ... بتوع هندسة بياخدوا كل دالة لواحدها فى محاضرة :( |
اولا : دكتورة خنيقة فاكرانا عباقرة ثانيا: انا فى سكشن 2 والمعيدة بتشرح بسرعة جدا بس على الاقل فهمت نها كويس بس مالحقتش اكتب ثالثا : بالنسبة لمادة التراكيب اللى انا خايف منها لان لحد دلوقتى دافع فلوس الكتاب وافيش حاجة وكمان المعيدة ماجتش عشان تفهمنا اول محاضرة فربنا يستر علينا السنة دى وانا والله نفسي اذاكر بس مش عارف اذاكر ..... وياريت اعرف موقفكم بردو عشان نشجع بعض ... واسف على الاطالة
|
ازيكم يا جماعه بجد وحشتونى ايه اخبار المحاضرات معاكم والله انتوا عندكوا حق فى كلامكم عن دكتوره رجبيه الرغايه جدا على عكس الدكتوره حوريه اللى مشرحتش حاجه خالص منذ بدايه الدراسه وربنا يستر وبعدين مفيش اسف على حاجه يا بشمهندس احمد انت برحتك يا معلم مش كفايه انك معايه فى السكشن وياريت نبقى نعرف بعض والله يا احمد انا ذاكرت لغايه دلوقتى محاضره الفيزياء الاولى ومحاضره التراكيب بس وعموما ده طبيعى فى الاول بس بعد كده هنذاكر بجد وربنا يوفقنا
|
اقتباس:
انا فى سكشن 2 برضة .. هى المعيدة اة سريعة بس انا لحقت اكتب انا عموما شايفها ارحم بكتير جدا من د/رجبية ... و يا رب كتاب التراكيب يننفع يتذاكر منو لانى مش لامم محاضرتها اوى زز بس ان شاء الله تبقى المشاكل دى فى الاول بس و بعد كدة نتعود .. |
يا جماعة محدش يضايق نفسه وان شاء الله السنة كويسة علينا كلنا وعلى فكرة انا سالت طلبة فى سنة تانية وقالوا ان ده عادى فى اول سنة وقالولى ان اهم حاجة اننا فى محاضرة د\رجبية نكتب كل اللى بتقوله وربنا معانا كلنا
|
اقتباس:
ولا بشوف اللى بتكتبه ع السبوره لكن أنا إعتمادى كليا وجزئيا ع السكشن هى المعيده سريعه فعلا لكن شرحها كويس جزاكم الله كل خير |
هى فعلا بتبقى هبطانه اوى من طلوع السلم يبقى يتركبلها اسانسير وكمان المعيده اتغيرت ياعم احمد واظن المعيد اللى جالكوا مظبطكوا طبعا انت فاهمنى والمهم الواحد يجدعن ويذاكر وربنا يوفقنا جميعا
|
ربنا يستر يا جماعة انا كمان فى السكشن المعيدة اتغيرت وجه معيد ولكن شكله فى الضياع
|
انا فى سكشن 2 وجالنا معيده اسمها ضحى بجد هيا معيده جامده فى التعامل مع الطلبه وانها متقبله اسألتهم على عكس المعيده الاولى دعاء اينعم هيا ميه ميه فى الشرح وبجد بتفهم اوى بس فى التعامل للاسف مش اوى يعنى مش بتحب حد يسـألها كتير وعلى العموم ربنا يوفقنا يارب فى امتحانات الميد تيرم وتعدى على خير وخاصه بعد اللى عملته الدكتوره المبجله دكتوره مبدئ الاداره ربنا يسامحها ويجزيها على اد ما بتدى من عمل وخير
|
| جميع الأوقات بتوقيت GMT +2. الساعة الآن 06:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.