بوابة الثانوية العامة المصرية - lمش اتخطبتى عايزه ايه تانى

الموضوع دة لسه قريه ويبدوا انه بقي كتير جدا
..................

بسم الله الرحمن الرحيم

فى سؤال محيرنى جدا :

أكيد كلنا بنشوف تصرفات البنات فى الكلية وانا خصيت البنات بالذكر مش الولاد لان البنت هية اللى المفروض تكون غالية عند نفسها وتحافظ على نفسها .

ممكن ناس تفكر من الوهلة الاولى لكلامى انى متشددة او من اللى بتطلقوا عليهم فى الكلية الاخوانجية (الاخوان المسلمين يعنى )

لكن والله العظيم انا بنت عادية جدا ومش من الناس دول خالص مع احترامى ليهم طبعا لان كل واحد بيبقى شايف تدينة بالطريقة اللى اتربى عليها المهم دة مش موضوعى

انا حبيت بس اعبر عن استيائى الشديد من المناظر والمشاهد اللى بشوفها باستمرار فى الكلية من بداية ما دخلتها لغاية ماخلاص ان شاء الله هخرج منها عالخير السنة دى بأذن الله

بس تحديد فى موقفين شوفتهم زعلونى جدا بالرغم انى مادخلتش ولا حاولت اكلم البنات دول لانهم ببساطة مش هيسمعولى لان النصيحة لازم تكون من حد مقرب ليهم عشان يتقبلوها ماينفعش ننصح اى حد كدة مالناش علاقة بية

بس بجد بزعل على البنات دول جدا لانهم مش حاسين قد اية هما بيقللوا من نفسهم يعنى ينفع بنت تبقى واقفة وزميلها واقف جمبها وهية ماسكة فية بتقلعة الجاكت اللى لابسة عشان تلبسة هية وفعلا ليبستة وقعدت وصدقونى المنظر كان غلط خالص والغريب انها مخطوبة يعنى هية مش عاملة احترام لا لاهلها ولا للشخص اللى ارتبط بيها والمفروض ان هية تحافظ علية فى غيابة قبل حضورة

انا مش بنتقدهم لمجرد النقد بس انا نفسى اى بنت تشوف كلامى دة تفكر فى تصرفاتها واذا كان اللى بتعملة دة يرضى ربنا ولا لاء انا مابقولش نبقى شيوخ بس والله دى اساسيات لازم نلتزم بيها لان دة دينا وزمايلنا نكلمهم بكل احترام ونساعدهم ونقف جمبهم وكل حاجة بس مانلزقش فى بعض ونقعد جمب بعض ولا كأننا اخوات لانهم مش اخواتنا وياريت اى بنت شافت كلامى وليها واحدة صحبتها ممكن تتقبل كلامها تقولها وتفهمها خلى كل واحدة قلبها على صحبتها بلاش نضيع بعض .

ويارب محدش يضايق من كلامى لان للاسف دة اللى بيحصل وفى مواقف كتيرة انا شوفتها وأكيد كلكم شوفتوها بس محدش بيتكلم وكلة بيقول وانا مالى انا عارفة ومتأكدة ان البنات دى مش وحشة من جواها واحتمال كبير جدا يكونوا مايعرقوش ومش مدركين ان تصرفاتهم دى غلط وتتحسب عليهم ودى مسئولية البيت عشان كدة بلتمسلهم العذر وبدعيلهم بجد من كل قلبى ان ربنا يهديهم ويهدينا جميعا يارب

ياريت اسمع رأيكم فى الموضوع دة عشان بس اشوف الناس اللى حواليا شايفة وحاسة بالى بيحصل ولا لاء وياريت كل واحد و واحدة يقول رأية بصراحة فى البنات اللى بيشفوهم بيتصرفوا غلط حتى لو الكلام هيوجعهم يمكن بس يفهموا ويفوقوا لنفسهم .

ويارب محدش يضايق من كلامى وربنا يصلح احوالنا جميعا يارب هو ولى ذلك والقادر علية .

والسلام ختام /وشكرا لكل اللى دخل شاف وهيفدنى برأية .

لينك

http://www.egyoff.com/forums/viewtopic.php?t=53546