ايه ده انتوا روحتوا امتى للدكتور ما احنا كل يوم بنبقى مع بعض
امال انا ما روحتش معاكوا ليه
هو انتوا روحتوا للدكتور يوم السبت؟

شكرا جدا يا دكاتره
انا كنت عايز اسال على حاجه هوه فعلا الدكتوره ليلى قالت سؤال في الامبريولوجي مهم لما الاولاد طلعوا بره ولو صح الكلام ده ليه مفيش حد رفعه
حد يعرف الدكتوره ليلى ها تجيب سؤال في الهستولوجي النظري في امتحان العملي لو حد يعرف يا ريت يقول بدري علشان نلحق نذاكر

اه ادتنا سؤل وحلته بس مش قالت حاجة عليه(يعنى مهم ولا لأ)
وهى ملته تانى بعد ماانتو دخلتوا
ولو مش كان معاكوا خلاص ابقى ارفعه
وبالنسبة للسؤال النظرى اللى فى الامتحان فهى قالت هتجيبه بس مش فاكرة قالت نوع السؤال اى
ما علينا هو انهردة سمعت انها قالت كدة للدفعة اللى قبلنا ومجبتش حاجة (بس الكلام ده مش اكيد)يعنى لازم نذاكر
وربنا يوفقنا

انا سألت محمد حجازى عن الموضوع دة فقلتلة
هو فى سؤال نظرى بيجى فى الامتحان العملى؟؟؟؟
فقلى لا الشرايح وبس
فقلتلة الدكتورة ليلى قالت هتجيب سؤال نظرى
فبصلى وضحك وقلى لو اتبقى وقت

انا اعتقد ان دة يؤكد انة مفيش سؤال نظرى....................

ياريت يا دكتور وشكرا على الخبر
بس انا برده خايفة انى مذاكرش
بس احنا الاهم نركز على الشرايح وان فاض وقت نبقى نذاكر نظرى

اهلا بيكي مرة تانية يا دكتورة ..

-0-0-0-0-0-0-0-0-0-0-

ربنا يبشرك بالخير دايما ان شاء الله .. والف شكر لحضرتك


-0-0-0-0-0-0-0-0-0-0-0-0-

اقتباس:

انا كنت عايز اسال على حاجه هوه فعلا الدكتوره ليلى قالت سؤال في الامبريولوجي مهم لما الاولاد طلعوا بره ولو صح الكلام ده ليه مفيش حد رفعه

انا برده سمعت كدة .. وانا كنت ف المحاضرة دي ومعايا السؤال اللى قالته ..

لكن اللى سمعناه انها قالت سؤال لما احنا طلعنا برة ..

فياريت لو كان الكلام دا صح حد يقول السؤال ..

-0-0-0-0-0-0-0-0-0-0--0-0-

وبالنسبة لسؤال الهستولوجي .. ان شاء الله يبقى نسال الدكتورة عليه ..

لان انا عن نفسي معرفش اية حاجة عنه ..

يا جماعة الدكتورة لما انتوا خرجتوا قالت سؤال بس لما دخلتكم عادت السؤال تانى
ده كمان واحد من عندكوا هو ال جاوب السؤال

اينعم يا سمايلى

خلاص انا ها ابقى اجيبه من اي حد اصل انا ما حضرتش اصلا
هوه مفيش سكاشن فيزياء الاسبوع ده ولا ايه احنا السكشن بتاعنا اتلفا واحنا لسه ما خلصناش مراجعه
حد يعرف في محاضره كمياء بكره ولا لا للدكتور فتحي وايه المحاضرات الي ملغيه بكره

بالنسبة لسكشن الفيزياء فده على حسب المعيد يعنى احنا بيدينا الدكتور على فقلنا فى اى وقت انتوا فاضيين لموا بعض وتعالوا اديكوا سكشن مراجعة ولغلنا السكشن الاصلى
اما محاضرات بكرة الاكيد انه دكتور ضياء والدكتور احمد عطية اكيد هيدوا المحاضرة
اما دكتور فتحى والدكتورة وجيدة فى احتمال ما يدوش المحاضرة

خلاص عادي يا دكتورة ..

اصل احنا ناس قالتلنا انه في سؤال تاني اتعمدت الدكتورة انها تديه للبنات بس ..

فاحنا حبينا نعرف اذا كان الكلام دا صح ولا لا .. وبس

وانا كان على كدة فانا هقول السؤال لعبده

سكشني وسكشن عبده اتلغوا ..

ومش عارفين هنراجع امتا ..

احنا رحنا انهرده وقالوا ان المعامل اتقفلت خلاص
ربنا معاكواا

السلام عليكم
ع فكرة امتحانات الفيزيا ميتقلقش منها
هي بس بتعتمد ف الاول والاخر اننا نكون حافظين التجارب كويس اوي
حتى مش لازم نشتغلها يعني لو مش عارفين
في ناس من السنه اللي فاتت قالتلي ان كان في واحده حافظة تجربه بنتايجها
ودخل دكتور مصطفى وشافها وهي كتبتها ومشتغلتهاش
ضحك ومكلمهاش
يعني هما اللي ليهم الورق بس
ربنا معانا كلنا

حد يعرف ايه اللي علينا في اللغه يعني ايه اللي ها يجي في الامتحان علشان السكشن بتاعنا المواعيد بتاعه الامتحانات بايظه خالص عندنا كل امتحانين في يوم والمفروض نذاكر من دلوقتي
وياريت يا جماعه الناس اللي ها تمتحن اول الاسبوع يقولوا ايه اخبار الامتحان علشان باقي الناس تبقى عندها فكره
وكمان كنت عايز اقولكم ان في ورق فيزياء عملي ها ينزل عند الخبير بس لسه ما خلصش