ايه رايكوا ياجماعه نبدأ من أول النهارده

الباب الاول فى الكيمياء

بس بدايه بجد .. مش أى كلام

ان شاء الله بكره عاوزين نطرح أسئلتنا

ونساعد بعض ونفيد ونستفيد

(عاوزين أسئله حااااااااااااااااااااااااااره) هههههه

ها .. هنبدأ ولا ايه نظامكوا ؟؟؟؟؟؟

لو حد عايز البدايه تكون بحاجه تانيه يشرفنا

انا موافقة يا جميل واتمني اني اكون معاكو بس كل بداية باب هنذاكرو مع بعضينا اكتبي بعد اذنك طبعا التاريخ عشان اللي يدخل متاخر يعرف

وياريت تخليها دايما يوم الخميس الجمعة لان دول هما الايام الاجازة من الدروس لو كلكوا موافقين

انا طبعا موافقه ومرحبه جدا بالفكره بس ياترى انا وصلت متاخر ولا ايه قصدك التاريخ 27/1/2010 مش2009 صح لو كده يبقى انا مش متاخره
وابدا اذاكر

بالنسبة لية صعب لانى عندى امتحان بكرة على الباب السابع
ادعولى كتييييييييير

ياجماعه أنا مش عارفه انتوا بدأ تو معايا ولا لأ

بس انا بدأت اراجع زى ما قولنا

وقابلنى نقتطين مش موجودين فى كتاب الوزاه لكن قابلونى فى الاسئله

قولت أقولكوا

س // علل يستحيل عمليا تحديد مكان وسرعه الالكترون معا فى انا واحد؟

الاجابه لسببين

1 -قصور الاجهزه العلميه التى تراقب حركه الالكترونات حول النواه

2- عدم دقه الحسابات والنتائج بسبب سرعه الالكترونات الفائقه

__________________________

س // ماذا يحدث اذا اكتسب الالكترون طاقه أقل /أكبر من الكم؟

ج/ يترك الذره وتتحول الى ايون موجب اذا اكتسب طاقه أكبر من الكم
ولا ينتقل من مستواه اذا اكتسب طاقه أقل من الكم لكن اذا اكتسب الالكترون طاقه اعلى من الكم
فأنه يترك مستواه وينتقل الى مستوى طاقه اعلى مناسب لمقدار الكم المكتسب

__________________________

بصراحه انا مش عارفه الاسئله دى جديده عليا انا بس ولا عليكوا انتوا كمان

بس قولت أقولكوا علشان ابقى عملت اللى عليا

وياريت لو حد عنده أى أسئله شايف انها ممكن تبقى جديده وغيريبه علينا يقولها

شكرا جزيلا ليكوا

بصى انا ان شاء الله ممكن ابدا معاكو بس مينفعش اليومين دول ممكن ان شاء الله ابدا من يوم السبت لانى اليومين دول متبهدلة فى الامتحانات

بجد من احسن الافكار الى على المنتدى
برافو
بالتوفيق لينا جميعا

بصو يا جماعه انا عاوزه اعرض عليكم مجررد فكرة فكرت فيها وياريت لو موافقين او غير موافقين تردوااااااا عليا
احنا ممكن نتناقش مع بعض ف وقت واحد بدل ما احنا كلنا منا اللي بيتاخر او غير كده
يعنى مثلا احنا ممكن نخصص مع بعض يوم نكون فيه كلنا جمعنا اسالة وموضوعات نتكلم فيها عن الدراسة وكده وده عن طريق ان احنا ممكن نعمل جروب على الياهو ونسميه جروب طلبة الثانوية العامة
والموضوع ده مش هيبقى ع طول علشان منضيعش وقتنا هو ممكن نخصصله 3 مرات ف الشهر
ياريت تعطونى ارائكم يا جماعه
(اللهم وفقنا الى ما تحبه وترضاه يارب العالمين)

فكرة كويسة انا معاكى

انا موافق وياريت يكون يو الجمعة

فكرة حلوة انا معاكى