بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   جهاد عودة يهدد البرادعى بالاعتقال... (https://www.thanwya.com/vb/showthread.php?t=190987)

مستر/ عصام الجاويش 07-03-2010 11:12 PM

مبارك افضل رئيس لمصر بدون مجامله
بطل الحرب والسلام والسياسى الكبير الذى يقدره العالم كله
يااخوانا مبارك حقق لنا الاستقرار الذى نحسدنا عليه كل الدول الطامعه فى مصر
مصر دوله كبيره ومبارك هو افضل من يحكمها

سلفري 08-03-2010 01:01 PM

اقتباس:

المشاركة الأصلية كتبت بواسطة علاء سيف (المشاركة 2032595)
الغالي سلفر واضح ان معلوماتك بها مشكلة فعدي وقصي لم تكن نهايتهم علي يد العراقيين حسب ما اذكر
والبرادعي الذي تتكلم عنه كان احد الادوات التي استخدمتها امريكا لغزو العراق
وهل تتمنى ان تكون مصر مثل العراق الأن؟؟؟؟؟؟


لولا العراقين ماكانو الامريكين عرفو يدخلو العراق او يوصلو لاي احد من كبار الفساد
الشعب ساعد امريكا وتعاون معاه وده شيء معروف
وعدي وقصي اتعرف ملجأهم بتواطؤ عراقي وهما اللي دلو الامريكان على مكانهم
ونفس الشيء مع صدام وكبار حزب البعث
اتمني ان نتحرر من الفساد لكن بايدي مصرية مخلصة


اقتباس:

المشاركة الأصلية كتبت بواسطة مستر/ عصام الجاويش (المشاركة 2033465)
مبارك افضل رئيس لمصر بدون مجامله
بطل الحرب والسلام والسياسى الكبير الذى يقدره العالم كله
يااخوانا مبارك حقق لنا الاستقرار الذى نحسدنا عليه كل الدول الطامعه فى مصر
مصر دوله كبيره ومبارك هو افضل من يحكمها

حلوة بطل الحرب والسلام دي اللي بيغنوها من 28 سنة
لدرجة اننا نسينا كل القادة اللي تعبوا وضحوا بحياتهم وكأن هو لوحده قام بالحرب وانتصر
عموما البطل ده عدى 84 سنة يرتاح بقا شوية ويريحنا ولا ايه ;)

أ/رضا عطيه 09-03-2010 03:18 AM

أقول لكم على حاجة وبدون زعل ---- أنا بحمد ربنا إن البلد دى اتحررت قبل مانهل عليها --- كانت هتبقى مصيبه وكنا بعناها فى مزاد زى هانى رمزى فى الفيلم إياه-- ياعالم هو جهاد عودة يجرأ على سرد الأحداث بهذه الطريقة اللى إنتم قولتوها - ليه هما بيلعبوا فى الحاره - ياعالم دى سياسه مش سبانخ وبعدين مين الطيب اللى يقول الكلام ده علشان يحول الدفه لصالح الخصم - ياإخوانا لما تحبوا تطبخوا طبخه زى دى إبقوا أصبروا عليها شويه لما تستوى أو استشيروا سياسى مخضرم من إياهم ماهم مترصصين فى أحزاب المعارضه فى انتظار سندباد يوصلهم للحكم وكأنهم لايصلحون لذلك رغم تاريخهم الطويل فى السياسه ولوتسمع الواحد منهم وهوبيتكلم تقول عليه غاندى وساعة الجد يفك ويهرب من الميدان ------ وشكرا للجميع

ميدو4 09-03-2010 03:38 AM

الحكومه ياشباب خايفه لا الموضوع يفلت من اديها وانا اكاد اجزم ان لو تمت انتخابات نزيها سيفوز البرادعى
ليه
مش عشان هو رجل رهيب ولكن لان اى حد غير الحالى افضل

ميدو4 09-03-2010 03:42 AM

سبونا نحلم يمكن يتحقق التغيير

أ/رضا عطيه 09-03-2010 02:00 PM

الشباب كل اللى يملكوه يحلموا !!!!!!!!!! وكمان فى انتظار سندباد يغير لهم حياتهم !!!!! يبقى العواجيز يعملوا إيه ؟ياابن الناس زى ماصوتك أمانه برده فكرك أمانه واللى بيعتز بنفسه وبفكره مايقعدشى يولول وينوح ويرمى الذنب ع الحكومه وكأنه نكره
عيب ياشباب كل اللى يتزنق فى كلمه ومن قلة حيله يقول (الحكومه عملت والحكومه خلت) -- وإوعى تقولولى البلد محكومه بالعصا زى غيرك واحنا عمالين نقطع فيهم عينى عينك أهوه ---- ولاهى حجة البليد وسياسة الناس اللى بالى بالك
نعم للتغيير بينا ولينا ولأ وألف لأ للى يفرضه علينا ولا إيه رأيك ياعم ميدو -------------- وشكرا للجميع

المجاهد فى سبيل الله 09-03-2010 04:35 PM

اقتباس:

المشاركة الأصلية كتبت بواسطة redagoh (المشاركة 2035891)
أقول لكم على حاجة وبدون زعل ---- أنا بحمد ربنا إن البلد دى اتحررت قبل مانهل عليها --- كانت هتبقى مصيبه وكنا بعناها فى مزاد زى هانى رمزى فى الفيلم إياه-- ياعالم هو جهاد عودة يجرأ على سرد الأحداث بهذه الطريقة اللى إنتم قولتوها - ليه هما بيلعبوا فى الحاره - ياعالم دى سياسه مش سبانخ وبعدين مين الطيب اللى يقول الكلام ده علشان يحول الدفه لصالح الخصم - ياإخوانا لما تحبوا تطبخوا طبخه زى دى إبقوا أصبروا عليها شويه لما تستوى أو استشيروا سياسى مخضرم من إياهم ماهم مترصصين فى أحزاب المعارضه فى انتظار سندباد يوصلهم للحكم وكأنهم لايصلحون لذلك رغم تاريخهم الطويل فى السياسه ولوتسمع الواحد منهم وهوبيتكلم تقول عليه غاندى وساعة الجد يفك ويهرب من الميدان ------ وشكرا للجميع


استاذى الكريم
ما قاله جهاد هذا واقع
و كلنا لامسناه لما تجرئ احد المواطنين و دخل غصم جاد مع الرئيس فى انتخابات كانت بعيده كل البعد عن النزاهه و الشفافية
معك ان رجال المعارضه وهم خير رجال واعلم الرجال فى السياسه و امورها و خباياها لم يتقدم احد الى خوض الانتخابات ولكن لان هذا بسبب واضح وهو عدم ضمان سير العملية الانتخابيه
التى يكون فيها الكثير و الكثير من التزوير و الخش و النفاق
فا بالتالى اذا خاضوا الان الانتخابات سيكون مصيرهم معروف مثل ايمن نور
لهذا هم صامتون
اما بخصوص الزمان فللاسف قالها اللواء شريف كان لواء جلست معه فى مرة قال
ان الحرب ستقام حين يموت كل جيل 73 بمعنى الى حضروا الحرب دى
اذا فنحن جيل الحرب القادم ان شاء الله
وربنا يستر


مجرد حلم 09-03-2010 07:25 PM

يا جماعة مفيش دولة تقبلنى لاجىء عندها بلد لمواطن غلبان اى بلد لو بلاد الواق واق ونسيب البلد دى لاصحابها من لجنة السياسات والحزب الوطنى

أ/رضا عطيه 09-03-2010 07:49 PM

جالكم كلامى ياشباب--استعدوا للحرب القادمه -- ومن بين سطور حضرتك خرجت بأمر غريب شوية أزاى جبهة الونج الشمال إتفقت مع جبهة الونج اليمين وبتدافع عنها بكل الصلابة دى ؟ فعلا ربنا يستر وينجينا من بينكم --وإنت فاهم كلامى -- ياكبير ياللى بتقعد مع اللواءات ومش أى لواءات دى لواءات عندهم علم الغيب --وياترى هتكون زريعة الحرب المرادى سقوط البرادعى فى الانتخابات المزوره -- واضح إن إنتم مجهزين كل المبررات من دلوقتى --بس نصيحة لوجه الله من إنسان غلبان لا هو تابع للحزب الوطنى ولا المعارضه ولا حتى الأخوان زى بعض الناس -مع احترامى لحق وحريةالجميع - إذا ضغطوا أكتر من كدا على جروح المصريين ولعبتوا بمصيرهم صدقونى العصا هتنزل ع الكل بلا إستثناء وبلا رحمة- ودا كلام واحد عايش وسط الناس مش تحت التكييف زى بعضهم -- الناس زورت من الفساد اللى شمل بعض ساسة مصر من جميع الأحزاب وغير الأحزاب والطوائف كمان

ياشروق الفتنـه-- وغروب القيــم
هتوصلونا لفين يامفســدى الذمــم
شعاركم صبح مكشوف لكل الأمـم
للتجمع لا-لا- -وللفرقه مليون نعم
ضللتوا الشباب --بأفكاركم الضاله
وذوبتوهم بخداع- فى النار والحمم
وإياكم تتغروا بسمـــاحة المصرى
واحذروا يوم تتجمع فيهــاكل الهمم
ورب العــــرش --لاتأمنوا عقابــه
فقد يعيدالحياة --لمن تحسبوه صنم
ويمد المغلوب-- قوة وعزة ومجــدا
فلربما يأتى الشفاء-- من شدة الألـم
وشكرا للجميع

سمر2000 10-03-2010 10:46 AM

اذا انتخبو حد لانه مفيش غيره مش عشان حاجه تانيه وانا اعتقد ان ده مسلسل جديد للحكومه كل شويه تطلع مسلسل جديد للالهاء للالهاء للالهاء واحنا نمشى ورا المسلسل لغاية اخر حلقه احنا نقرر هننتخب مين ونسكت ونشوف المسلسل اللى بعده ومنرغيش فيه كتير وننتبه الحكومه بتلهينا عن ايه ده المهم واكيد مفيش غير اليهود الملاعين والاحوال الماديه وغلاء الاسعار اول ما المسلسل يبدا سيب اول حلقتين وشوف الاسعار ايه ثابته طب البنزين ها او العيش زى ماهوا مفيش يبقى اليهود دخلو الاقصى واحنا لازم ننشغل نقوم نعمل ايه نسمع الكلام ونتفرج على المسلسل بسرعهونندمج فيه وننسى اى قضيه تانيه:abdoog8::confused::006et4:

المجاهد فى سبيل الله 10-03-2010 02:11 PM

اقتباس:

جالكم كلامى ياشباب--استعدوا للحرب القادمه -- ومن بين سطور حضرتك خرجت بأمر غريب شوية أزاى جبهة الونج الشمال إتفقت مع جبهة الونج اليمين وبتدافع عنها بكل الصلابة دى ؟ فعلا ربنا يستر وينجينا من بينكم --وإنت فاهم كلامى -- ياكبير ياللى بتقعد مع اللواءات ومش أى لواءات دى لواءات عندهم علم الغيب --وياترى هتكون زريعة الحرب المرادى سقوط البرادعى فى الانتخابات المزوره
كلام حضرتك غريب بعض الشئ
و يعنى ايه ونج يمين وونج شمال ؟
ثانيا هو يعنى مفيش الا انا الى قعدت مع لواء طب ليه مسالتنيش مين اللواء دا
وكنت حقولك ان دا لوا جالنا واحنا بنعمل التربية العسكرية فى نص السنه الى فاتت دى واقسم بالله هو قالنا كلنا الكلام دا
يعنى مقليش بصفتى المرشد العام لجماعة الاخوان
او خلافه علشان يكون فى حركة سرية او اتفقا مبرم بيننا
اخى الكريم و استاذى الفاضل
لا تهاجم احد بدون مبرر او دليل ولا يوجد غير اعتقاد شخصى من حضرتك

يالا بينا 10-03-2010 08:56 PM

د.جهاد دايما يحب التهريج
من حقه طبعا
اصله من الجماعة

أ/رضا عطيه 10-03-2010 09:05 PM

أمال إيه التدريب اللى شغال ع الهوى فى توقيع حضرتك يابطل الحرب القادمه---- إنتم معتبرنها تسالى == لكن لو استشهد واحد والتانى فى عجز تام من عائلتك كنت عرفت يعنى إيه حرب وإنها ليست مجرد كلمه نتغنى بيها == وشكرا

المجاهد فى سبيل الله 11-03-2010 12:28 AM

اقتباس:

المشاركة الأصلية كتبت بواسطة redagoh (المشاركة 2039470)
أمال إيه التدريب اللى شغال ع الهوى فى توقيع حضرتك يابطل الحرب القادمه---- إنتم معتبرنها تسالى == لكن لو استشهد واحد والتانى فى عجز تام من عائلتك كنت عرفت يعنى إيه حرب وإنها ليست مجرد كلمه نتغنى بيها == وشكرا

على فكرة كل يوم بيموت حد من اخواتى فى فلسطين وكل يوم بيعتقل حد من اخوانى وانا شخصيا اعتقلت اكتر من مرة
و صامد و منتظر الحرب القادمه
ودا اكبر دليل انى لا اتغنى بكلام ولا اقول كلام
انا تم اعتقالى اكتر من مرة ولن اتراجع عن هدفى
وان شاء الله نحن شباب هذا العصر من الرجال اصحاب الحرب القادمه
والشكر لله
وجزاك الله خيرا

boy.bird 11-03-2010 12:37 AM

كلوا كلاااااااااااااام من اى حد

دة كلة كلام

فى حاجة اسهل من الكلام؟؟؟؟!!!!!!


جميع الأوقات بتوقيت GMT +2. الساعة الآن 05:01 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.