:(:(:( انت لم تقدم اقتراح لتطرير التعليم على اى حال نورت :(:(:(

شكرا على الاقتراحات والله مهمة وخاصة الكتب وتقليل الحجم افضل او وضعها فى اسطوانات :d:d:d

بسم الله الرحمن الرحيم
بجد تعبنا خلاص من نظام الدراسة في مصر,كل حاجة نحفظ ونصم كلام خوفا من الامتحان ونروح نكبه في الورقة ونطلع ننساه,والواحد فعلا ابتدى يحس أن التعليم في مصر خلى الناس مش بتفهم,هنا كل حاجة الدروس والمذاكرة والاهانات وعدم الاستقرار النفسي,لدرجة اننا معدش عندنا وقت نتعبد فيه,نمارس أنشطتنا وموهبتنا,بجد احنا بندمر,مش كل حاجه اننا نحفظ في مناهج ملهاش اي لازمه خوفا من الامتحان,مفهوم التعليم في مصر للأسف خطأ مليون في 100%ومش الحل بأننا نجيب الامتحانات صعبةعشان نميز بين الطالب المتفوق والمتعثر!التمييز بيبقى عن طريق الموهبة خارج المنهج,للأسف احنا كنا ممكن نبقى حاجه كبيرة أوي ومصر تبقى معانا كبيرة أوي لو سمحتوا لكل واحد بممارسة هوايته,والتحرر من ضغط الحياة الدراسية بالشكل الصعب ده,بجد راعونا في مواهبنا,كل واحد مننا عنده موهبة من تأليف,رسم,موسيقى,ترجمة,خلينا نتقدم بقى كفاية تعثر,عايزين نحب المدارس بجد يكون فيها أنشطة رياضية على مستوى الجمهورية ومسابقات للشعر والرسم..الخ وعايزين شكلها يفتح نفسنا,عايزين حياة تكنولوجية,عايزين يتغير المنهج ويبقى منهج مفيد يساير حياة التقدم التكنولوجي وينفعنا في دنيتنا وآخرتنا,عايزين تكون مسؤوليتنا فهم وتطبيق وابداع وقراءة المناهج واستوعابها وليس الحفظ الأعمى,تعبنا من التلقي,عايزين نحلل المعلومة ونفهمها ونطبق عليها ونستخدمها مش مجرد كلمتين يتكتبوا في الامتحان وخلاص,زهقنا من المعلومات القديمة,عايزين نخلص المناهج من كل الحشو الزايد اللي ميقعدش على الطالب بفايدة لما يتخرج لسوق العمل,عايزين بعد ما يضيع عمرنا كلو في حفظ المناهج الصعبةدي واستوعابهانتعين في وظائف كويسة برواتب عدلة,عايزين طموحنا يبقى في مصر حلمنا يبقى في مصر,مش عايزين نتغرب كفاية اللي ضاع من عمرنا,عايزين نعيش في بلدنا معززين مكرمين ننفعها بعلمنا ومواهبنا,من فضلك سيادة الوزير:لا تحكموا علينا بالاعدام,فبهذه الطريقة التعليمية حياتنا تهدر يوم بعد يوم ولم نتمتع بها,نتمنى صوتنا يوصل ونتحرر من الضغط ده وبالذات ضغط الثانوية العامة,ونعيش حياتنا بشكل متسقر وفي نفس الوقت مننساش الدين والتعليم والأنشطة وبالشكل ده مصر هتعود لشموخها المعهود..........


اللي فات ده انا كنت كتباه في أهداف جروب على الفيس بوك اسمو
احنا المصريين مش أي حد عايزين نتعلم بجد

http://www.facebook.com/group.php?gid=109266405774048
لو أنا كنت وزيرة التربية والتعليم كنت حققت الكلام ده,بالاضافة اني كنت هعمل صندوق اقتراحات في كل محافظة في الجمهورية,كل ولي أمر وكل معلم وكل طالب يكتبوا أي حاجه عايزنها بيحلموا بيها,وألم الرسائل ديه وأخلص ضميري من الله وأقرأ كل طلباتهم واللي يعجبنا ننفذه فعلا ايه المانع!!!!!!قال تعالى"(وأمرهم شورى بينهم)

رأيكم ايه يا جماعه بجد؟

لو كنت وزير التربية والتعليم

كنت اوكي اني احنا بناخد مناهج ودروس كتيرة

علي الفاضي ونتعب دماغنا من المذاكرة وبعد كده

لا يجي لا مايجيش في الامتحان ليه فقع المرارة دي

انا كنت خليت عادي يدرسوا مناهجهم عادي طول

السنة وبعدين اخر شهر احددلهم ايه الدروس الي هتيجي في الامتحان

وكنت كل يوم اروح مدرسة من مدارس الدولة واشوف ايه شغالة ازاي والتعليم شغال ازاي

الغاء ماده المجالات و تجريم الدروس و تشديد الرقابه علي المدارس

:p:p شكرا على الاقتراح

والله هى دى الحقيقة احفظ وكب فى الورقة

شكرا

شكرا بس فى بعض الدروس لها الاهمية اللى بتيجى فى الامتحان

والله عندك حق المجالات ملهاش لزمة احتراما لمدرسين المجالات بس بنضيع وقت على الفاضى

زعلتى علشان ماقدمتش اقتراح لتطوير التعليم---- طيب اللى اتقدم بيه الزملاء هو ده التطوير
إلغاء المجالات والأنشطه من التعليم مع احترامى لرأى الجميع هو دا الحل ؟
حد فكر يبحث عن التعليم فى أمريكا وأوربا واليابان والصين وكوريا الجنوبية أو حتى البرازيل هل ألغوا المجالات والانشطه؟
كلنا بنتفنن فى تبرأت أنفسنا من المسئولية
ياساده أنا مدرس دراسات من عهد السادات
لا كان فيه تقويم شامل ولادروس خصوصية وكانت المدارس شوية والفصول زحمه لكن كان التعليم جيد
إنتم عارفين ليه لأنكم كنتم طلبه أما الان فماذا أنتم الأن--------- وزراء تخططون !!!!!!
نلغى المجالات علشان فيه مدرس مجال رزل مضايقنا فى المدرسة وما بنحبوش
نلغى الأنشطه علشان فيه مدرس في مدرستنا وصولى أو --- أو---
الخطأ ليس فى السياسة -- الخطأ كله فى التنفيذ
وأنا من النخبة الأوائل الذين دربوا على التقويم الشامل --- أقسم بالله لواتنفذ صح لكان الدافع الأول للتطوير
لكن هتطلب من مدرس يجرى فى فسحة النشاط نشاط فى مادته مع فصل مختلف كل يوم --- وهيفطر ويشرب الشاى أويزوغ من المدرسة إمتى ---- داحتى مدرس العلوم بيمشيها بالبركه --- الوحيد اللى متوفر له كل الإمكانيات فى جميع المدارس-- لا أعمم على كل المدرسين ولكن هو السائد------ ومع ذلك أنا مع إلغاؤه طالما لا ينفذ صح---
ياسادة طالما نطالب بأن نكون شركاء فى القرار فلابد أن نعترف بأننا شركاء فى ضياع التعليم
فلا حل لمشكله دون تحدي أولا أسباب حدوثها ---- وربنا يوفق الجميع

يا أستاذي الفاضل يا ريت تقرا الرد اللي كنت كتباه سابقا وهتعرف ان احنا عايزين نطور مش نضيع وفعلا لا بد من المجالات لأنها مجال للترفيه بس تتنفذ صح,يعني المفروض ميبقاش عليها امتحان بل دي مواد للمتعة بجد,يعني المفروض الفصول اللي بناخد فيها الاقتصاد,الرسم,الموسيقى.........ألخ يطوروها ويخلونا نجرب بايدينا زي دول الخليج ما بتعمل وكمان معظم مدرسين المجالات للأسف بيهينوا الطلاب نفسيا ومش بيكرهوهم في المجالات فقط بل في المدرسة كلها عكس دول الخليج

موضوع جميل
بارك الله فيكى
ماشاء الله الاعضاء كتبواااااااااا حاجات كتييره جميله قوى
انا فقط اتمنى انها تتحقق

الحوار يمتد طالما هناك احترام متبادل
وأنا قلت رأى وحضرتك قلتى رأيك والمحصله النهائيه والمؤكدة الاستفادة للجميع إن شاء الله
وهى دى المسيرة الصح اللى لازم نتمسك بيها - شفافية الحوار بسلبياته وايجابياته
وفقنا الله جميعا وشكراأستاذه egyptiancool

أنا لو كنت وزير هانضف الوزارة أولا من العاملين بها غير المخلصين ثانيا من التلاميذ الفاشلين و سأجعل سلطة المعلم أعلى من سلطة التلميذ وهارجع تعليم زمان وهاتبع الوزير احمد زكي بدر هو اللي هينضفها