اخيراً استمارات حجز الشقق في النقابات الفرعية من يوم الثلاثاء القادم والمقدم سيدفع يوم 20 يونيو

اية الكلام دة وتقول مش تفصيل بعد ما عرفت استبشرت خير وقلت اتصل بالنقابة يمكن اهو يكون في خير لسة ويارتني ما اتصلت طبعا مفيش رد مباشر علي الكلام المنشور دة وبدل مايرد علي استفساري اخذهو في استجوابي من عينة جبت الكلام دة منين وبعد استماتة مني لمعرفة اصل الموضوع استفسر من واحد كان بجوارة وقال لة لسة الشروط لم تحدد بعد وتقولي مش تفصيل ههههه علي فكرة دي نفابة الغربية وياريت يخيب ظني وتكون الفرص متساوية عشان اقدم وربنا يوفق الجميع لكن تكون الفرص متساوية ولو ان الجواب باين عنوانة انها تفصيل ومقاس ضيق كمان علي الاقل في الغربية

كلامك كظبوط جداً وهو نفسه اللي حصل معايا بالظبط

ياجماعة أوعوا تستسلموا ولو العملية لم تتتم بشفافية ممن الممكن نعمل سحب ثقة من خلال قانون النقابة والحمد لله لوكل واحد بلغ زميل له سيتم سحب الثقة منها بكل بساطة والعيار اللي مايصيبش يدوش وللعلم أنا عرفت الموضوع بتاع حجز الشقق بالصدفة فيجب الاتحاد و لايضيع حق وراءه مطالب

لقد ذهبت النقابة اليوم بالأسكندرية ولكنهم لم يفيدونى بشئ كل اللى قالوه أنهم ما يعرفوش حاجة عن المواصفات ولاعن أى حاجه بخصوص الشقق والأستمارات لسة ما وصلتش

قالوا أسألى فى نصف الأسبوع

الاستاذ ياسر / اوعي تتفائل .. سحب ثقة لالالالا هو في كلمة في القاموس المصري اسمها سحب ثقة ومن مين نقابة ملاكي لا بالمناسبة حضراتكم تعرفوا موعد انتحابات النقابة ؟؟؟؟؟ اكيد الاجابة لالالا حالها حال معظم النقابات في مصر بالتعيين ولا سمعت مرة ان في انتخابات اجتماعيين من يوم ما اتعينت والمعلمين عملوها مرة واحدة وقالوا بعدها توبا .. التعيين احسن بتبقي الناس ملاكي ومفيش دوشة ولو في حاجة مش عجباك يعني يرد عليك رد لسان حالة بيقول اخبط راسك في الحيطة هو انت اللي جبتني النقابة معلش بلاش سحب الثقة دي احسن احس اني عايش في بلد بيقدر عقل الانسان

كنت في النقابة اليوم وكان حوار مش عارف اية الاسلوب الملتوي دة علي سبيل المثال كنت استفسر عن مكان ارض 6 أكتوبر وارض برج العرب فين بالظبط قال ارض اكتوبر خلف التجاريين .. طيب وبرج العرب قال مش عارف _________ ماشي طيب كام القسط الشهري او السنوي وعلي مدة كام سنة قال لسة متحددش البنك هيبقي يحدد ___________ طيب اية اللي تعرفوة الوقتي قال اللي نعرفة تروح بنك الاهلي سوستية وتدفع لهم خمسة الاف جنية وشوية فكة وتجيب الوصل واحنا نكتبلك الاستمارة دة كل اللي يعرفة _________________________________ يا فرحتي طيب بداية الشغل في الارض امتي ونهاية الشغل وموعد التسليم ؟؟؟؟؟؟ معندوش ادني فكرة وكأني من كوكب تاني او اني ارتكبت غلطة لن تغتفر علي هذة الاسئلة التي تبدوا في غاية الصعوبة علي الرغم تان اي مشروع لة بداية ونهاية وبرنامج زمني مش اتعلمنا كدة برضوا بس يظهر التطبيق يعتمد علي الفهلوة والبركة تحل علي المشروع مش عارف في امر غامض جدا في الموضوع دة هلي الناس تدفع الفلوس وبعد كدة يعني بعد عشر سنين يطلع معالي النقيب ويقول المشروع متوقف واللي عايز فلوسة يتفضل ياخدها ووقتها تساوي 5 مليم ولا ايه رأيكم انا مبالغ في الوسوسة من الموضوع الغامض دة ولا هو عادي وانا مبالغ في التطمينات التي ارغب في الحصول عليها مش عارف ياريت تشتركوا معي بالردود . شكرا لكم

أنا عن نفسي رحت النقابة مرتين مرة يوم 23 ومرة يوم 27 والفرق بيني وبين المشاركة اللي فاتت أنه ما فيش غموض ولا حاجة وكل سؤال ليه عندهم إجابة وعرفت تفاصيل الموضوع بالظبط وهو
أن الموضوع نصبة كبيرة وأنه متحدد لناس معينة وأنهم في النقابة مجموعة من النصابين والمشكلة أنهم على أول طريق النصب لسه خيبانين لأن المفروض النصاب يكون محترف بدليل
سألتهم الأرض فين يقولوا لسه قرار التخصيص محددش المكان
طب في كام شقة ؟؟؟؟ لسه ما حددناش
طب نشوف الرسومات ؟؟؟؟؟ لسه عند المهندس
طب السعر النهائي وطريقة الدفع ؟؟؟؟؟؟؟؟ يقولك بعد 3 سنين من دلوقتي هنعمل قرعة ولو طلع اسمكط فيها كمل فلوسك مع البنك وانت وراحتك في نظام القسط
طب كده ما أنا أشتري من أي شركة ؟؟؟؟؟؟ أنت وراحتك
طب فين دعم النقابة ؟؟؟؟؟ ما نعرفش
طب ال63 متر هتبقى بكام ؟؟؟؟؟؟؟؟؟؟؟حوالي 90 ألف جنيه كاش
وال100 متر ؟؟؟؟ حوالي 200 ألف جنيه أصلها مش مدعومة
ليه هتشطبوها رخام من الأرض للسقف ؟؟؟؟؟ يقولك أحنا مش بنهزر يا أستاذ
طب العقود صيغتها ايه ؟؟؟؟ ما نعرفش
طب انت بتقول ادفع في البنك والأولوية برقم الايصال وتاريخ الدفع ؟؟؟؟ مظبوط جداً
يرجع يقولك هنعمل قرعة ونختار المستفيدين
حد فاهم حاجة ؟؟؟؟؟ يا ريت اللي فاهم يفهمني

استاذ / امجد مفيش اختلاف بيني وبينك في النتيجة نصب رسمي . فهمي . بس غير نظمي خالص طيب والعمل يعني ملناش دور في اي حاجة في النقابة الفاشلة دي نصب عيني عينك من نقيب لنقيب والوضع أ سؤ منهم الله بس احنا نستاهل اللي بيحصلنا شوية ناس استحلت امولنا وترفع الاشتراكات بدون جمعية عمومية و علي كيف كيفهم .

من النصاب
 

ذهبت الى النقابة الفرعية بسوهاج وسألت عن الشقق فرد على بأنهم لا يعرفون شىءوقد تم تعليق اعلان ان النقابة بسوهاج ليس لديها علم عن اى شىء وتخلى مسئوليتها عن الامر
علما بأن احدى الزميلات اكدت انها تجرى فى اوراق الحجز والتى تسلم بالنقابة بالقاهره مع دفع 1050 ج ثم المقدم المعلن فى حالة القرعة
المشكلة فى نظرى ان تكون العملية نصب حيث يتم دفع اموال لجهات لا تعرفها والنقابة الفرعية تخلى مسئوليتها
او ان النقابة لا تريد احد يتقدم للحجز الا لمن يريدوهم هم

النقابة غائبة وحتى عندما حاولت تعمل أي نشاط فشلت في توصيله لأعضائها