|
مش حقول غير كلمة واحدة
مصر بتتقدم بينا وحتلبس فاول حيطة |
اقتباس:
دي مش سلبيه لكن دا الواقع لازم نقف وقفة جامدة مش مجرد واحد يطلع يقول رايه وخلاص والكلام مش بيوصل وحتى لو وصل بيترمي في الزباله للاسف هوا دا الواقع اللي احنا عايشينه طول ما في......اللي انت عارفه وربنا قال (إن الله لا يغير ما بقوم حتى يغيروا ما بأنفسهم) |
لاحول ولاقوة إلا بالله
أتعتقد حضرتك إن أنا تعبت نفسى وكتبت المشاركه والتى ترفض الرد عليها موجهه لشخصك بالذات ليه بتحمل نفسك أكثر من طاقتها ؟ وبعدين هو فيه تحذير من استخدام (أنتم واحنا) خلاص إنزلوا الشوارع واذبحوا كل من يستعملهما فى كلامه عفوا لم أنتبه إن حضرتك مشرف من الساده المشرفين ولو كنت أخذت بالى صدقنى كان لم يتغير شىء فى الحديث والحوار وهذا مايحزنك لأنى كما أعلنت أنا للجميع (فاقد للعيون )بمعنى هذا مشرف فأجامله وهذا عضو فأهاجمه إنما أرد على كاتب موضوع مهما إن كانت رتبته وهاهو ردحضرتك ومابه من احتقار وسخريه من الأخر فهل هناك من يوجه لك حتى اللوم - أتمنى ذلك رغم شعورى أن اللوم والعقاب لم ولن يطول إلا العبد لله وقد بخلت علي بالسلام ناكرا لأبسط تعاليم الإسلام ولكن هذا ردى السلام عليكم ورحمة الله وبركاته |
اقتباس:
يا استاذى حضرتك بتحسسنى انى فى عالم تانى اية انتم وانزلو وتستغلو اية الكلام دة انت مننا مصرى ولا من بلد تانية؟ وبعدين اية حكاية استغلو دى؟؟ لية بتتكلم بالطريقة دى لية التفرقة فى الكلام ولو كان الكلام كلة فى انتم واحنا تبقى دى المشكلة الكبرى تبقا بتقسم وبتفرق واحنا الى بنقول عاوزين الشعب كلة ايد واحدة تقول لاء واة وبعدين انا مش بحمل نفسى اكتر من طاقتها حضرتك بتقول ابدى بنفسى طب هو انا بعمل اية؟ اية ابدا بنفسى دى المقصود بيها اية من وجهة نظرك؟ يعنى ابدا بنفسى الكلمة الجميلة الى الكل عاوزها وبعد ما ابدا اسكت بقا واقول انا عملت الى عليا وبدات بنفسى وعرفت ربنا الحمد لله وكلة مية مية هما بقا احرار مع نفسهم ؟؟؟ تفتكر كدة اية فايدة انى اسكت بعد ما ابتدى بنفسى |
اقتباس:
هى لسة هاتلبس اكتر من كدة؟؟ شكرا ع المرور |
اقتباس:
ياعم اعمل الى عليك وخلاص اتكلم برئ زمتك من ربنا عشان لما يجى يسالك تقولة انا عملت وقولت الرسول الكريم صلى الله علية وسلم بيقول اية؟ من رائ منكم منكرا فليغيرة بيدة فان لم يستطع فبلسانة فان لم يستطع فبقلبة وهذا اضعف الايمان شوف وصلت لغاية فين قلبك حتى "دة دليل على اية"؟؟ هو الى احنا فية دة اية مش فساد منظومة مش منكر بنشوفة يبقا اسكت بقا وقول محدش بيسمع قول يا عم لعل وعسى كلامك دة يجيب نتيجة ومدام انت بتتكلم يبقا فعلا انت بدات بنفسك انت الى بتقول انت الى عارف الخطا وبتقول دة خطا لان الساكت على الحق شيطان اخرس انت شايف الغلط وشايف الصح لكن للاسف ساكتين على الوضع وعلى الخطا ياريت كلامى يكون واضح ويكون وصل |
بادينا احنا بنعمل مصر يا اخوانا احنا اللي ادينا اصواتنا للاعضاء اللي بيروحو يقعدو على مصطبة المجلس ياكلو " لب وسوداني " وفي ناس مبتروحش خالص بادينا احنا اللي بنهتف " يعيش فلان " واحنا نفسنا انو يموت امبارح قبل بكرة بادينا احنا اللي بنكتفي بالفرجه على اللي بيحصل في البلد على شاشة التليفزيون ولما يطلع واحد من المفترض اننا كنا نحسبه على خير يعني يقول " لن اتقدم لانتخابات الرئاسة لو ترشح الرئيس مبارك " ممكن يكون خايف يحصلو زي اللي حصل لـ "ايمن نور " لو تفتكرو اللي حصله . ومنزعلش من موقف قناة الجزيرة السلبي تجاه مصر وانتقادها لحالنا اللي في نفس الوقت احنا نفسنا بننتقده شكرا موضوع حضرتك جميل تقبل تحياتي |
احنا مع الاسف رجعنا لعصر الفراعنة الفرعون الكبير يقول و هامان ينفذ اللهم أرنا فيهم عجائب قدرتك وعلى فكرة الناس المحاصرين فى غزة عيشتهم انظف مننا الف مرة
|
[quote][
عفوا لم أنتبه إن حضرتك مشرف من الساده المشرفين ولو كنت أخذت بالى صدقنى كان لم يتغير شىء فى الحديث والحوار وهذا مايحزنك لأنى كما أعلنت أنا للجميع (فاقد للعيون )بمعنى هذا مشرف فأجامله وهذا عضو فأهاجمه إنما أرد على كاتب موضوع مهما إن كانت رتبته وهاهو ردحضرتك ومابه من احتقار وسخريه من الأخر فهل هناك من يوجه لك حتى اللوم - أتمنى ذلك رغم شعورى أن اللوم والعقاب لم ولن يطول إلا العبد لله وقد بخلت علي بالسلام ناكرا لأبسط تعاليم الإسلام ولكن هذا ردى السلام عليكم ورحمة الله وبركاته /quote] اولا الرد دة جة امتى؟؟ ثانيا اية الى حضرتك بتقولة دة يعنى اية انا مشرف وحضرتك عضو ومش بتخاف ومخدش بالك انت لية بتتكلم بالطريقة دى يا اخى؟؟ انا كلامى فوق اهوة لو كنت غلط فى حضرتك ليك انك تحاسبنى وانا الحمد لله بكلمك بنفس اسلوبك ومن طبعى انا اكلمك كانى عضو عادى زيك وعمر مكان الاشراف دة يخلينى اعلى منك او لى سطلة اكتر بالعكس استاذى انا المشرف زى زيك بل اقل كمان انا عاوز حضرتك تجبلى اسلوب السخرية والاحتكار الى كلمتك بية دة على حد قولك الكلام موجود وراجع كلامى وكلام حضرتك يا استاذى وبالله عليك متقولنيش ولا تخلينى افعل حجات انا مش عملتها ولا هو طبع فى انى اعملها وفى الاخر هقول لحضرتك الاختلاف فى الرئ لا يفسد فى الود قضية وعليكم السلام ورحمة الله وبركاتة |
اقتباس:
بارك الله فى حضرتك كلامك جميل جداا تعليق بسيط بس حضرتك عارف ان البلد الحمد لله ديمقراطية جدااااااا:stickjo4: وخاصة فى حكاية الانتخابات دى عاوز اقلك الى احنا اخترناهم فعلا احنا بنفسنا مش هيوصلو 20 % من مجلس الشعب او الشورى والباقى واخدينهم بالعافية وبالتزروير زى الريس ما خدها الدورة الى فاتت كدة هو فى حد كان انتخب الريس؟؟ وادى حضرتك شوفت الى حصل مع ايمن نور لما حب يترشح قدامة اية الى حصلة والله يا باشمهندس احنا فى ماساة ربنا يفرجها من عندة وقادر يحلها واكيد فى يوم هنتخلص فية من العبودية الى احنا فيها دى شكرا لمرور حضرتك الى اسعدنى يا باشمهندس ربنا يكرمك ويبارك فيك |
شكرا يا أستاذنا
وبارك الله فيك |
اقتباس:
بكتير يا استاذى احسن مننا على الاقل هما عارفين الى بيحصلهم دة مين السبب فية وكمان الى بيحصلهم مش منهم بل من الغير من الصهاينة الملاعين لكن احنا للاسف الى فينا دة مننا والى فينا دة قاصد يعمل فينا كدة حسبى الله ونعم الوكيل نورتنى استاذ عمادكوم ربنا يبارك فيك |
اقتباس:
نورتنى جدا استاذ بلاك وسعت جدا بالحوار مع حضرتك واحنا اخوات والاختلاف فى الرئ لا يفسد للود قضية جزاكم الله خيرا |
مصر شمس ثابته فى مدارها
ومانحن إلا كأحجار تدور حولها مصر البقاء والنقاء بأمر الله |
السلام عليكم ورحمة الله
هو كل ده وحضرتك لسة مش عارف مصر رايحة على فين على العموم هى راحت ووصلت خلاص الى حيث منتهاها مصر وصلت للمكان الذى لا يمكن ان تتحرك بعدة زى حضرتك كده لما توصل للسطوح او لما حضرتك تنزل للبدروم لا تقدر تصعد اكتر من كده ولا يمكن تنزل اكتر من كده باختصار مصر وصلت للأرض السابعة حيث لا نزول بعد ذلك ولا سقوط اكثر من ذلك او بمعنى آخر مصر وصلت لأعلى مراتب الفشل والضلال ولا يمكن ان تحقق مركز اقل من كده مصر ترتيبها فى كل شيئ اول القائمة من الآخر وده شيئ مطمئن الى حد ما لانها وصلت لمنطقة السكون والنقطة الاخيرة حيث لا نقطة بعدها ولا مركز بعدها شكرا لك موضوع صعب جدا وحقيقى جدا ومؤلم جدا جدا |
| جميع الأوقات بتوقيت GMT +2. الساعة الآن 04:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.