يا أبنائى الكرام
لا يوجد شئ إسمه إعادة السنة وأنت ناجح
طيب حتعيد إيه
ونظام التحسين الذى كان معمولاً به منذعدة أعوام إتلغى

وزى ما أجاب الأستاذ الفاضل صوت الحق
النظام الجديد إنك تخلص تانية وتالتة
ولو عايز تعيد تقدم منازل
وشوف حتاخد سنتين كمان
طيب ده كلام ؟
توصل الكلية إمتى
ومن أداراك إن الامتحانات فى العام الذى ستقرر الإعادة فيه حتكون سهلة ؟
إهدوا شوية
وإٍستعيذوا بالله من الشيطان الرجيم
الطالب الذى لديه ملحق لو لم يتمكن أو لم يرغب من الدخول -(لأن فى الملحق بتاخد درجة النجاح فقط حتى لو جايب فى الامتحان الدرجة النهائية ) - يمكنه ضم المادة إلى مواد سنة تالتة
أما الناجح فى أى مادة لا يمكنه إعادتها

انتوا هنا ؟؟؟؟؟؟؟؟؟؟؟؟؟؟؟؟؟

انا من اول مدخلت هنا وانا بسمع موضوع اعادة السنه انا عن نفسى ... هموت واعيدها بس تقريبا مينفعش غير انك تاخد المواد معاك تالته ... ساعدونا ياجماعة

طيب دا الراجل شايل اتنين + المجموع , مينفعش برده ؟

يا جماعة أنتم كدة بتكرروا المواضيع
نفس المشاكل تم الرد عليها فى موضوعات سابقة
لا يوجد هناك ما يسمى إعادة
أى مادة نجحت فيها لا تدخلها مرة أخرى
لو لم تدخل الدور التانى (والى حتاخد فيه درجة التجاح بس )
حتاخد المواد معاك تالتة فوق مواد تالتة
ده النظام المتبع حالياً للثانوية العامة
بالتوفيق

ماينفعش المادتين بسسسسسسسسسسسسسسسسسسسسسسس
حتي لو شايل المجموع

مفيش حاجة فى تانية ثانوي اسمها المجموع

الكلام ده فى تالثة ثانوى

والمادة التى تدخل فيها الامتحان حتى لو جايب صفر لا يتم تغييرها

يتم تغييرها لو انت غائب فقط

ممكن توضحى شوية يااستاذة

للاسف هقولهالك فى وشك كدة عشان لازم المصارحة بالحقيقة
مينفعش اعادة السنة
مدرسين كتير قالولى كدة
لو مش مصدق اسال مدرسك و هو يقولك
معلش
تتعوض فى تالتة

لا لا فهمنى كدة تانى يعنى انا ممكن اخد المادتين الى جبت فيهم ملاحق معايا فى 3 ثانوى دة لو كدة يبقى احسن مليون مرة من الى فى دماغى

ارجو من حضرتك تعرفنى انا جايب ملحقين ينفع اخدهم معايا فى 3 ثانوى ولا لازم سنة ليهم هما لوحدهم

طب انا شايل مادتين ينفع اخدهم معايا فى تالتة ثانوى؟

ولو ينفع هاخد فيهم الدرجة كاملة ؟

طب لو لازم سنة للمادتين لوحدهم هاخد درجتهم كاملة ؟

و لو هاخد سنة ليهم لوحدهم لازم اروح الملاحق ومااجوبش ولا ماروحهاش خالص ؟

يجماعة ارجوكم حد يرد علينا ضرورى جدا