لا معارضة لقضاء الله ربنا لو اشاء كدا يبقا انا راضى بحالى ولن اتزوج عليها مهما ان كان

وانا اية الى عرفنى مش يمكن اتجوز تتطلع التانية مبتخلفش ههههه بص ياعم محمود

الحب بيعمل كتير ...... وانا ان حبيت وحدة هفضل اخلص لها طول العمر

اوك يا عم محمد ربنا يكرمك بوحدة تحبهاااا وتكون مخلصة

فى ناس كتير زى محمد حلمى وزيكا ستار ونقاء الروح بيكتبوا باسلوب جميل جدااا

بشكركم جميعا على الاراء الجميلة

يا جماعة انتوا علقتوا الموضوع كله علي إرادة الله عز وجل . صحيح ربنا بيقدر الأرزاق للناس ولكن علي الإنسان أن يسعي لينال رزقه وبعدين ربنا يصيب الإنسان بالمرض فهل يمتنع عن الذهاب إلي طبيب ويقول ربنا عاوز كده؟؟؟ لا طبعاً . وأظن أن كل من رد علي هذا الموضوع لم يجرب هذا الأمر وزي ما المثل بيقول "اللي علي البر شاطر" " واللي ايده في الميه مش زي اللي ايده في النار" وبعدين ربنا سبحانه وتعالي حلل الزواج للرجل حتي أربع زوجات يبقي ليه احنا نحرمه !!! وكمان حلل الطلاق للمرأة المتضررة . يا ريت نفكر الأول وبعدين نرد علشان ردنا يبقي واقعي مش كلام فقط.

اقبل طبعا لو كان بيحبنى وانا بحبه عادى

وانا فى نفس رايك حبيبتى مدام بيحبنى وعايشين حياه سعيده يبقى ربنا يخلينا لبعض:blush:

موضوع رائع فعلا و حساس جدا بس مهم
انا رأى انى معنديش ادنى مانع ان ارتبط بشخص ربنا مأردش ليه الانجاب رغم عشقى للاطفال بس دى ارادة ربنا و لحكمته كمان ان احنا مانعرفش اسباب كدا حتى لو مفيش بينا حب او عشرة كفاية التسليم بقضاء الله تعالى
اما اذا كنت انا الشخص الى ربنا مأردلوش الانجاب بصراحة مقدرش استحمل او اتحمل مسئولية كدا انى اشوفه نفسه فى حاجة انا موش قادرة عليها حتى لو ارادة ربنا و ساعتها مش هاتردد ابدا انى اقولوا يروح يتجوز بس اشوفه مبسوط

و علا فكرة يا جماعة موش بس الانجاب ممكن يكون وسيلة اسرة فى حصول علا طفل او العناية بيه من رحمة ربنا بينا انه احل كفالة طفل بل و بالعكس دا خلاها كمان حاجة عالية قوى عنه اتزكر حديث فيما معناه ان رسول الله صلى الله عليه و سلم و كافل اليتيم متقاربان جدا فى الجنة كالسبابة و الوسطى .

و شكرا ليك على الموضوع دا بجد

طبعا هوا احساس صعب جدا على كلا الطرفين
خاصه لو كان الاتنين حلمهم انهم ينجبو اطفال وكده
بس والله دى ارادة ربنا ومش هنعترض عليها
دا نصيب وقدر مكتوب
وعلى الطرفين يتقبلوا الوضع
والسعاده مش بالاولاد بس
ربنا يبعوض ده فى حاجات تانيه
وربنا يرزق الجميع
بس لو انا طبعا
والله ما هفكر فى انى هتحرم من الاطفال وكده
ومفتكرش ان لو واحد بيحب واحده ومتهمين هتهون عليه العشرة



ربنا يكرمك
التوبيك حلو اوى

وجهة نظر على فكره
وانا بحترم وجهات النظر الجميله اللى زى كده

الأستاذ/الأستاذة .......لقد شعرت وأنا أقرأ كلماتك أنك انت الذي تعيش هذه المشكلة فقد عشتها من قبلك ولكن الغريب جدا أن وضعي كان يختلف بعض الشئ وهو أن الفحوصات والتحاليل كانت تؤكد سلامتنا وان لاتوجد أي موانع ولكن هذا هو قدر الله وبعد زواج دامسبع سنوات فوجئت بها تطلب الطلاب ولاأدري من أفهمها أني لا أنجب وأني أخبئ عليها هذا ولكنها أصرت علي الطلاق ولم يكن أمامي بد من الموافقة علي هذا الطلب بعد أن نفذت كل محاولاتي للإصلاح وتدخل كم كبير من اهل الخير ..
وانتهت حياتنا وتزوجت هي مرة أخري ولكن قدر الله ألا تنجب وتزوجت أنا وأنجبت (عمر ) لعل الله يبارك فيه
فاصبر واحتسب واعلم ان الرسول عليه الصلاة والسلام تزوج عدة زوجات ولم ينجب الامن واحدة اواثنتين وبالرغم ان كلهم كن امهات لأطفال من رجال آخرون ولكن قدر الله لايحارب ..............وادعو الله أن يرزقك ولنا في سير الأنبياء عبرة (ابراهيم - ايوب - زكريا )وغيرهم
والسلام عليكم ورحمة الله وبركاته

انا اصلا احب ان ميكونش ليا اولاد انا عمى مجوز واحدة مش بتخلف وتصدقوا دى بقا عمرو مشوفتها ولا شوفت عمى دة قبل كدة احسن بقالوا ربع قرن فى السعودية 25 سنة برة وبابا هوة اللى قاللى مش بنجبوا بس صدقوى لو على الحب لو كانوا اية بردة هتستحمل

قرار محير ممكن يتبنوا طفل او يشغلو حياتهم بحاجة تنسيهم الموضوع دا

هاي عليكوا
احبائي طبعا موضوع حساس بس هو اقرب لقول ابتلاء من الله او اختبار وفيه صعوبه اكيد وبيجي في مستوي الطالب ;)

بمعني إذا اتفقنا علي انه ابتلاء او اختبار فخد الايه دي
{ وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ (155) }

يعني ربنا قالنا علي الاختبار اللي حيدوهلنا وقالنا علي الحل !

لقد خلقنا الانسان في كبد

حتقولي انت عايزه تقولي ايه؟

حقولك ان ماكنش الخلفه .حتبقي الصحه .وان مكنش يبقي الحاله الاقتصاديه .وغيره من الاختبارات اللي ربنا قال عليها! يعني لازم تصبر علي حاجه وتحول السلبي الي ايجابي وتعرف ان الاولاد زينه صحيح .بس احنا اتخلقنا عشان نكون ايجابين في الارض ونصبر لحكم ربنا .

وفي نظري من التجارب اللي شفتها ان لو كان لي زوج يحبني واحبه في حياه امنه مستقره بياخد بأيدي لطاعه الله وبيعمل علي دخولنا الجنه ليه اسيب النعمه دي اللي ربنا اعطهاني !!!!!!!!!!


انا اعرف ناس شخصيات مرموقه في مناصبهم ولديهم كل شئ من العيش السعيد واكرمهم الله بثلاث ذكور وعند دخول الولد الثالث الي المرحله الثانويه دخل الي المستشفي في حاله خطر التهاب كبدي خطير وظهر فجأه في نفس اللحظه كان مجموع الثانويه ظهر وكان مجموعه متفوق جدا يدخله طب مثل اخوته .

الزوجين الذي يمن الله عليهم بالسعاده والوفاق هي النعمه لسنا معمرين نحن في دار الاختبار اريد من يدخلني الجنه .وليس من اكفر بسبه وليعوذ بالله

وليعلم كاتب الموضوع ان هذا الكلام ليس من منطلق الايده في الميه.او اللي لسه علي البر

ولكن كل الاختبارات صعبه في حينها هكذا اخبر رب العزه .مع وجود الرخصه للكلي الطرفين في استخدمها ولكني عبرت عن وجهه نظري وليس الحكم الشرعي .