|
أنا ضد أكتر من مع
بس ساعات لما يكونوا بنات مع بعضهم بتكون حلوة وكمان مش هيروحوا مكان بعيد وكمان مش كل شوية هتروح مع صاحبتها وتخرج ده كل فين وفين وفين ده في مكان قريب ولو مكان بعيد يبقى متروحش أتمنى بس تكونوا فهمتوا قصدي |
اقتباس:
انا فاهم قصدك طبعا وانتي اكيد مش عاوزة ضرر لحد بس طالما عاجباكي لمة البنات ليه متتلموش في بيت كل بنت مرة انما موضوع الخروجات انا مش ممكن اخلى اختي تخرج الا معايا وبكون محاوطها من كل جانب كمان |
اقتباس:
فكرة حلوة انا لغايط دلوقتي مخرجتش خالص خروجة مع أصحابي إلواحدنا بس هية يادوب ممكن كل سنة واو سنتين اوتلاتة مرة من نفسهااو أكتر وعلى العموم الحرص واجب والحرص على أختك كده كويس بس الزيادة مش حلوة لإن إذا زاد الشئ عن حده إنقلب إلى ضده |
انا مع ..بس فى حاله ..
ان الاهل يكونو عارفين بنتهم مصاحبه مين ..ورايحه فين .. المكان الهيتراح يكون قريب يعنى مثلا متكونش البنت ساكنه في الهرم مثلا ...ويجيلها مزاج تخرج مع صحابها البنات ويروحو عين شمس ولا جسر السويس .. يكون وقت متحدد وهو بالنهار طبعا ..يعنى اكيد البنت مش هتخرج مع صحابها من 3 العصر لحد 11 بالليل .. اما على حكايه المعاكسه .. البنت كده كده بتروح الجامعات لوحدها ..وبتتعرض للمعاكسه ..البيفرق في الموضوع ده طريقه لبس البنت واخلاقها .. وانا بتفق مع شذى العطر .. وشكرا ع الموضوع .. |
اقتباس:
انا بردوه كان قصدي مع يكون كده زي ماقالت وزي ماقالت ما هية بتروح الجامعة وساعات المدرسة الوحدها مابتاخد بردوه معاكسة وكمان بتكون الوحدها مش مع حد وكمان الجامعة بتكون في الاغلبية بعيدة أبعد من المشوار إلي هتروحه مع صاحبتها |
اقتباس:
بصراحة انا ضد واتفق تماما مع كل كلمة قالها الاخ وجدان اقتباس:
مفيش امان طبعا لان مهما درجة الادب اللى وصلتلها البنت هى وصحباتها احنا مش نضمن الناس اللى ماشية فى الشارع |
انا عارف انكم تقصدو كدة والله
بس اسمحولي انا بردو ضد دة ومستحيل اختي تخرج لوحدها وللعم انا اللي بوديها المدرسة واجيبها كل يوم |
اقتباس:
براااافووو بجد:022yb4: يارب كل البنات تقتنع بدة:bosyht9: ويفهمو اننا كدة بنحافظ عليهم مش بنحد من حريتهم:blush: |
اولا .. انا عمري ما خرجت مع صحباتي احنا علطول بنتجمع في بيت واحده فينا زي ما الدكتور بيقول
بس انا من وجهه نظري ان خروج البنات مع بعض بيبقى على حسب عده اشياء منها .. البنت دي اهل انها تتساب تخرج لوحدها ؟؟؟ مش لازم عشان مش محترمه لا سمح الله ..بس ممكن هي من النوع الي ممكن تتوه ..يضحك عليها ...مش بتوزن تصرفاتها كده يعني البنت دي مصاحبه مين ؟؟؟ ورايحين فين و الاهم معاد الخروجه ... يعني مثلا ايه المشكله لو واحده و صحباتها نزلوا العصر يشوفوا محل عاجبهم و يرجعوا !!!! انما يخرجوا النادي مثلا و يرجعوا 9 بليل :mad: قال ده يعني بدري ....لا طبعا و طبعا نوع الخروجه بتفرق ... يعني مثلا زي ما قلت الي رايحين يتفسحوا غير الي رايحين النادي غير الي رايحين يتغدوا يعني على حسب المكان برضو و على فكره يا دكتور حضرتك بتقول ان ممكن صحبت اختك تجيلكم البيت او اختك تروحلهم بس انا احب اقول ...ان ممكن البنت دي برضو اخوها ميوافقش على اساس ان صحبتها عندها اخوات رجاله في البيت او تكون صحبه اختك عندها اخوات انت تأمنهم ..واثق فيهم ..يعني مش في كل الاحوال خروجات البيوت دي بتنفع انا مثلا عمري ما هزور صحبتي لو اخوها قاعد في البيت و لا ايه ف كل خروجه بصراحه و ليها حسابات الاهالي بيحسبوها و اكيد عارفين مصلحه بناتهم و لا انا بقول حاجه غلط !!!! و في النهايه ...ربنا يحفظ بنات المسلمين من كل سوء يا رب |
شوفي يا دكتورة إس إي
انا لما بوافق ان اختي ترووح عند صاحبتها دي بكون عارف صاحبتها دي اسمها ايه وبنت مين واخواتها مين بعدين اختي لما بتروح لصاحبتها او صاحبتها بتيجي بيقعدو في اوضة اختي مش في الصالة او الانترية يعني كدة كدة انا مش بشوف صاحبتها دي بس ببقى مطمن ان اختي أدام عينيا |
مع طبعا لاني بخرج مع أصحابي وبنبقي3 بنات وبنروح الكلية مع بعض وبنروح مع بعض واهلي والحمدلله عارفين مين اصحاب... ولما بخرج تقرير كامل انا راحة فين وهتأخر لحد امته وليه.. ولما بنروح نشتري حاجة بروح معاهم لان انا الحقيقة مبحبش امشي في الشارع لوحدي .. فأنا مش عارفة ايه حكاية الناس اللي بتقول ضد دي.. انا طبيعتي بيتوتية بحب قعدة البيت ... ومع ذلك لو صاحبتي طلبت اننا نخرج نشتري ملابس اواي شيء هروح معاها اي المشكلة بالله عليكم.. في كدا ... |
يا دكتور انا مش قصدي ان حضرتك هتقعد معاهم
يعني مثلا .. حط نفسك مكان اخوها تخلي اختك تروح عند صاحبتها و اخوها موجودحتى لو قالتلك انهم هيقعدوا في أوضتها ؟؟ انا بصراحه مش شايفاها تفرق تقبل رايئ و احترامي |
وانا كمان ..مستغربه من كميه الضد اللى في الموضوع ..
بصو ياجماعه احنا لا نشد الحبل قووى ولا نرخيه قووى ..احنا نكون في الوسط .. انا شايفه ان اغلب الردود ..شد بس .. وانا مش شايفه مشكلة ياتسابيح ..ولا حاجه وان قولت فى ردى السابق ايه البيفرق في الموضوع ده .. |
والله يا جماعة دي وجهااات نظر
واللي عنده اخت وبيخاف عليها هيعمل زيي |
انا مع لوكان الاهل عارفين صحبات البنت و عارفين اهاليهم لكن لو غير كده انا ضد طبعا
|
| جميع الأوقات بتوقيت GMT +2. الساعة الآن 03:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.