|
مصر محتاجه لشباب عنيهم تحت رجليهم
مش شباب كل عنيهم على أمريكا وضواحيها الأوربيه مصر محتاجه لشباب دينهم هو مصدرهم مش الموضه وأحدث تسريحة شعر والسلاسل المدليه والبنطال الساقطه والتليفون المحمول اللى تمنه يصرف على عيله غلبانه شهر وأكتر مع احترامى لمعظم الشباب الذى لايتكلم لانشغاله بعمله ونوره كتاب الله ويعلم قدر مصر فى كتاب الله الحكيم سؤال برىء : ليه المصريين فى أمريكا خرجوا اليوم وهتفوا تحيا مصر بدموعهم هل محتاجين مصر زينا ----لا طبعا لكن هيخرج واحد ويقول الحكومه اللى مأجراهم يعملوا كدا !!!!!! كل حاجه لصالح بلدنا حولناها لمؤامرة وكل حاجه ضدها هى دى الحقيقة الزمن أصبح بفكر ميشو الحرامى والنصاب أما فطين بقى خايب وطيب وعلى نياته رغم أنه مربى أجيال هاتوا بلد انصلح حالها من غير شبابها طيب إذا كان جزء كبير بيكره بلده يبقى هيعمرها ويصلحها إزاى يلا نهدها ونبنيها من جديد !!!!!!!!!!!!!! كلام وبس ومصر ليست مبارك ولا حكومة نظيف !! شكرا يا أخت نقاء الروح على الموضوع الجميل |
مصر محتاجة تبقى مصر
عجبى على أقدم دولة فى التاريخ البشرى |
موضوع رائع
مصر محتاجة لقوة ايمان وعزيمة وارادة ناس عندها مبدا مش اى كلام عقيدة مبنية على الصدق والامانة مش طلعنا عليها كده |
مصر محتاجة اعادة بناء من جديد فى كل المجالات
|
انا فى رأيى ان مصر محتاجة لينا عشان احنا اللى فى ايدينا نخليها تقف من تانى وتبقى زى زمان واحسن كمان لأن احنا دلوقتى عندنا العلم والدين بس مش عارفين نستخدمهم لمصلحتنا يعنى مصر محتاجة لينا واستخدامنا الصح للدين والعلم وبعدين كل حاجة هاتبقى احسن والموضوع جميل جدا وشكرا:d:d
|
مصر محتاجة انسانية ومحتاجة اخلاق اكتر من كده محتاجة خوف من الشباب عليها اكتر من كده
.................................................. .................................................. ....... |
هو طبعاً العدل اساس اي ملك في الدنيا
لو مفيش عدل مفيش ملك لكن التركيبة اللي شايفنها دلوقت مفيش عدل و في ملك!! والله لو كل واحد راعي ربنا و عمل اللي يمليه عليه ضميره هانبقي بإذن الرحمن في مقدمة الامم المتقدمة بس يارب فعلاً نعمل كده |
اقتباس:
بنحبها لانها بلدنا ، فيها كل حاجة عظيمة ، حضارة و علم و كل حاجة ، بس للاسف احنا ضياعنا كل الحاجات الحلوة ديه ، ولازم نشتغل عشان نرجعها ، والمشاكل ديه كل الدول بتعاني منها ، لكن المشكلة في ازاي نتعامل معها ، ومش ينفع اننا نقول مش بنحبها اما احنا اولادها مش هنحبها و مش هنعمل عشان نعلى بيها مين هيعمل كدة ؟! يبقى ان شاء الله هنبقى من سيء لاسوء ، و لا هنعمل حاجة ،احنا امل البلد و الامة ، فبلاش السلبية ديه ، شكرا على مرورك ،، |
اقتباس:
ربنا يرحمه ، عاوزين جمال عبد الناصر نمبر 2 ، وربنا يصلح الحال ،، |
اقتباس:
فعلا مصر محتاجة شعبها ، لان التغيير لازم يكون من جوانا احنا ، لازم كل واحد يبدأ بنفسه ،، شكرا عالمرور الجميل ياجميل ، |
اقتباس:
الرجال دول ما اعتقدش ييجي زيهم ، بس مش معناها انه احنا نستسلم ، ونقف مكتفين ايدنا ونقول اصل مافيش راجل بالصفات ديه ، لازم نحاول نغير وضعنا و حالنا ، ومش ينفع نقول نستنى نزول المسيح عليه السلام و نحط ايدنا على خدنا ، الاستسلام للواقع ده هو ال رجعنا لورا فبلاش انهزامية اكتر من ال احنا فيه ، شكرا على مرورك، |
اقتباس:
العفوو ، الاجمل مرور حضرتك ،، |
اقتباس:
فعلا مصر عاوزة ترجع مصر ، لانها مش مصر ! فعلا صاحبة اعظم حضارة على مر التاريخ البشري ، وتحولت لشيء اخر تماما ، يارب ترجع زي ما كانت ، شكرا عالمرور الراائع ، |
جملة " يا حبيبتى يا مصر " لما بيسمعوها الناس الـ من جيل والدى و والدتى بتجيب الدموع فى عنيهم !!! لما بيفتكروا أيام طفولتهم و الخير الـ كان فى البلد , و الناس كانت بتعامل بعضها إزاى , كان فى حب حقيقى بين الناس و بعضها , الجيران و الأقارب و الأصدقاء .
ما كانش الغش فى التعامل و لا الفساد مالى الدنيا زى دلوقت ... ما كانش فى غذاء و مشروبات مغشوشة و لا مسرطنة ... ما كانش فى أطفال شوارع ... ما كانش فى خصخصة و معاش مبكر ... ما كانش فى .......... ما كانش فى .... كان لسه فى ضمير ... كان لسه فى انسانية و رحمة فى قلوب الناس ... كان فى ناس بتخاف ربنا و بتعمل حساب يوم القيامة ... لو رجع الضمير عند الناس ... الكبير قبل الصغير حترجع مصر تانى زى زمان ... نبدأ بنفسنا و نقول يا رب يا هادى ... اهدِ عبادك الى الحق و الصواب ... اللهم آمين |
مصر محتاجه حكومه صالحه بس مهما يحصل مصر ام الدنيا |
| جميع الأوقات بتوقيت GMT +2. الساعة الآن 05:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.