والله حاجة غريبة يعنى انا مش عارفة اتكلم ولا اقول امال ايه تصريحات الباشمهندس الوزير على الهوا انه الغى سطوة المدرس على الطالب
بصراحة حرام التقويم الظالم

انا عارف الكلام ده من حوالي شهر
و نختار مادتين نعمل فيهم انشطة كده صح
وشكرا ميرال علي الموضوع

انا معك لابد من الحوار باسلوب راقى ولا يتم اتهام احد بالكدب وانا اعت>ر لك ونحترم كل ما قولت ولك منا كل الشكر والتقدير وكل سنة والجميع بخير

يا جماعة نظام التقويم الشامل بقى على الورق فقط

السلام عليكم
باختصار شديد
التقويم الشامل حسب ما ورد لكافة الادارات ووزع علي المدارس يشير الي
1- يطبق نظام التقويم الشامل علي مرحلة التعليم الاساسي بشقيها الابتدائي والاعدادي
زي حضراتكم ما عارفين من العام الماضي
يتم عمل تقييمين في كل شهر
الدرجة = 25
20 درجة لللشفوي بس في ملحوظة
مش معني كلمة شفوي ان النشاط تلغي زي البعض ما فاهم
حضراتكم ممكن تستغل النشاط كوسيلة لقياس المستوي الشفوي للطالب
بمعني انك ممكن تطلب من الطالب كتابة موضوع تعبير اوكلمة موجزة او رسمة وتناقشه فيها امام الطلبة
وبكده تكون استغليت النشاط كشفوي
يبقي حضرتك هتعمل كده مرتين في الشهر وتختار الاعلي وترصده في الاستمارة الخاصة بيك
عندك شهرين
في تقييميين
يعني الحسبة 50 تحريري علي الشهرين+40 شفوي علي الشهرين=90/2=45+5سلوك تضاف في نهاية الترم يبقي المجموع 50 درجة
وبكرر الكلام ده من اول سنة 2 ابتدائي الي 3 اعدادي
يعني التقويم الشامل زي ما هو موجود
اما بالنسبة لطلبة الصف 3 ع
من حق الطالب انه يختار مادتين اضافيتين من الخمس مواد الاساسية
وتكون نشاط اضافي ليه الدرجة فيه من عشرة علي الترمين
بس الاهم ان الطالب هو اللي يختار بنفسه
وكمان في حاجه مهمه
حضرتك هتقيم الطالب ازاي؟
ممنوع اي عمل تحريري في المادتين اللي يختارهم
ممكن تطلب منه عمل بحث او مجلة او فقرة في الاذاعة
من اسمه نشاط
بس خلوا بالكم بصراحة ومن الاخر الكلام ده اتعمل
علشان الكل يعدي وينجح
اسف في اللفظ * فرفطوا ايديكوا مع الاولاد علي الاخر*

شكرا علي الخبر

ارجو الرد سريعا جدا بخصوص التقويم الشامل:

هل الصف الاول الابتدائى ليس له تقويم شامل؟
2- المادتان اللتان لهما تقويم شاملهل هما من المواد الاساسيه ام من مواد الانشطه خاصة فى الابتدائى
ارجو الرد سريعا......

[quote=وجيده مصطفى;2640424]ارجو الرد سريعا جدا بخصوص التقويم الشامل:

هل الصف الاول الابتدائى ليس له تقويم شامل؟
2- المادتان اللتان لهما تقويم شاملهل هما من المواد الاساسيه ام من مواد الانشطه خاصة فى الابتدائى
ارجو الرد سريعا.....
.[/quoبالنسبة للصف الاول الابتدائي المفروض انه بيقاس شفوي مش تحريري خصوصا في الترم الاول بس بيتعمل مهام وانشطه بسيطه يقدر الاولاد يقوموا بيها علشان يبقي الملف كامل من حيث الشكل العام
ثانيا المادتان اللتان لهما تقويم شامل من المواد الاساسية فقط العربي والعلوم والرياضة والدراسات والانجليزي
وبعدين النشاط الاضافي يا جماعة خاص بالصف الثالث الاعدادي فقط
لانه درجة التربيه الفنيه مش هتضاف للمجموع
يعني النشاط الاضافي بدل الفنيه
اما بالنسبة من اول سنة 2 ابتدائي الي سنة 2 اعدادي زي ما كنا شغالين السنه اللي فاتت
بس الفرق في نسب وتوزيع الدرجات

شكرا اختنا العزيزةومعذرة عن استخدام البعض اسلوب غير لائق

ارجو ان حضرتك تكوني عرفت المطلوب

السلام عليكم
اعزائي الكرام اليكم نص الخمس مواد الاساسية من قرار الوزير بخصوص التقويم الشامل
وياريت تاخدوا بالكم علشان في خطا في احد ردودي السابقة لم اخذ بالي منه الا عندما راجعت النشرة مرة اخري
مادة 1
يستمر تطبيق نظام التقويم الشامل علي مرحلة التعليم الاساسي بحلقتيها الابتدائية والاعدادية اعتبارا من العام الدراسي 2010/2011
مادة 2
تعقد امتحانات الصفوف من الاول الابتدائي وحتي الثاني الاعدادي علي مستوي المدرسة مع وضع نظام دقيق لمراقبة الدراسة والامتحانات ضمانا للجدية ومراقبة النتائج بدقة اما الصف السادس الابتدائي والثالث الاعدادي فتعقد امتحاناتهما علي مستوي المديريات التعليمية
مادة 3
تقوم كل مدرسة بوضع خطة تحسين شاملة عناصر المنهج وتتضمن برامج علاجية وذلك بناء علي نتائج التقويمات وفي ضوء الخطة الاستراتيجية للوزارة
مادة 4
يكون نجاح الطالب في ملف الا نجاز في شهادة اتمام الدراسة بمرحلة التعليم الاساسي شرطا لدخوله الامتحان الفصل الدراسي الثاني علي الا يتم احتساب درجات ملف الانجاز ضمن درجات الطالب وانما تحتسب له الدرجات الفعلية في اختبار الفصلين الدراسيين
مادة 5
يختار الطالب من الصف الثاني الابتدائي وحتي الصف الثالث الاعدادي مادتين فقط ينفذ فيهما الانشطة المصاحبة لهما ويخصص لكل مادة 10 درجات لتقييم كل نشاط مصاحب علي ان تضاف درجة الطالب في الانشطة المصاحبة في المادتين المختارتين للمجمع الكلي لملف الانجاز
مادة 7
في حالة عدم تحقيق طالب الصف الثالث الاعداي لدرجة النجاح في ملف الانجاز يراجع ملفه من قبل لجنة تشكل من موجح المادة بالادارة التعليمية ومعلم ومعلم اول المادة بالمدرسة ومعلم من مدرسة اخري ويصدر قرار بتشكيل هذه اللجنه من مدير الادارة التعليمية

شكرا لحضرتك على احضار نص القرار
وبهذا اتضح صدق كلامى

واحب اوضح لاعضاء المنتدى ان فيه قرارات جت المدارس وباقرار وزارى ايضا عن الباعه الجائلين وحرق القمامه والتنبيه على الزى المدرسى
ولكن الغريب التنبيه على لبس المدرسات

وممكن كل مدرس من حضراتكم يتأ كد من مدرسته

وكل سنه وانتم طيبين

مازالت لا أفهم معلش لان القرارات الكتير اصابتنى بالغباء واللامبالاة
اريد توضيح يا مستر يعنى التقويم الشامل على اولى وتانية اعدادى موجود بدرجاته زى السنة اللى فاتت
والمدرسين هيتحكموا تانى فى الطلبة ويزلوهم اريد توضيح اتوسل اليك
انت لا تعلم مدى الظلم الذى يعانى منه الطلاب بسبب هذا النظام
طالب اولى وتانية اعدادى 50
درجة ملف وتضاف للمجموعةو50 تحريرى

أرجو توضيح توزيعة الدرجات للمادة التي سيختارها الطالب كنشاط النشاط من 10 درجات كيف توزع درجة التحريري والشفوي