|
إجابة سؤال الأستاذ علي
بترجع للراحة والقبول وليس الشغل انا من راي كدا لو هو فعلا انسان متدين وفيه قبول ..ايه المشكلة !!! لكن لو مفيش قبول ...لا طبعا... أديكي قولتي " رأيك " وطبعاً رأيك لا غبار عليه , ولكنه رأيك انتي فقط وربما يكون نفس رأي عدد قليل من الفتيات وليس رأي الأغلبية !!! وايضاً هناك رأي الأهل , وممكن بل الأرجح أنهم لن يوافقوا وخاصة إذا كانت الفتاة ما تزال صغيرة " لم تتخطي 30 سنة " !!! صدقيني يا تسابيح , وجهة نظر البنات بتتغير بسرعة شديدة وتلاقي كل يوم لها رأي شكل لحد ما توصل لسن 30 سنة :mad: ساعتها تلاقيها نفسها أي واحد يخبط علي الباب !! أما لو تخطت 35 سنة , بتبقي عايزة تشد واحد من الشارع وتقوله اتجوزني حتي لو كنت متجوز وعندك عيال كمان !! طبعاً كلامي لا يعني كل البنات , لكن الغالبية كده !! زي المثل اللي انتي ذكرتيه , مجرد حالة من الحالات الفريدة واللي مفيش زيها كتير في المجتمع المصري !!! |
الشغل مش عيب
العيب انك تمد ايدك لحد |
اقتباس:
فعلا أستاذ علي ممكن مش يكون راي الاغلبية لكن فيه ناس بتوافق اهو .. هو احنا عايزين الحاجة تتعمل ببسرعة البرق كداا لازم الثقافة تتغير تدريجيا مش عارفة هي اقل من 30 تبقي صغيرة و30 كبيرة:romarioxp6: المهم ان لو الشباب فكر بالطريقة دي ودا فعلا اللي بيفكر فيه يبقي محدش هيشتغل ونسبة البطالة هتزيد اكثر من ما هي عليه!! |
اقتباس:
والعيب الاكثر انك تببقي عاطل شكراا حبيبتي |
السلام عليكم
جزاكى اللة خير ياحبيبتى بجد موضوع رائع
|
اقتباس:
فعلاً تغيير الثقافة بياخد وقت طويل , وهي دي المشكلة !! لأن الوقت الطويل ده مش في مصلحة الشاب لأنه عايز يتجوز الأن مش بعد 50 سنة أو أكتر !! حكاية البطالة حتزيد , ماهي زايدة أساساً !! هو فيه شغل ؟؟!! وبعدين انتي قلتي ان الواحدة مش مطالبة بالانفاق مع الزوج علي البيت وان فلوسها خاصة بها فقط , طيب ماشي , بس يبقي ايه فايدة عملها ؟!! طبعاً حتقولي اثبات الذات ومش معقولة بعد ما درست كل سنوات الدراسة دي , تقعد في البيت !!! أظن المنطق ده مفيش فيه أي منطق أو عقل !!! يعني الواحدة تشتغل علي حساب البيت والزوج والأولاد لمجرد انها عايزة كده أو شايفة كده وخلاص ؟!! لو كان الأمر هكذا , يبقي الأوجب لها انها تعمل في الاجازة الصيفية وهي طالبة لأن العمل في وجهة نظرها ضرورة ولا غني عنه !!! وإلا فما هو الفرق بينها وبين الشاب ؟!!! ومسألة ان المنطق والعقل لا يقبل أن تعمل الفتاة في خدمة البيوت مثلاً فأين هنا المنطق والعقل ؟؟!! أليس هذا العمل عملاً شريفاً ؟!! ولو كل واحدة أخذت بهذا المنطق , فلن نجد واحدة تعمل في أي بيت وهو ما نراه في مصر منذ عدة سنوات !!! فكما تنظر الفتاة لهذه النوعية من الأعمال , ينظر الشاب مثلها تماماً وكذلك تنظر الفتاة نفس النظرة لعمل الشاب !!!! يبقي حل المشكلة في ايد الفتيات أولاً ثم الأهل ثم الشباب !! يا تسابيح دا الشاب لما يتقدم لفتاة ويقول انه حيأجر شقة حجرتين , بيرفضوا علي طول " طبعاً الكلام ده لا ينطبق علي القاهرة " هذا بخلاف انهم بيسألوه عن طبيعة عمله , ليس من باب السؤال والمعرفة , ولكنه من باب القبول أو الرفض !! يعني مثلاً لو شاب معاه مؤهل جامعي واشتغل سواق أو فتح كشك أو اشتغل في الفاعل " أعمال البناء " , وتقدم لواحدة حتي وان كانت متدينة وملتزمة , لكنها بترفض أو أهلها بيرفضوا ...... ليه ؟ ..... لأن ميصحش بنتنا تتجوز واحد سواق أو فاتح كشك أو بيشتغل في الفاعل !!! الخلاصة يا تسابيح ان معظم الشعب المصري أقرع ونزهي :d:d |
اقتباس:
زي ماقلت لحضرتك فيه فرق لان االرجل هو المطالب انه يفتح بيت البنت مش مطالبة بكدا الولد مطالب انه يجيب شقة وعفش وغيره وينفق ع زوجة وأولاد البنت مش مطالبة الا انها تاخذ فلوسه وتصرفها:d يعني النظرة للبنت اللي تشتغل في المكان بيع جرايد مثلا غير النظرة للشاب أكيد تختلف !!! |
اقتباس:
شكراا |
معرفش غير عادات المنايفة:d
ههههههههههههههههههه عادات المنايفة بس ؟!!!! طيب ما كل كلامي ينطبق علي عادات المنايفة !! أصل أنا منوفي يا تسابيح :d:d |
اقتباس:
ما أنا بقول بردو المنايفة أجدع ناس :dليه اتاري حضرتك منهم:022yb4: كنت بحس ان حضرتك بتتكلم عن القاهرة أكيد فيه اختلاف ولو بسيط بين العاصمة والمحافظات |
| جميع الأوقات بتوقيت GMT +2. الساعة الآن 12:03 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.