|
احنا مش متعودين ان يكون لينا دور فى اى حاجة أساسا عشان تلاقينا بنشارك فى مسابقات دولية
طبيعة البيئه الى حوالينا محبطه و جاهلة وتافهة أساسا الطفل مش عارف حاجه عن الدنيا عير انه بابا بيجيب فلوس وماما بتحبه وتخدمه يأما يبقى دحيح ويدخل طب أو هندسة عشان يرضى بابا وماما ميفكرش فى غير كده عقلة مغسول لسانة مقطوع مبيكلمش أول مايفكر فى الى بيحصل حوالية برا ...ملكش دعوة بدول دول أجانب عمرنا ماهنبقى زيهم دول كفره ملكش دعوه بيهم انت مسلم...يأما يبقى تافه مش فاهم حاجة عايش زى الأنعام ....... |
اقتباس:
دا حتي فصول المتفوقين لغوها من المدرسه عشان بيقولوا ان الحاجات الزياده ملهاش لزمه |
اقتباس:
ربنا يوفقك في هدفك و يارب اقدر يوم اشاور عليكي كواحدة من علماء الامة او من االحائزين علي جائزة نوبل إن شاء الله و يوفقنا كلنا بإذنه |
اقتباس:
دي بجد تبقي اجمل حاجة ممكن تحصللي يارب يوفقنا جميعا لما نحب ونرضي |
اقتباس:
و بتبلغ لما تدخل الجامعة!! انا بعمل البطاقة من 16 سنة يعني الدولة بتعترف بيا يبقي انا جزء في الدولة و يقع عليا عبيء رفعها و تطويرها و طالما عندي القدرة اني اعمل كده و مش بعمل كده يبقي حرام عليا لاني بخالف شريعة الله في ارضه مش بعمل اللي طلبه مني انتا تعرف عمرك هايخلص امتي؟؟ تفتكر لما تسأل انتا عملت ايه في حياتك هاتقول ايه؟؟ ياتري انا اتخلقت ليه؟؟ ________ الاجانب دول لو كانوا مسلمين هايكونوا زي المسلمين في فترة ازدهارهم العلمية ياريتنا نبقي في نشاطهم و همتهم ياريتنا نقدر نميز فعلاً اللي نقلده في تصرفاتهم من اللي نبعد عنه احنا في احيان كتير بنشبه الانسان اللي قلد القرد لا فكر هو بيعمل كده ليه ولا فكر هايستفاد ايه ارجو ان فكرتي تكون واضحة |
اقتباس:
في موجهين في مواد كتير لغاية دلوقت دماغه مقفلة و مدودة و مليانة تراب من جوة افكاره قديمة من ايام جدي و جدك و لسه موجه ده يخرب المكان اللي فيه يخلي التعليم ورقة و قلم و علي فكرة الشهادة اللي بتاخديها بتغير وجهة نظر اللي بيشوفك من ناحيتك يعني لو انا كسب مسابقة مايكروسوفت هاشتغل في مايكروسوفت بفرض اني سبتها في السي في بتاعي هاكتب اني كنت موظف سابق في مايكروسوفت و دي طبعاً ليها وزنها في اي حتة اروحها و هكذا شغل برة المنهج ده حلو ليكي و حلو لينا كلنا لكن ممكن منحسش بحلاوته دلوقت و ياريت اقدر اوصل كلامي ده للطلبة كلهم علشان نطلع ولو جيل واحد صح يشيل البلد علي كتافه |
بس انا سعيد اني قدرت لاول مرة اعمل موضوع يبقي فيه تفاعل
ده انجاز ليا انا فرحان بيه ربنا يزيدهم اللي شغالين ليل و نهار مواضيع دول :d |
بسم الله ماشاء الله ..
ربنا يوفقنا جميعا يارب .. ويكتر من امثال حضرتك ويجعلنا نافعين بدينا ياااااارب.. كل عام وحضراتكم بخير.. |
اقتباس:
ربنا يوفقنا كلنا يارب و كل عام و انت بألف صحة و سلامة و ياريت فعلاً نعمل حاجة مشابهة علي المنتدي هنا مسابقة افضل مقال علمي او ادبي يمكن يحرر طاقات الاعضاء علي الاقل علي المنتدي |
اقتباس:
|
اقتباس:
هل تقبل هذه المعاملة ؟ ولا تقولها انا مش حيوان انا عندي عقل و بفكر و فكري واصل للعالمية و العالم بيحترمني تجبرها تحترمك دلوقت لو كلامي وصل لناس كتير هايفهموا يعني ايه مسابقة و يعني ايه يفكروا من الاساس ديننا لازم نتمسك فيه لكن قبل ما نعمل كده لازم نحكم عقلنا و نعرف ايه اللي نقلده من الغرب و نعرف ايه العادات الغلط و ايه العادات الصح و ده برضه موجود في الاسلام لكن للي بيقري و يتعمق فيه هايفهم بس احنا عنا علي الاقل علي المنتدي مش عايزين نكون جزء من الحيوانات المقادة دي و ربنا يوفقنا كلنا بإذن الله |
اقتباس:
و لكن فعلا هم مش أحسن مننا,,, لكن ,,, فيه عوامل كتير بتقتل المواهب,,, مثلا: عدم توفر الإمكانيات ,,, منظومة التعليم بايظة,,, زي ما حضرتك قلت(يعني انت أحسن من العلماء اللي سبقوك) , و غيرها من الكلمات اللي حفظناها و سعات بنردده,,, و الثانوية العامة فعلا في مصر تمنع الاشتراك في المسابقات دي ,,, الوقت ضايع في الدروس و المناهج عايزة حفظ و خلاص ,,, و الحفظ ده أكتر حاجة عايزة وقت,,, بس أنا سمعت ان أولمبياد السنة دي في الصيف ,, صح؟(مش عارفة كتير عنها يا ريت حضرتك تقولنا معلومات أكتر عنها) بس بردو مع ده كله الشخص لو حط في دماغه حاجة و تجاهل الأفكار الغلط اللي حواليه ممكن يحقق هدفه,,, و شكرا^^ |
عندك حق يا احمد بس انا مش بتكلم عن نفسى لان كل واحد وليه ميوله واهتماماته يعنى فى اهتمامتهم فيزيا وكيمياء ورياضة زى ما انت بتقول وفى اهتمامات ادبية زيي كده
فممكن نقول ان مابقاش فى تشجيع وفى احباط دايما اكيد طبعا احنا فين اذكياء كتير بس فى المقابل فى احباط كتير اووى وانا قابلت ناس كتير حاولت تحبطنى كتير فالمشكلة مش فى الدولة المشكلة فينا احنا واننا دايما بنمشى ورا كلام الناس ونسمعلهم ونحبط قدراتنا اللى ممكن تفدنا فعلا ونستفاد بيها للاسف يا احمد احنا لو علقنا على حاجات كتير اوووووووووووووى فى حياتنا يبقا مش هتكفى صفحخ واحده واتمنا بجد كلنا نبحث عن اول الطريق وكل واحد بجد يسعا ورا احلامه واهدافه مهما واجهنا او الدولة محبطانا ومضيعه احلامنا موضوع اكثر من رائع تقبل مرورى |
الموضوع جميل.
بعض اللى جايبين مجموع كبير هتلقيهم ممكن يموتوا فمواضيع برمجة ومسابقات علمية وكده لكنهم عشان يجيبوا المجاميع الكبيره ديه مش بيبقى عندهم وقت لكده. وللاسف فى ناس بقى دماغهم وقدراتهم فالبرمجه وكده روعه وممكن تلاقيهم مش جايبين مجاميع لانهم بيهتموا بحجات كده ويوم ميحبوا يشتركوا فحاجه كده طبيعى يتقال لهم روح امسكلك كتاب ينفعك(ساعتها فالاغلب بعد ميجبش مجموع ويسمع الكلام ده بيتحطم اكتر وبينسى موهبته لحد ميفقدها وده حال الاغلبية). انما النوع الثالث ................. |
اقتباس:
مع ان التعليم في السعودية لا يختلف عن التعليم في مصر و ده رأي الطلاب هناك برضه في احباط كتير لكن دول مع ان حالتهم زينا قدروا يجيبوا مركز عالمي يبقي العيب في مين؟؟ اما موضوع الاوليمبياد لإانا دخلتها السنة اللي فاتت و كانت في الدراسة و هي بتتم في الدراسة و لو قلنا ان مصر مشاركة في المسابقة الدولية ليها يبقي التصفيات في مصر بتتم بين الادارات لغاية ما يبقي في فريق كبير في السعودية بيكون في امتحانات و بيجمعوا 60 طالب و طالبة و بيعملوا معسكرات بيصفوا بينهم لغاية ما يعملوا فريق صغير في مصر اظن ان التصفيات بتوصل علي مستوي المحافظات و منها بيعملوا معسكرات و هي بتكون في الدراسة مش في الاجازة لاني دخلتها في الدراسة ده اللي اعرفه عنها و طبعاً هي 3 مسابقات زي ما قلت لكن في المدارس هايجمعوكوا علي بعض يعني مش هايفصلوهم بس ارجو اني اكون افدتك |
| جميع الأوقات بتوقيت GMT +2. الساعة الآن 11:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.