على فكرة بقا انا روحت النهارده المدرسة وضميت الفصول بتاعتى وعملت التقويمات ورصدتها فى الملفات واللى مامتحنش هاعيد له الامتحان تانى بكرة

الصبر من عندك يارب

طب كويس انتى كدا صح لان فى كل الاحوال الترم انتهى كمان اللى حصل ميعفيش سيادتك من المسؤليه

وبالنسبه للترم التانى بقى سيبى المدرس الاول يكون هو اللى مسؤل عن الامتحان وخليه قدام اكبر عدد ممكن يقول ان دى مسؤليته وانك ملكيش دخل فيها وسيبيه ياخر الامتحان زى ماعمل واستنى بعد مازمايلك يخلصوا امتحانات وبعدين اتصلى بالموجه واعملى زى ماقلتلك ساعتها بقى هيكون معاكى كل الحق وهو سبب كل التاخير وانتى مش مسؤله نهائيا ومنها هيتعلم هو ان فيه ردود افعال للمواقف اللى بيعملها

عاوزه اقولك على حاجة يا منار المدير بتاعنا مش حاسس بقوة المدرس عليا هو حاسس بقوة فلوس المدرس عليه انما انا او اى ست او اى بنت طبعا مبنلجاش للاسلوب ده يعنى لا فى فى يوم هابعت له هدية ولا فى العيد هابعتله من الاضحية ولا فى يوم هابعت اجيب فطار المدرسة ..........وحاجات كتيرة من القبيل ده

احرجتنى بذوقك يا عضاضلى

هاقولك حاجه بصراحه احنا كمعلمين مساعدين اغلب واطيب فئات التربيه والتعليم
عارفه ليه لسبب بسيط جدا كل لما نيجى نعمل اى مشكله مع اى حد
يقولك انت لسه مكتوب بالقلم الرصاص بجد حاجه تخنق
بصراحه كان المفروض انك من الاساس تلتزمى بشغلك من الاول
ومتخليش اى حد ايا كان يتدخل فى شغلك
هاقولك حاجه عمر مااى حد هايقف فى صفك على حساب مدرس معين فى المدرسه
ايا كان باه حتى لو عندك حق واحنا كلنا بنواجه وعارفين الكلام ده كويس
بامانه انا الحمد الله فى المدرسه مرتاح من المشكله ديه لسبب بسيط مش عندى مدرس فوق منى
فى ماده الكمبيوتر
خلاصة الكلام اصبرى فما صبرك الا بالله وان الصبر مفتاح الفرج

والله انا مش مغلوبة على امرى ولا حاجة يعنى مش شكل ما وصللكم بس باحب افضفض اولا بقا انا حائط صد رائع ولما باصر على حاجة بانفذها وكمان مباحبش المشاكل طالما نقدر نحلها ودى من غير ضرر كمان فى اوقات باعذر المدرس ده عارفين ليه لانه اصرلا دبلوم زراعة واتنقل لمادتنا عن طريق الصدفة بسبب عجز حصل وفى قانون بيقول لو عدى عليه10 سنين يفضل فى المادة دى فحظه انه اتحول من مدرس زراعة لمدرس علوم نعمل ايه بقا القانون كده فعشان كده دايما حاطط فى باله انه دبلوم ولازم يثبت انه احسن منى انا بتاعة الكليات......انما بالنسبة ليا انا باحب اقول الحاجات اللى بتضايقنى واللى مباحبش اتكلم فيها مع حد يعنى ....... فدايما مبابينش انى متضايقة بس لازم اتكلم مع حد ...هو ده سبب انى باحكى ليكم وبارضه باستفيد من اللى بتقولوه واللى حصل لكم

معلهش ياجماعه انا بختلف معاكوا جدا فى حته ان المدرس الاساسى افضل من التعاقد لانى بصراحه عمرى ماحسيت ان الاساسى افضل منى فى اى شىء بالعكس من معاملات سواء زمايلى او مدير او اداره المدرسه مع العلم انى اشتغلت ودخلت ست مدارس كنت بتعامل فيهم عادى جدا وباخد حقى زيى زى اى حد فى المدرسه ولو حصل خلاف بينى وبين اى حد متثبت واساسى وكان معايا حق باخد حقى وبالكامل مع العلم ان فيه متثبتين مبيتعاملوش زيى لانى احيان كتير بتعامل افضل منهم
اسمحولى الانسان فى اى مجال سواء كان تربيه وتعليم او غيره هو اللى بيفرض شخصيته واحترامه على التانيين لكن الطبيعى اننا لما نبتديها بتنازلات وتكبير ان كل دا يحصلنا انا معاكى على فكره فى ان مدير المدرسه بيفضل فلوس المدرس الاول لكن والله ان كان حاسس بقوتك وشخصيتك وانك ممكن تعملى مشاكل كان هيعمل ليكى الف حساب واعتبار بلاش موضوع متثبت واساسى عندك شغل انتى مكلفه بيه اعمليه حد وقف قدامك اتصرفى ومتسكتيش طول ماانتى معاكى حق بس بهدوء من غير ماحد يمسك عليكى حاجه

ملحوظه انا عارفه ان كلامى ضايقك وعارفه انك داخله تتكلمى عن اللى جواكى وعارفه كمان انى ممكن اكون كنت حاده شويه فى الرد عليكى لكن دا بسبب ان مشكلتك استفزتنى بجد استفزنى سكوتك لحد دلوقت على موقف كان المفروض يتعالج من زمان فياريت متكونيش زعلتى منى

ارحمينى بقا يا منار خلاص المشكلة خلصت وكملت التقويمات النهارده وعلى فكرة بعت عشان نتصالح انا اللى موافقتش ارتحتى وشعليلتيها المهم انا مباحبش المشاكل نهائى فيا حاجات كتيرة اووى حلوة يعنى طموحة جدا وشاطرة جدا جدا بس فى موضوع الخصام والزعل ده بليدة لاقصى حد يعنى انتى لو زعلتينى جامد مقدرش لو اتكلمتى ما اردش عليكى ماما كانت دايما بتقول عليا انى قريبة زعلى قريب وصلحى قريب .........خلاص بقا خليها فى سرك .

ههههههههههههههههه ماشى ياستى خلاص