بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   يا مصر فيين رجالتك ولا نجيب رجاله من تونس !!!! (https://www.thanwya.com/vb/showthread.php?t=279168)

**تسابيح** 18-01-2011 12:44 PM

فرحانة بكلامكم
عشان كدا بتفرج :bosyht9:
ياريت بلاش الاسلوب دا ف الحوارات !!!

أ/رضا عطيه 18-01-2011 12:49 PM

اقتباس:

المشاركة الأصلية كتبت بواسطة تسابيح النجوم (المشاركة 3022484)
فرحانة بكلامكم
عشان كدا بتفرج :bosyht9:
ياريت بلاش الاسلوب دا ف الحوارات !!!


والموضوع من أساسه يعجبك ياحضرة المشرفة

**تسابيح** 18-01-2011 12:49 PM

الموضوع مفهوش حاجة أصلا!!
لكن المشكلة في تبادل الاتهامات !!!

أ/رضا عطيه 18-01-2011 12:56 PM

اقتباس:

المشاركة الأصلية كتبت بواسطة تسابيح النجوم (المشاركة 3022505)
الموضوع مفهوش حاجة أصلا!!
لكن المشكلة في تبادل الاتهامات !!!


لوقلتى غير كدا كنت شكيت إن أنا فى منتدى تانى غير منتدى الثانوية


كل المواقع رفعت شعار (انترنت بلا فتنه )

ماعدا هنا

هل لكم من رد ؟

أم هذا الأمر لايرد عليه إلا بعد موافقة أهل الفمة فى الإدارة الكريمة

**تسابيح** 18-01-2011 01:01 PM

انا عن نفسي شايفة الموضوع عادي اوووي ومفهوش حاجة خالص ...
واي اتهامات بين الاعضاء ...يبقي الردود هتنحذف ....
ام لو حضرتك شايف غير كداا بإمكانك ان حضرتك تعرض اعتراض
ع الإدارة ...
بس مش ف الموضوع
كدا الموضوع خرج عن مساره بما فيه الكفاية ........

عاشق البلانكو الابيض 18-01-2011 01:06 PM

الناس دى عاوزة كل الناس تقول تقول حاضر ونعم

ولو شخص قال لا يبقى غير طبيعى

صوت العقل 18-01-2011 01:08 PM

اقتباس:

المشاركة الأصلية كتبت بواسطة تسابيح النجوم (المشاركة 3022484)
فرحانة بكلامكم
عشان كدا بتفرج :bosyht9:
ياريت بلاش الاسلوب دا ف الحوارات !!!



انا اسفة متزعليش
واوعدك مش هيتكرر تانى
بس تعبير الاستاذ على كان جميل
فحبيت ارد بس شكراااااااااااااا

وحيد بركات 18-01-2011 01:16 PM

الرجال مصطلح عز فى هذا الزمان
 
اقتباس:

يا مصر فيين رجالتك ولا نجيب رجاله من تونس !!!!
المشكلة مش فين الرجالة المشكلة على ما تربى الرجال أقولها وبكل مرارة نحن جيل ظلمه أباؤه تربينا على الجبن والاذعان ما المصطلحات التى تتكرر على مسامعنا ليل نهار من آبائنا ؟
كل عيش ـ امشى جنب الحيط ـ خليك فى حالك ـ إن كان لك حاجة عند الكلب قوله يا سيد واللى تعرفه أحسن من اللى ما تعرفوش .
هذه هى المصطلحات التربوية التى تشنفت أسماعنا ليل نهار بها حتى صارت حالنا .
وقت حدوث المظاهرات لن يثبت فى الصراخ الا أفراد ومصيرهم معلوم سلفا ما بنته السنون لا تغيره الأيام مازال أمامنا وقت طويل للتغيير أولها نغير من أنفسنا وجزاكم الله خيرا

أ/رضا عطيه 18-01-2011 01:29 PM

معلشى يا أخت تسابيح

لا أدرى هل أعتذر على مافعلتوه بأنفسكم وبأيديكم

أم أعتذر عن إسم العضويه التى استغلت فقط

ليه كل دا

كملوااااااااا يارجاله !!!!!!!!!!!!!!!!!!!!!!!!!!!!!

نقاء الروح 18-01-2011 02:31 PM

اقتباس:

المشاركة الأصلية كتبت بواسطة تسابيح النجوم (المشاركة 3020575)
ردودنا دي تتأخذ امن دولة :d:d:d

ونكون منوريين هناك ....تهمة التحريض ع الأمن الوطني:d

انا بابا قالي مش تتكلمي فالسياسة :d
ومش تنسي يا تسابيح العيش والحلاوة :d

نخش عالموضوع بئا
زي ماقالت تسابيح نظامنا مختلف عن تونس
بعدين مش نبص على الثورة والانقلاب كثورة وانقلاب
نبص على ال بعدهم هل احنا هنقدر نتحمل تبعاتها
من دمار وتخريب وغيره !
اما عن الرجالة فالله أعلم شكلهم ايه

usernamo 18-01-2011 03:03 PM

و الله العظيم ضحكتنى ..

طيب عارف بقى اللى بتقولو عليهم رجالة .. دول اصلاً جعانين .. بما اصح كانت ثورة الجعانين .. انما انت داخل على النت .. ازاى تعمل ثورة و انت بتخش على النت طب .. و كلامى موجه لمن يروج لثورة على النت انا اقولك اقتراح روح انزل اعملك مشروع و لو بألف جنيه .. تكسب منه .. بدل ما تدفع فاتورة الانترنت دى ^^ بدل ما نمسك فى الحكومة .. التوانسة جعانين انما الشعب المصرى و الله الشحات بيبقى عنده عماير و النبى متعملوش فيه سياسيين اوى كده .. لحسن نيجى فى يوم نفرقع .. و فى يوم تانى الشعب كله يولع و نخرب البلد .. الشعب المصرى مبيعجبوش العجب و الدليل ..اقاويل الشعب عن الحكام

محمد على باشا : ده خائن و عميل
الخديو اسماعيل : ده مش راجل و معندهوش شخصية
الخديوى فؤاد : ده تحت سيطرة الانجليز
الملك فاروق : مع كل انجازاته .. طردناه برده ليه و انا اتحدى ان كل اللى قام بالثورة كان معجب بصوت السادات فى خطاب الثورة
محمد نجيب : ده راجل مش كويس ..
عبد الناصر : كان مخلى الشعب جعان و طهقطوه و خليتوه كان عايز يمشى
السادات : الناس فى الاول قالت حلو لما حبس الاخوان و كده .. قلته عليه ده كابت الحريات و انقسم الشعب فريقين بي مؤيد و معارض
حسنى مبارك : جايين يفتكرو بعد 29 سنة انه موعنا و انه وحش

عرفتم بقى ان احنا شعب مبنمشيش غير بالعصايا !! و انا و انتم اهو الامن المركزى لو نزل المظاهرة اللى جايه مش هتلاقوا حد اساساً !! تونس كلها على بعضها متر فى متر !! مش زى مصر .. اعقلوها قبل ما تتكلمو

أ/رضا عطيه 18-01-2011 04:07 PM

ع العموم وتكمله لصوت العقل والحساب البسيط والمعقد للبعض

فى المشاركه الجميلة التى سبقتنى

لايصلح فى وطن يسكنه حوالى 85مليون نسمه أن تأتيه قلة من 3أو 4 اوحتى 20ألف لتحركهم وهم لم يروا منهم سوى وعود وكلام زيهم زى الحكومات الحالية والسابقة

تونس البلد الشقيق يعيش الأن فى حالة لايعلم بها إلا الله

وهذه هى أحوال الثورات فى كل الدنيا وتبعاتها

لابد من هزة تتبعها هزات ثم الثبات وجنى النتائج والثمار

ومن يقدر ماقام به الأشقاء كان عليه بمساعدتهم بأى صورة وبأى طريقة

ولكن للأسف إتجهنا جميعا لنشر الفتن فى بلد كان من الأولى على شبابها الرجاله الأحرار

أن يعينوا إخوانهم أولا ليجنوا ثمار الثورة الحقيقى كما تعودنا من أهل هذا الوطن

وهذا هو الفرق بين أهل زمان المتخلفين فى نظركم وشباب هذا اليوم المتحضر

وبمعنى أخر كل يغنى على ليلاه

أو بمعنى أخر ( أبويا إتحرق --- هاى عقبال أبوك ) وهذه من حكم مدرسة المشاغبين

لوطلبت من كل شاب يدعى الرجوله وينفيها عن باقى خلق الله إنه حتى يتبرع بحق موبايلة

لمساندة الأخوة فى تونس أو غزة هيقول والحكومة بنت ....وبنت ......ماتعملشى كدا ليه

وليس ببعيدا أن يهزأ ويسخر من هذا الطلب الغريب !!!!!!!!!!!!!!!!!!!

ساعدوا أخوانكم الأول فى تحقيق استقلالهم من الحزب الحاكم السابق والمتربع على العرش حتى الأن رغم الثورة العارمة والتى رفضت كل هذه الوجوه المسيطرة الأن

وبعد كدا هتنتقل عدوى الإصلاح أتوماتيكيا ولن تحتاج للرجال فقط بل الرجاء والنساء والأطفال

وشكرا

usernamo 18-01-2011 04:18 PM

اقتباس:

المشاركة الأصلية كتبت بواسطة ضياء الصباح (المشاركة 3023138)
ع العموم وتكمله لصوت العقل والحساب البسيط والمعقد للبعض

فى المشاركه الجميلة التى سبقتنى

لايصلح فى وطن يسكنه حوالى 85مليون نسمه أن تأتيه قلة من 3أو 4 اوحتى 20ألف لتحركهم وهم لم يروا منهم سوى وعود وكلام زيهم زى الحكومات الحالية والسابقة

تونس البلد الشقيق يعيش الأن فى حالة لايعلم بها إلا الله

وهذه هى أحوال الثورات فى كل الدنيا وتبعاتها

لابد من هزة تتبعها هزات ثم الثبات وجنى النتائج والثمار

ومن يقدر ماقام به الأشقاء كان عليه بمساعدتهم بأى صورة وبأى طريقة

ولكن للأسف إتجهنا جميعا لنشر الفتن فى بلد كان من الأولى على شبابها الرجاله الأحرار

أن يعينوا إخوانهم أولا ليجنوا ثمار الثورة الحقيقى كما تعودنا من أهل هذا الوطن

وهذا هو الفرق بين أهل زمان المتخلفين فى نظركم وشباب هذا اليوم المتحضر

وبمعنى أخر كل يغنى على ليلاه

أو بمعنى أخر ( أبويا إتحرق --- هاى عقبال أبوك ) وهذه من حكم مدرسة المشاغبين

لوطلبت من كل شاب يدعى الرجوله وينفيها عن باقى خلق الله إنه حتى يتبرع بحق موبايلة

لمساندة الأخوة فى تونس أو غزة هيقول والحكومة بنت ....وبنت ......ماتعملشى كدا ليه

وليس ببعيدا أن يهزأ ويسخر من هذا الطلب الغريب !!!!!!!!!!!!!!!!!!!

ساعدوا أخوانكم الأول فى تحقيق استقلالهم من الحزب الحاكم السابق والمتربع على العرش حتى الأن رغم الثورة العارمة والتى رفضت كل هذه الوجوه المسيطرة الأن

وبعد كدا هتنتقل عدوى الإصلاح أتوماتيكيا ولن تحتاج للرجال فقط بل الرجاء والنساء والأطفال

وشكرا

و الله نفس الكلام اللى بقوله .. احنا شعب معظمنا نتكلم بالفم فقط .. انما نفعل بالايد او بالقلب .. لا

عايزين نبقى فالحين ننقذ فلسطين الاول و نبقى شعب عربى واحد بدل ما نقوم على بعض و جوا بعض

روووووز 18-01-2011 04:24 PM

تونس بتخرب بلدها بنفسها
والدور على الدول العربية

يعنى نعمل شبهم واحد يولع فى نفسه عشان نعمل مظاهرات
احنا مكتوب نعيش كده طول عمرنا والعرب معانا
يعنى اللى ولع فى نفسه ده استفاد ايه ولا حاجة
ربنا يستر فى الايام الجاية

الـشـيـمـ ء ـا 18-01-2011 05:24 PM

انا مع كاتب الموضوع جدا

اهو احنا كدة يا مصريين بتوع كلااااااااااااام وبسسسسسس

كلنا مستائين من الحكومه واللى بيعملوه وعاوزينها تكون احسن

لكن لما تعرفو انه هيكون فيه دم يبقى خلاص ياعم اللى نعرفه احسن من اللى منعرفهوش

بجد فعلا اللى كلامه كتير فعله قليل زينا كدة

والله كل لما اشوف خبر عن تونس اقول يارب مصر تعمل كدة

...و لو الرئيس مش اتشال او الحكومه اتعدلت عالاقل نخرج طاقتنا المكبوته وممكن صوتنا يوصل للرئيس ويعرف ان الشعب المصرى فى أمس الحاجة الى رأفته بيه وتغيير حاجات كتير

بدل ما الوزراء والناس الكباره اوووى اللى ناهبين البلد مشربين الرئيس كأس الخداع وبيقولوه كله تمام والناس مبسوطة والأشيه معدن ياسعادة الريس


... إن الله لا يغير ما بقوم حتى يغيرو ما بأنفسهم . ..


جميع الأوقات بتوقيت GMT +2. الساعة الآن 11:24 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.