المشاركة الأصلية كتبت بواسطة pink life (المشاركة 3055336)

خلاص يا جماعه التثبيت قريبا
فياريت يكون قى مواضيع تانيه غير التثبيت
والاعتصامات لان الطينه مش ناقصه بله.
حد هيقول التثبيت دا الشغل الشاغل لنا
ماشى اوكيه بس مش معقول كل شويه يطلع موضوع تعين ال 43
افتكر كان الاخ مينا جرجس عمل موضوع من زماان عن كدا متهيالى خلاص بقى كفايه

المشاركة الأصلية كتبت بواسطة بدر البدور وائل (المشاركة 3055358)

احترموا رأيى نعتصم كلنا امام مدارسنا او نمتنع عن العمل انما نتظاهر فى القاهرة صعب وكمان الوزارة قريبه من التحرير لانها فى الشلرع المقابل للقصر العينى وقريبه من الداخليه الحل نعتصم قدام مدارسنا بدون استفزاز احنا مثقفين ومتعلمين لا لدعاه التخريب واللذين يركبون المظاهرات من قوى سياسيه تسعى للتخريب وقلب النظام الحاكم امثال العميل ايمن نور والوطنيه للتغير وكفايه الى بيتحركهم اجنده خارجيه انا بحب الرئيس مبارك لعقلانيته وحفاظه على شعبه من امواج وتفاعلات وتجاذبات خارجيه وارهاب متربص بينا وايران نفسها النظام المصرى يقع لان الى كان موقفها العراق و مصر فاضل مصر بعد العراق وينقضوا على الامه العربيه
مصر مش تونس احنا شعب قوى وشرطه قويه وجيش قوى ومن الصعب يضحك علينا ايمن نور وامثاله العملاء اذا كان ايمن نور بيصف الرئيس مبارك بالمستبد احب أسأله 1 - ليه رافض تترك رئاسه حزبك ومتشدد برأيك بدال بتؤمن بالتغيير
2- انت انسان ماليكش مبدأ زى الاخوان وامثالهم الى بيركبوا مع الموجه لتحقيق اهدافهم الغير معلومه
3- انت الى اتحميت فى امريكا واوربا اسيادك وانت اول من سيبيع الوطن
انما الرئيس مبارك ضحى من اجل مصر حارب وقاتل ووضع روحه فداء للوطن لما كان طيار وقائد للقوات الجويه
انت مين مبارك الى حمانا من التدخلات الخارجيه مبارك الى حمى وحدتنا الوطنيه وفر لينا الطعام والملبس واس؟ألوا اباءنا واجدادنا

الحكومه كانت هتتغير بس التظاهر هيأخرها حتى لا نكون تحت ضغط او استقواء للمتظاهرين بالخارج
ربنا معانا ومع بلدنا ويحمي البلد من اعدائها فى الداخل والخارج ويحمى ريسنا أمين
شكرا
ارجوا التعليق

المشاركة الأصلية كتبت بواسطة ms nesma (المشاركة 3055800)

الله ينور عليك بدر البدور هو ده اللى عايزه اقوله .. الرئيس مبارك ما يستاهل اللى اتعمل امبارح والكلام واللافتات اللى كانت بتنادى برحيلة .. حد يقولى هو عمل ايه عشان كل ده يتعمل فيه عايزين تقلدوا تونس تقليد أعمى وخلاص هما كان عندهم أسبابهم رئيسهم كان سارق ومستبد وفاسد وغيره وغيره من تراكمات كتير وكتير .......... الشعب المصرى من غير مظاهرات ولا احتجاجات شجاع ودى حاجة مش جديد علينا احنا بلد الحروب والانتصارات المجيده بس الشجاعه مش ان احنا عشان مشكلة بطالة أو ارتفاع اسعار نقوم الدين ونقعدها على الرئيس ونطلعه بالصورة اللى طلعت دى ...... خد عندك ... رئيس امريكا تدخل .... وياسلااااام بقى على الحلوة اسرائيل بتراقب من بعيد لبعيد بعيون الصقر ...ورئيس روسيا اتدخل ..... والبقية تأتى والله حرام تحطوا الرئيس مبارك المحارب الشجاع اللى دافع عن مصر بكل بسالة ولحد اخر لحظة هيفضل شجاع وانا بدعيله ربنا يقويه على العيون والايادى الكتير المتربصه لاى فرصة ومستنية مصر تقع وبعدين يحصل مالا يحمد عقباه .... نفسى اعرف لو الرئيس مبارك رحل مين يقدر يتحمل مسؤلية امن مصر ويواجة الفتن والمخاطر المحيطة بنا ويقفل عيون الناس المرتقبة على الهفوه ...
كان نفسى تكون المطالب بتاعتنا يوم 25/1 محدده وواضحة وبعيده خالص عن اى تغيير حكومى ولا اهانات ولا تجريح فى رئيس مصر واذا ما استجابت الحكومه للمطالب دى ابقو اعملوا ثورة مش مظاهرة بس نكون عرفناهم مطالبنا الواضحة ونديهم الفرصه ...احنا داخلين وهنبقا 100 مليون ياجماعه
وعايزه اقول حاجه
اذا رحل مبارك .. سترحل مصر

والتغيير يا شباب لازم يجى مننا احنا من اصغر واحد لأكبر واحد

ده رايى مع رأى بدر البدور وائل