الاخت مقدمه الموضوع انت بهذا الشكل تقدمى افضل دعايه لقناه الجزيره
عارفه فى الانتخابات 2005 وجدنا الامن يضيق على احد المرشحين فى دائرتنا واعضاء الاحزاب بشيرون الشائعات ضده وانه يتستر باسم الدين والكلام اللى بيتردد فى قنواتنا كان ذلك احد اسباب تعاطف الجميع معه عندا فى الحكومه وفى الكذابين فكسب الانتخابات بجداره وباكتساح وذلك فى ظل الاشراف القضائى طبعا
لاتكونى وصيه على احد هذا فكر لم يعد مقبول فى عصر العولمه كل واحد فينا عنده مخ يميز به وكل الناس عارفه مين اللى بينافق ومين اللى بيقول الحقيقه

لو كنت مصرى –شعر إلهام صلاح
لو كنت مصرى راح تبنى مصر
لو كنت وطنى لك شوق ف نصر
إياك تنادى بسقوط لمصر
أصل الرئيس ده رمز مصر
وإن كنت ناسى هتشوف بعينك
كنت ماشى مرفوع جبينك
كنت آمن مرتاح فى بيتك
كنت مطمن فى دينك
كانت أمك تحضن ضناها
تحلف بإنك هتصون ثراها
مطمنة إنك وراها
إياك تقول اللقمة صعبة
إياك تقول ملعون دى نعمة
أومال زمان
زمن الطرب
كان الرغيف ناشف حطب
والحلو ليهم كان عود قصب
بس الإيمان قبل القناعة
خلى حياتهم ألماظ دهب
طلع الإمام طلع البطل
طلع الشهيد طلع القلم
طلع الطبيب ويا الأديب
كانت الحياة علم وأدب
دلوقتى إنت هتقوللى إيه
الفقر عمره ما كان السبب
بطل كلام بطل هتر
كتر الكلام قلة أدب

لن ارد الا بقول الله تعالى
قال تعالى: ﴿ إِنَّ فِرْعَوْنَ وَهَامَانَ وَجُنُودَهُمَا كَانُوا خَاطِئِينَ ﴾ وخليهم ينفعوك

لو كنت مصرى (( واخد نصيبك من التعليم )) (( ومخك لسه صاحى مانامش من البرشام المضروب الليحكومة مليا بيه الاجزاخانات ))
هتعرف كويس إنك لازم تسمع الرأى والرأى الآخر وتقدر تتطلع مين الكداب ومين الصادق
شوفوا القنوات المصرية هى اللى كانت تروج للحزب الوطنى وتقول انه اقوى حزب وطلع الكلام ده كذب وكانت بتقول ان عز واعوانه مش لصوص وطلع الكلام ده كذب وكانت بتقول ان الوزرا مفيهومش لصوص وطلع الكلام ده كذب ولسه بتقول ان الناس كلها بتحب الريس وبتبكى علشانه (( فهل الكلام ده صح )) صحيح قناة الجزيرة بتحط بهارات على المواضيع لكن اى واحد عنده مخ ومحترم لا يمكن يستسلم لاكاذيب القنوات المصرية ولايمكن يسلم بكل ما تورده الجزيرة بل انه لازم يشوف الاتنين ويحكم بنفسه

يا جماعة انا ماقولتش ان القنوات المصرية بها شفافية فى نقل الاحداث السيئة ولكن منذ متى وقنوات الجزيرة تنتقد دولتها رغم وجود كثير من التعاملات الاسرائلية الفاضحة بين الدولتين بتجيب صور بس لحسنى وهو بيسلم على ليفنى وغيرها وعمرها ماجابت اللقاءات السرية بين قطر واسرائيل عمرها ماجابت القواعد الامريكي فى قطرفهى قناة غير منصفة بالمرة وتريد اشاعة الفتنة فى الوطن العربي كلة تعقلوا فلا يوجد فىالعالم ما يضاهى ايمانكم وذكاؤكم

الاعلام المصري
هو اللي عمل الجزيرة بضلاله وكذبه

هوا يعنى لما الجزيرة تعرض الحقيقة اللى بتحصل على ارض الواقع تبقى مضللة والقناوات المصرية اللى بتكذب علينا نهار وليل تبقى حلوة
خلاص الشعب المصرى يستطيع ان يميز بين الفاسد والصالح الشعب المصرى رجاله بينادوا بحقهم المسلوب منهم منذ 30 سنة خلاص ماعدش حد يقدر ان يقف امام شمس الحرية والتغيير
فوقوووووووووا قبل ما القطر يفوتكم

والله لم اجد رد افضل من هذا اتفرج علي كل القنوات المتاحة لك ولا تنساق لكل الأراء ولا تنساق لعواطفك شغل عقلك
ولازم نعرف ان اللي بيحصل ده الان خيره لن يعم عليك سريعا ممكن نشوفه كمان كام سنة واللي صبرنا 30 سنه نصبر شوية ويمكن شبابنا وولادنا يشوفوا الخير ان شاء الله.

قناة الجزيرة وإن كانت تعرض الحقيقة - المزيفة - كما تقولون فهى عميلة لليهود والأمريكان والمنطقى لدى كل من يحب وطنه مصر ألا يتعامل مع العملاء صح وللا أنا غلطان فوقوا بقه واصحوا لكل أعدائنا
ألا لعنة الله على الجزيرة ومن يتابعها حتى الآن

اسمحوا لى أن نتاقش بشء من العقل لا العواطف وفقط

قنوات التليفزيون المصرى نجحت بكل المقاييس فى رسالتها الإعلامية فى الأيام السابقة فى رأيى

لأنها قنوات الدولة قنوات الشعب فلابد أن تكون وظيفتها فى تهدئة الشعب وبث روح الامان والطمأنينة بين الناس " وقد نجحت فى ذلك بالنسبة لى ولاهلى وجيرانى على الاقل"


2- أنها كانت تنقل وجهات النظر التى تتغاضى وتتغافل وتتعامى عنها قناة الجزيرة واخواتها.


3- التليفزيون الرسمى لا يكون محايداً أبدا حيث إنها يعمل فى خدمة المجموع الكلى للشعب الذى قد لايهتم بالسياسة أكثر من اهتمامه بالأمن و الحياة المعيشية اليومية


ولى عودة بإذن الله

http://www.thanwya.com/vb/life/misc/logo.gif