|
اقتباس:
|
السلام عليكم
شوفى ياحبيبة اللة انا زيك بالظبط شوية اسمع ناس بتقول انة كويس وهو رئيسنا وحبيبنا وعيب ياجماعة تدخلوا الدول الاوربية بينا وغير ذلك وناس مش عايزاة اساسا بس الموضوع دلوقتى مش حكاية نحبة او نكرهة احنا عايزين دلوقتى الامان يعود لمصر وكفاية الشباب اللى ماتوا وبيدافعوا علشان مصر لان الوطن باقى هو كدة كدة الرئيس هيمشى اجلا ام عاجلا بس كفاية لحد كدة اللى حصل لمصر من دمار وخراب وسلب ونهب منهم للة احمد عز وزهير جرانة وحبيب العدلى اللى هرب المساجين وربنا ينتقم من كل ظالم اهم حاجة مصر ربنا يحميها
|
اقتباس:
إحنا يا حبيبة مش فوقت عواطف عشان نقول نحبه ولا نكره احنا محتاجين العقل عشان نفرق بين اللي ينفعنا واللي يضرنا .. وحتى لو كان مبارك ضرنا طوال فترة حكمة فإنه سينفعنا الآن في نهايتها |
اقتباس:
لكن مش مع حضرتك ان لو الرئيس رحل سيكون هناك مجزرة يمكن كتير بيقول كده لانه معانا 30 سنه احنا متعودناش على حد غيره لكن ده خطأ لانه لو رحل ممكن جدا يتولى جمال سليمان الكحم فترة ويكون فى انتخابات والشعب يختار من يريد |
اقتباس:
اكيد لازم ان يعاقب من تسبب فى هذا الدمار علشان اخواتنا اللى قتلوا بس انا عندى سؤال يعنى هو لو فى حد وحش وظالم مش المفروض ان الناس تكون مش بتحبوه يعنى قصدى لو الرئيس ده مش كويس ليه فى ناس بتحبه؟؟ دى حاجه هتجننى |
اقتباس:
واضح انك متلخبطة اوي يا حبيبة !! نائب الرئيس اسمه عمر سليمان وليس جمال سليمان ( جمال سليمان ممثل سوري ) !! الموضوع يا حبيبة ليس حله في استبدال شخص بأخر ( يجب استبدال النظام كله بنظام أخر ) ولكن ليس في هذا التوقيت ولا بهذه الطريقة . |
اقتباس:
لا يحبونه لشخصه هو , فقط يبحثون عن مصلحتهم , ومصلحتهم هي في بقاء النظام الحاكم . |
اقتباس:
انا مخدتش بالى خالص والله يا مستر بحسب نفسى كتبتها عمر سليمان اسفه شكلى كده خلاص اتجننت |
اقتباس:
يعنى دول مش ليهم مصالح |
اقتباس:
الرئيس لو كان رحل قبل شهر من الآن كان كلامك هيبقى صحيح .. لكن مع وجود إنقسام بين الناس دلوقتي لازم نتأنى شوية.. لازم كمان نعرف ان في عناصر تانية بين المتظاهرين بتضلل عقولهم ..المتظاهرين حتى مش عايزين عمر سليمان وبيقولوله فالمظاهرات ارحل ارحل يا سليمان مش عايزينك انت كمان فكيف له ان يمسك بعد مبارك .. البلطجية ماللين الشوارع هنعمل ازاي انتخابات حرة ونزيهة هنخرج حتى ننتخب إزاي . . بعيدا عن اذا كنا بنأيد مبارك او نرفضه ففي مثل بيقول لك (انا مش هفادي مطب وادخل فمقطورة) يعني احنا لو صبرنا 200 يوم هنرتاح 6سنين يعني 2190 يوم وهنقدر نعمل انتخابات سليمة أكتر واكتر بعد ما نرجع الامن والقضاء وبعد ما نصلح دستورنا وندرس المرشحين بشكل حقيقي مش بالشكل وبس |
اقتباس:
بس لو كان رحل يوم الجمعة اللى فاتت كان الوضع هيبقى اهون لكن دلوقتى الوضع صعب جدا بس انا اعتقد ان الناس اللى فى الميدان دلوقتى موجودين بسبب اللى حصل يوم الاربعاء فهم مش مصدقين اى حد |
اقتباس:
انا متفق معاكي في النقطة دي .. اللي حصل ان نواب الوطني بعتو بلطجيتهم للمتظاهرين وهما فاكرين انهم كده بيخدمو البلد والرئيس عشان الحال يمشي تاني بس هما كده عكوها أكتر وأكتر .. المتظاهرين محتاجين دلوقتي حاجتين 1-رجال دين بيثقو فيهم عشان يوعوهم من اي تطرف حواليهم 2-رجال سياسة بيثقو فيهم عشان يضمنولهم ان وعود الرئيس هتتحقق وعشان يعرفوهم خطوات انتقال السلطة وتعديل الدستور وكل ده يعني كإنهم بيضمنولهم النظام لان الشباب هناك فاقد الثقة فيه دلوقتي |
اقتباس:
بس حضرتك عرفت منين ان الحزب الوطنى هو اللى عمل كده؟ |
اقتباس:
معدش فيه حاجة اسمها الحزب الوطني خلاص انا قصدي النواب بتوع الحزب والي حققو ثروات طائلة منه دلوقتي الاخوان المسلمين طغو عليهم لما اشتركو فالمظاهرات فنواب الوطني عايزين يمشوهم عشان يبدأو يعملو لنفسهم دور وطني وعشان يظهرو كمان انهم بيحبو البلد وطردو أصحاب الأجندات الخارجية مما يؤهلهم لأن يكونو موجودين في الحكومة القادمة لتحقيق المزيد(وطبعا ده بعيد عن شنبهم:d) |
شوفى ياقمر لو لاحظتى دلوقتى ان قلة قليلة من الشعب بتؤيد مبارك فى منهم طبعا قابض فلوس علشان يطلع يقول مبارك دة حبيبنا ومينفعش دة مهما كان رئيسنا واكيد انتى عارفة اوك لاحظى كدة ان ملايين قاموا بمظاهرات لية علشان فى ظلم بجد فى ظلم اجتماعى وسياسى واقتصادى واحتكار للسلع وحاجات تانية كتير واللى نهبين البلد والرئيس عندة علم بكل شىء يعنى كفاية لحد كدة من ظلم ان الاوان نطالب بحقوقنا
|
| جميع الأوقات بتوقيت GMT +2. الساعة الآن 05:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.