|
يا جماعه .. أولا" أشكركم على رأيكم المحترم
بس على فكره إحنا مش حنعمل مظاهرات أو إضراب إحنا عايزين بس نوصل صوتنا و نعرف المسئولين مطالبنا و حقوقنا ولا يضيع حق وراءه مطالب كل المسئله إن إحنا حنثبت وجودنا و فى نفس الوقت حنقول إحنا عايزين كيت و كيت و كيت أنا مثلا" مدرس تعيين 2000 مرتبى 550 بالكادر و الحوافز لازم يعرفوا السرقه اللى بتحصل فى النقابه الميته بتاعتنا قارن نقابة المعلمين بـــ نقابة المحامين أو المهندسين و إنت تعرف الفرق مش معقوله كل ده و نقعد ساكتين و مستنيين نشوف إيه اللى حيحصل كفانا سلبيه و قعده و بأكد على إن إحنا مش حنعمل مظاهرات أو إضراب .. إحنا فقط عايزين نوصل مطالبنا للمسؤلين |
ستكون هناك وقفه إحتجاجيه ضخمه على مستوى الجمهوريه كلها أمام مديريات التربيه و التعليم فى كل المحافظات .. يتم التنسيق لها الأن و سيتم الإعلان عنها مساء اليوم الأثنين إن شاء الله .. عايزين دعايه كبيره و عايزين الأعداد تكون ضخمه علشان نوصل صوتنا بجد
|
احنا مش عايزين استجابات فورية احنا عايزهم يعرفوا انحنا نفسنا رافضين المنظومة التعليمية الموضوعة
وان فلوسنا فى النقابة مش لاقينها ومش لاقين اى خدمات من النقابة نهائيا |
الوقفه الإحتجاجيه لمعلمى مصر الشرفاء :
تقوم حركة ( المعلمون الأحرار ) بالتعاون مع حركة ( معلمون بلا نقابه ) بتنظيم وقفه إحتجاجيه سلميه أمام مديريات التربيه و التعليم فى جميع محافظات مصر و ذلك يوم الخميس القادم 17/2/2011 الساعه التاسعه صباحا" ... تقوم الوقفه الإحتجاجيه بتجميع مطالب المعلمين و تو صيلها بطريقه سلميه إلى المسئولين و التأكيد على ضرؤرة تنفيذ مطالبنا المشروعه و نحث الساده المعلمين الأفاضل على نشر و توعية زملائهم و أصدقائهم و أقاربهم من المعلمين الشرفاء على أن ينضموا للوقفه الإحتجاجيه فى جميع محافظات مصر ... و ذلك لإظهار روح التعاون و التأكيد على أن هذه المطالب هى للقاعده العريضه من الساده المعلمين و ليست من فئه قليله منهم ... ( و كلما زاد العدد زاد التأثير الإيجابى للوقفه ) ... مع العلم أنه قد تمت دعوة الساده الصحفيين من جريدة الدستور و الشروق و المصرى اليوم و الميدان و تمت دعوة قناة أون تى فى لتصوير الوقفه الإحتجاجيه فى الأسكندريه . و سيتم ترتيب كل شئ فى اليومين الحاليين .. و سيتم إعلامكم بكل ما هو جديد . و ننتظر تعليقاتكم |
| جميع الأوقات بتوقيت GMT +2. الساعة الآن 03:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.