على فكرة ياجماعة انا متعاقد من 21/9/2008 والورق ده قدمنا من زمان عشان كده انا بعتقد ان الورق ده مطلوبة من الناس اللى هتدخل الامتحان لسه والله اعلم

امممممممممممممم :049gc0:كدة الفار بقى بيلعب فى دماغى ههههههههه

ليه........
ما هى الاكاديمية اللى بتاخد الورق

يعنى احنا هنترحم من طوابير الأكاديمية والزحمة ونسافر من الفجر عشان نلحق والحوارات دى مش زى المرة اللى فاتت

مش فاهمة حاجة من الجملة دى

ليه يا اميمة يعنى الزملاء اللى امتحنوا الكادر كانوا بياخدو الملف دا على الأكاديمية على طووووووووووول مش على قسم الاحصاء وهى اللى تبعته
يعنى كان كل واحد بيروح يقدم ملفه بنفسه وطبعاااا الأكاديمية كانت بتفتح لمدة أسبوع واحد فقط تقبل فيه الملفات والزحمة بقى تخيلى لما كام محافظة يقدموا ورقهم فى مكان واحد فى اسبوع واحد وروح وتعالى والورقة دى ناقصه وفين الختم اللى هنا والفيش دا مينفعشى اعمل غيره وهكذا
وطالما الملف هيروح قسم الاحصاء يبقى المشوار والتعب وفروه علينا او يبقى فيه سبب تانى
والاول عاوزة اعرف الناس اللى تعاقدتت فى 2009 كانت بتاريخ كام بالظبط

والله كل واحد يعمل اللى عليه وخلاص والكل سواء قديم او جديد يحضر:
صحيفة حالة جنائية
تحديث البيانات فى قسم الاحصاء
تحديث البطاقة
والولاد يشوفوا ورق الجيش لانه اكيد هينطلب فى التعيين

قصدك اية بة الكل سواء قديم او جديد دة يخص اللي اتعينوا ولا لا

يعنى اية خطاب ترشيح من المدرسة ؟؟

كل اللى قلته للى اتعين واللى لسه ماعدا ورق الجيش للى اتعين بس
تحديث البيانات طبعا فى قسم الاحصاء ولو معندكش جديد روح اتاكد ان بياناتك كاملة واسم المدرسة
البطاقة الشخصية طبعا لازم تتحدث لو كانت مدتها منتهية لانى فى الامتحان شافوا البطاقات وتاريخ الانتهاء
الصحيفة الجنائية مهمة للاثنين وطبعا التعيين هيطلب صحيفة جديدة لان الثانية مدتها خلصت من زمان

ان المدرسة بترشحك للتقدم لاختبارات الاكاديمية
وانا هادور فى الورق اللى عندى واكتبه هنا بكره ان شاء الله

يعني منين نجيب صحيفة الاحوال

طيب هما محتاجين صورة من العقد ولا لاءه

اميمه هو الفيش والتشبيه بنكتب فى الجهة المقدمه اليها مين بالظبط
الوزاره ولا الاداره ولا الاحصاء ولا الاكاديميه