اعتصام للمدرسين المتعاقدين بالتربيه والتعليم والازهر الشريف اليوم وغدا ان شاء الله بمحافظة قنا وندعو ا الجميع للمشاركه امام مبنى الوزار ه ومنطقة قنا الازهر يه

غداالثلاثاء1فبراير2011اعتصام للمعلمين الازهريين بمركز اطفيح والصف امام مشيخة الازهر خليكو معانا

احنا في محافظة الوادي الجديد معتصمين في كل مراكزها ونلاقي بعد الترحيب بمطالبنا من بعض القيادات زي رئيس المجلس المحلي للداخلة والادارة التعليمية بالخارجة ولكن ادارةالداخلة واخدة موقف سلبي مننا ربنا يهيدهم بقى

غدا إن شاء الله اعتصام امام جميع الادارات بمحافظة قنا واغلاقها تماما كأسلوب ضغط حتي تستجاب مطالبنا التثبيت للجميع بدون شروط ...
وأتمنى إن الناس تروح لأن المظاهرات اللي كانت في قنا لم تحقق أي مكاسب على الأطلاق ....
اللي مش نابع من جواه الأخذ بالأسباب وإرجاع حق المعلم المهدر في البلد ... ما يجيش أحسن ...
يا جماعة مشكلتنا إن احنا ما نطلعش كام ألف ومش قادرين ناخد موقف واحد .....!
يا جماعة مطلبنا هو التعيين (التثبيت) فورا بدون شروط لكافة فئات المعلمين أجور تعاقدات ... حتى ولو بنفس المرتبات بشكل مؤقت........
يا جماعة تعالو نتفق ولو مرة واحدة على حاجة ... أرجوكم
وبارك الله فيكم ....

:bosyht9::blush::slap1qk6:يا جماعة افهمو احنا مش عاوزين نظام ال3 سنين ده و ان اللي اتم بس 3 سنين هما اللي يتعينوا و بعدين تعيين ايه ده ضحكوا عليكم و قالولكم ثبتناكم هيهيهي ثبتوكم بس مش على درجات مالية يعني مالكش حق تترقى و روحو اسألو فالمدريات و ياريت جميع المحافظات تشارك فالاعتصام و كمان جميع المصالح الحكومية مش عاوزين حاجة اسمها عقد تاني عاوزين ان شاء الله كل الوظائف تبقى تعيين و الا كأن نظام مبارك الفاسد لسه قاعد و قوانينو لسه قاعدة و الثورة دي محققتش اي انجازات؟؟؟!!! و حسبي الله و نعم الوكيل

شهدت ادارة الحامول التعليمية لليوم الثانى على التوالي اكبر و اشد الاحتجاجات قوة حيث منع المتعاقدين و المعلمين المساعدين مدير الادارة او اى ادارى من دخول الادارة التعليمية مما اضطر بعد الاداريين من القفز من فوق الاسوار كالتلاميذ فى المدارس كما انهم رفضوا حديث وكيل الوزارة لهم و طالبوة بالرحيل ايضا مع محافظ كفرالشيخ احد مسؤلي الفساد فى المحافظة
رافعين جميعا شعارا واحدا " أرحــــــــــــــــــــــــــــــــــل "


و بالرغم من بدا الدراسة بالمدارس بمحافظة كفرالشيخ الا ان المتعاقدين رفضوا الذهاب الى المدارس و لم يضعوا اى اعتبارات للمديرين الذين لا يشعرون بالذل الذي يعيشة المعلمين المساعدين منذ اكتر من (5 اعوام) و يقوموا هؤلاء المديرين بالتشطيب عليهم فى دفتر الحضور و الانصراف ويجهل هؤلاء ان الدستور المصري متوقف حاليا و سوف ينقلب عليهم الحال بعد الانتهاء من تنفيذ هذه المطالب


الجدير بالذكر ان مطالب المعلمين المساعدين هى التثبيت بغير شروط و خاصة من اجتاز الاختبارات و الشروط مع المطالبة برحيل الاستاذ محمد القلينى مدير ادارة الحامول التعليمية و بعض قيادات الادارة التى عينت فى عصر الفساد بالواسطة و المحسوبية


و من سؤال بعض المعلمين الذين لم ينكروا نشاط هذا الرجل فى الادارة الا انه يخضع لمطالب بعض اصحاب النفوز فى النظام القديم و ينفذ طالباتهم على وجه السرعة مستغلا سلطاتة بذلك و منها عمل عقود لبعض الاشخاص و ترك البعض الاخر و نقل البعض لادارات تعليمية و رفض طلبات اخرى تبعا للواسطة

ندعوا الله لهؤلاء الرجال بالتثبيت و التوفيق و كلنا معهم يدا واحدة