واضح انه اشاعة اتنشرت قبل التأكد منها

لو فيه حاجه زى كده كان الاولى انهم مايدوش تأجيلات للناس اللى داخلة وماينزلش اجازات من العساكر او الضباط

واكيد كان التليفزيون هايذيع وصفحة المجلس الاعلى للقوات المسلحة هاتعلن عنه مش هايبعتوا رسائل على الموبايلات

انا لسه فى الاحتياط ومافيش رسائل جاتلى ولا حاجه والناس بتنزل اجازات عادى من الجيش !

هو دة لو حصل يبقى حاجة عادية دة يبقى :romarioxp6:

انا امتحاناتى دراسات عليا 21/3

امتحان الكادر 25/3
عارفة بقى لو روحت انهاردة يبقى اية؟؟؟؟؟؟؟؟؟؟؟؟

يا جماعة الخير

معنى اعلان الجيش للتعبئة العامة وجيش الاحتياط
هو انة كل من ادى الخدمة العسكرية وما زال تحت قوة الاحتياط يذهب لتسليم نفسة الى اقرب نقطة شرطة عسكرية او قسم التعبئة فى المركز

بالنسبة لمن لم يدخل الجيش اصلا ومعفى مؤقتا فلا ضرر علية

واما بخصوص اعلان التعبئة العامة فى القوات المسلحة بالمعنى العام فهذا يعنى ان البلد فى حالة خطر وانة قد تم رفع حالة الجيش الى الحالة القسوى ( سحاب ) وبذلك يقوم الجيش بتعبئة قوات الاحتياط لمن ادى الخدمة ومازال فى سنوات الاحتياط
وهذه المدة تختلف من سلاح الى اخر ومن فرد الى اخر حسب مؤهلة ومدة تجنيدة الاصلية كما ان هناك بعض افرع الاسلحة لا يوجد فيها مدة احتياط من الاساس
مثال : الذين كانت خدمتهم فى دار للقوات المسلحة مثل دار المدفعية المشاة ... الخ
فليس لهم مدة احتياط

خلاصة القول لو صح هذا الخبر فهذا معناه وجود خطر حقيقى ومؤكد لان القوات المسلحة لم ترفع هذه الحالة منذ سنوات تقريبا من بعد معاهدة السلام كامب ديفيد
ولكن وفى خلال هذه السنوات كانت ترفع حالة الاستعداد ولكن ليست للحالة القصوى سحاب فسحاب معناة الحالة القصوى ولكن كانت ترفع للحالة ضباب مثلا وهى الاقل مباشرة وهذا ما تم فى خلال فترة تجنيدى عندما تم ضرب البرجين فى امريكا ثم تم خفض الحالة مرة اخرى ثم قام الجيش برفع الحالة مرة ثانية بعد ضرب امريكا واعلان الحرب على العراق ثم هدأت

ارجوا ان اكون اوضحت تفاصيل مثل هذا الخبر

اللى خلص جيش بيفضل تابع للاحتياط فترة

العسكرى بيفضل 9 سنين والظابط اكتر مش عارف بالظبط كام

واللى اخد تاجيل لمدة 3 سنوات برضه على الاحتياط لحد ما يخلصوا

الموقع الرسمي للقوات المسلحة ليظهر عليه اي بيان علي الفيس بوك
ولم اقرا هذا الخبرعليه

جبت منين المعلومة دى مفيش رسائل وصلت هنا

طيب حضرتك اللى كان سلاحه دفاع شعبى ( تعيلم الكبار محو الامية ) يعنى لا ادرب علا سلاح ولا غيره
هل برضه له استدعاء أو احتياط

طيب اللى خلص ال3 سنين من 5 شهور دا موقفة اى

كل من كان يخدم فى القوات المسلحة فى اسلحة او فى فرع او وحدة غير مقاتلة ليس لة فترة احتياط

يا جماعه ده خبر مش صحيح لسبب لان اولا صفحه القوات المسلحه على الفيسبوك مافيش خبر عليها وبعدين التعبئه العامه دى بتكلف الجيش كتير اقوى و دى مابتكنش الافى حاله الحروب ياريت محدش يطلع اشاعات البلد مش ناقصه حرام عليكم

ده خبر مش صحيح انا لى حد قريبى رتبه فى الجيش ومافيش حاجه من ده دى اشاعه

واللى خلص ال3 سنوات من 5شهور ى موقفة ممكن الرد