|
يا جماعه بلاش خناق الكل هيتثبت ان شاء الله
|
ان شاء الله الكل حيتثبت مادام حصل تثبيت فى بعض المحافظات يبقى نحن اللاحقون
بس شوية صبر علشان ما ينطبقش علينا المثل اللى بيقول عريان سنة ومستعجل الخياط على يوم اللى خلانا نصبر كل ده مفيهاش حاجه لو صبرنا شوية كمان وربنا مش حيضيع صبرنا وتعبنا على الفاضى ان شاء الله |
بصوا ياجماعة
الدراسة فعلا كلام اكيد اتقال انها هتتأجل اسبوع بأسبوع واظن انى فعلا قولت انها هتتأجل وده اللى حصل كل يوم حاجات جديدة بتطلع لكن المؤكد اننا باذن الله 1/4/2011 هنكون معلم اما عن التقديم بوكالة الوزارة بأبيس انه مش للمعلمين وبس لكله الاخصائيين كمان |
ياجماعة لاتقلقوا
الزائرة اللى من وكالة الوزارة كلامها صح فعلا فيه عقود هتتجدد لمده عام بس مش احنا اللى كملنا ال3سنوات دى للى لسه ماشيين فى السنتين لاتقلقوا اللى كمل 3سنوات وامتحن كادر وهو معلم مساعد من 1/4/2008 باذن الله هيتعين 1/4/2011 والايام بيننا |
السلام عليكم و رحمة الله ايمان هو انتى مالك كده بتقولى الخبر و انتى متقائلة انا شايفة انه خبر وحش كل الناس على مستوى الجمهورية اتعينت بتاريخ 1/3/2011 وكون ان عقدنا يخلص 1/4 ده ميش مبرر لتاخير التعين اللى بقرار وزارى والقرار قال 1/3 لكل الجمهورية وعلى فكرة الشهر ده ممكن يفرق معانا بعد كده فى المرتب وبعدين انتى ناسية لما كنا بعقد ب173 جنية و اتلغى قبل ما يخلص عشان العقد المميز ده ميش مبرر خالص وطول مااحنا ساكتين كده ميش هيحصل حاجة و انتم عارفين كويس ان اسكندرية اكتر محافظة فيها سرقة الموضوع ده فيه سرقة و بكرة تقولوا اننا قولت |
اقتباس:
|
اقتباس:
|
اقتباس:
|
اكيد الموضوع فية سرقه واسالوا الشغال في ادارة العامرية
|
بصى يا امل ويا مريم
فعلا ناس كثيرة اتعينت من 1/3/2011 زى ما الوزير ماقال بس فيه محافظات لسه ومعرفش حتى اللى اتعينوا من باقى المحافظات دول كملوا ال3سنوات فعلا ام لا وهل بدأوا معانا من 1/3/2008 عقد مساعد ام من قبلينااااااا اللى اعرفه اننا ماشيين صح ميه ميه مش مثلا طلع قانون فجأة قال تعيين يبقى تعيين وممكن فى اى وقت ييجى قانون تانى يلغيه زى القرارات الكثيرة اللى صدرت الفترة اللى فاتت لا انا افضل انى امشى رسمى بمعنى قانون الكادر بتاعنا واضح جدا سنتين تجدد لسنة وده اللى حصل (وناس كثيرة لو تلاحظى فى المنتدى عاوزة تعرف ال3سنوات بتتحسب ازاى_ احنا بقى عندنا ميزة اننا محددين ال3سنوات بالضبط) لاتفتكرى ان كلام وزير المالية عن تعيين كل من مر عليه3سنوات واحنا كمعلم مساعد 3سنوات ده هباءا لا ده كان متحدد من زمان احنا اول دفعة معلم مساعد يتجرب فيها نظام ال3سنوات بعديهم تعيين ناس كثيرة متعاقدين هتقولك ما حنا استنينا التثبيت كتيرررررررر ولا اتثبتنا ولا حاجة؟ صح؟ احب ارد عليهم اقولكم انتوا سمعتوا كلام عن التثبيت لكن العقد اللى مضتتوه كان ايه؟ لحد اخر 6 ثم يقطع ثم يرجع اول9 يعنىممضوش عقدرسمى حددلهم التثبيت امتى لكن احنا وضع مختلف انا عن نفسى اما مسكت عقد(معلم مساعد) قريته كويس جدا واطلعت على قانون الكادر وكنت عارفة ان فيه اكاديمية هتتعمل وبثورة او بدونها والله والله كنا هنتثبت ونتعين برده بعد ال3سنوات فلما اكون انا تعاقد من1/4/2008 الى 31/3/2011 ويقولولى التعيين 1/4/2011 ده كده يبقى احنا المحافظة الوحيدة اللى ماشية صح(3سنوات بالضبط) هتقوليلى الشهر ده فرق فى محافظات تانية اقولك ان المحافظات التانية دى نظامنا غيرنا خالص بدليل ان الايام اللى فاتت كشفتلى ان فى محافظات بيقبضوا من الصيف 380ج واحنا لحد الان لا |
انا فعلا متفائلة
بس متفائلة لانى ماشية مع القانون والحق اللى مضيت عليه فى عقدى استنيته يتنفذ وفعلا اتنفذ بفضل من الله ويارب الناس كلها تتفائل كده والايام بيننا باذن الله 1/4/2011 كلنا نرجع هنا معلمين فى محافظة الاسكندرية |
معنى كلامك كده ان المعلمين فى المحافظات التانية كملوا ال3 سنوات انا ميش عارفة ده صح و لا ايه ممكن حد من اخواتنا فى المحافظات التانية يوضح الموضوع ده بس عموما رغم ان الانتظار صعب اوى بس هنعمل ايه ما باليد حيلة ححاول اتمسك بموضوع ورد الامل بتاع اخونا ثانوية 2011 ههههههههههههههههه رغم ان هو نفسه ميش مصدقه بس اهو ادينا بنحاول نكون متفائلين ويارب يا ايمان يكون كلامك صح وماتطلعش لعبة جديدة فى الموضوع |
احنا في المنيا عقدنا هينتهي 15/3 .. وفعلا الاسماء لسه واصلة الادارت النهاردة بعد الظهر.. ولسه رايحين بكرة بإذن الله نسأل على اسامينا..
|
ايوة كده يا أمولة
تفائلى باذن الله خير وانا اول مسمع حاجة هبلغكم علطول وباذن الله الخبر الجاى يكون عن نزول الاسماء فعلا باذن الله |
اقتباس:
الف مبروك يا على ولكل المنيا |
| جميع الأوقات بتوقيت GMT +2. الساعة الآن 09:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.