|
فى الحقيقة أرى الرجل المدخن والمرأة المدخنة سواء
هى عادة سيئة قذرة ويتساوى فيها الرجل والمرأة ولا أنظر للمرأة المدخنة نظرة دونية ... فنظرتى للتدخين وللمدخنين واحدة ... ذكرا كان او أنثى المدخن وإن كان على النساء أن تقلع عن هذه العادات المضرة ... فهذا واجب على الرجال أيضا وبنفس الدرجة |
اختى العزيزة انا مرة كنت مع زميلتى فى الدرس منتظرين المستر قدام السنتر بجانب كوفى ... السنة اللى فاتت ... طلبت منى طلب خلانى بفكر فعلاُ فى الانتحار .. ... ممكن بس عشان انا مكسوفة .. تطلب من الراجل ده" شيشة " و المشكلة انى اعرف اهلها ... و اعرفها من 2 ابتدائى .. و اعرف انها ساعات بتشرب الكلام ده بس مكنتش افكر ابداً انها تطلب من حد الطلب ده و فين جمب السنتر اللى بتاخد فيه درس ... دانا بكسف اعملها !
بجد .. البنات (( مش كلهم طبعاً )) بقوا زينا بالظبط .. ناقص شنب فقط ! و طبعاً معظم الشباب اللى فى سننا مش بيشربوا سجاير او شيشة .. او حتى نصهم .. يبقى البنات سبقونا كمان ^^ .. |
ميرسى ياجماعه ع الردود
نورتونى والله |
السبب في وجهة نظري هو الجهل بالدين والجهل بالله
فمن علم دينه وعلم عن الله لم ولن يفكر في معصيته وان عصاه يسرع بالتوبة والانابة اليه |
يا سلام!!
يعني تدخين الرجل مباح ومحلل ومفهوش اي عيب او اساءه ليه وتدخين المرأه قلة ادب و.... انا لا ادافع طبعا عنها ولكن ارفض سياسة العنصريه اللي بتتبعوها في كل مواضيع الرجل والمرأه لو كانت في حاجه غلط او حرام..يبقي عي الجنسين وليس علي المرأه فقط |
فى العاده السيئه دى فالكل سواء
لو كانت بنت او كان ولد فهى عاده سيئه ومدمره للصحه والاخلاق ولكل شئ وحتى للاسره يارب كل المدخنين يبعدو عن التدخين يارب |
معلش الفكرة فكرة التدخين من الاصل غلط وحرام شرعا مفيش فرق بين بنت وولد الغلط غلط والصح صح
|
نورتونى يااحلى اعضاء
ميرسى ع المرور |
رأي مختلف شوية
ا
بصراحة انا ضد كل اللي اتكتب . . . . ومع احترامي لكل اللي اتكتب ولرأي صاحبة الموضوع سموحة أنا مش شايف إن في اي مشكلة إن البنت تشرب سجاير لو كان دة تصرف صح بالنسبة للولد أما بقى لو كان أسلوب وحش _ودة رأيي طبعا_ فيبقى وحش طبعا يعني اللي أقصده انه حاجة وحشة للبنت والولد كمان مش وحش للبنت عشان هي بنت !!! الناس طلعت القمر واحنا لسة بنتكلم في بنت وولد !! فوقو يا جدعان سلااااااااااام وجدان حنفي |
اقتباس:
ماهو اكيد حد مننا كان عمل فكرة جديدة او نفذ اختراع بدل ما نفضل نتكلم في بنت و ولد لكن للاسف المنتدي مش مكان غير للنقاشات اللي زي دي والله الموفق و المعين |
انا اعرف سيده مدخنه و هى بدخن عشان جوزا قال لها مراتى لازم تبقى برستيج
ف فيلم اوقات فراغ منه دخنت عشان تعجب حازم و تحسسه انها بتحبه الاسباب بتختلف و انا ارفض التدخين للرجال اساسا |
اقتباس:
وهيا دى فعلا مشكلتنا حضرتك اننا بنكلم فى حجات لا هتودى ولا هتجيب ومهما اتكلمنا مش هنفيد بحاجة لان الناس مهما سمعت ان ده صح او غلط هيعملوا بردو اللى فى دماغهم لانهم مقتنعين بكده وسايبين اللى بيحصل حوالينا ومش عارفين حالنا ده هيوصل فين |
اقتباس:
اهو ده اللي كنت هقوله تماما........... هزود كلمتين بس عليهم تدخين الرجل او المراة معصيه لله تعالي وده الاهم.. الواحد بينتحر في محاربه التدخين للرجال تقوم البنت كمان تدخن..يادي المصيبه ....مهزلة بجميع المقاييس خيبة تقيله وحطت علي مجتمعنا...يمكن يكون ده من ضمن مظاهر المساواة بين الرجل والمرأة عند البنات واحنا مانعرفش والله اعلم.......ربنـــــــــــــــا يعافينـــــــــــــــــــا.اللهم امين شكرا لصاحب الموضوع الاصلي وشكرا لصاحبة نقل الموضوع تقبلي مروري،تحياتي:078111rg3: |
نورتونى والله
وانا معاكوا طبعا ان التدخين سواء للولد او البنت غلط تسلمولى ع المرور الرائع |
اولا مشكورة على الموضوع
فعلا ظاهرة تدخين البنات ظاهرة اصبح الان منتظرة بين اصحاب الطبقة العليا فى المجتمع واصحاب الطبقةالدنيا بالمجتمع المصرى بل وتعدى الامر من السيجارة للشيشة الحريمى التى تدخنها المرأة بجانب زوجها او ابيها او اخيها او ابنها عادى جدا جدا بلا كسوف او حرج واريد اعلامك بشئ الله اعلم بصحته قال لنا دكتور علم نفس قدير وانا بالماستر قسم الصحة النفسية ان التدخين ده حيلة دفاعية تسمى النكوص اى الرجوع للطفولة لايام الطفولة والرضاعة فالطفل يظل لاسباب ما متمسك بهذه الحالة ولكن مع كبر السن ولظروف المجتمع المحيطة استبدل المدخن او المدخنة مص الاصابع بمص السيجارة ووضعها بالفم وفى هذا الشأن اذكر مقالة قرأتها واعجبتنى عن النكوص كحيلة دفاعية النكوص يلجأ فيه الفرد الى الرجوع او النكوص او التقهقر الى مرحلة سابقة من مراحل العمر وممارسة السلوك الذي كان يمارسة في تلك المرحلة لأن هذا السلوك كان يحقق له النجاح في تلك المرحلة العمرية. سلوك كان مريح وممتع واشعرة بالامان في تلك الفترة. وابرز الامثلة على ذلك لجوء البعض الى البكاء للحصول على شيء او لجلب الانتباه او عند الشعور بأن مشاعرالمحبة لهم تواجه تهديد او للتخلص من موقف يسبب لهم القلق ولو لفترة هرباً من الضغوط المحيطة به او للتخفيف عما يعانية من نكسات نفسية . فيلجأ لتذكر ماضية المليء بالامان، وذلك لعلاقة النكوص القوية بالحاجة الى الأمان . واكثر ماتجد هذا النوع من الحيل الدفاعية عند الاطفال الذين قد يرجعون الى الرضاعة رغم انهم فطموا منها منذ وقت طويل او التبول اللاارداي رغم قدرتهم على التحكم في ذلك فمن الممكن أن يعود الطفل إلى سلوك كان شائعا في مرحلة سابقة من نموه ,وعادة ما يظهر عند قدوم مولود جديد على الأسرة .. والبالغين ايضاً قد يلجأون الى هذه الحيلة بعد خروجهم من تجارب قاسية او قوية مثلاً بأن يعود الى رضاعة ابهامه او فتاة تعود الى اللعب بالدمى . او المرأة التي تصل للعمل متأخرة وعندما يراها المسئول لاشعورياً تجهش بالبكاء. أو الرجل الكبير الذي يصبغ شعره ولحيته ويبحث عن زوجه جديده وقد يثبت الشخص على المرحلة التي انتكص ا ليها كأثر سلبي ويفقد القدرة على تحقيق التوافق السوي. . فالنكوص عودة إلى المراحل السابقة من العمر من خلال التصرفات والسلوكيات التى تميز تلك المرحلة السابقة وذلك لتحقيق نفس النتائج التى كان يحققها الفرد فى تلك المرحلة . والله اعلم |
| جميع الأوقات بتوقيت GMT +2. الساعة الآن 06:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.