المشاركة الأصلية كتبت بواسطة فرسان الإسلام (المشاركة 3238400)

طبعا ..... ده كله كلام فاضى ..... لابد من كل إنسان إنه بحدد هدفه كويس .... أنا داخل على النت ليه ...... هل عشان أنشر الحق والخير وأفهم الناس كلها دينى الفهم الصحيح وهو التسامح الإحترام المعاملة الطيبة بين كل الناس وأنه ليس دين تشدد ولا إرهاب ولا إنه كل حاجة حرام زى ما هو معتقد ولا إن الإلتزام ده معناه إنك متضحكش والكلام الذى ليس له أساس من الصحة وبالتالى آخد حسنات واقرب من ربى أكتر ...... ولا داخل عشان العب مع الناس وأكلم بأسلوب مش حلو وأدخل على .... وعلى .....

لازم نحدد هدفنا لو كل واحد حدد هدفه صح مفيش حاجة من دى هتحصل هيبقى كل واحد همه تحقيق هدفه

جزاكم الله خيرا وبارك فيكم ونفع بكم

المشاركة الأصلية كتبت بواسطة mano 4 ever (المشاركة 3238828)

انا كنت هزغرط
بس على فكره ممكن يكون الشخص ده على المنتدى حاجه وممكن يكون فى الحياه العاديه حاجه تانيه

المشاركة الأصلية كتبت بواسطة التوأمان (المشاركة 3239301)

انا شايفه ان فى رفض للموضوع او لطريقة الخطوبه دى بس

كل الى عايزه اقوله ان حصل موقف شبه ده معايا هنا فى البوابه بس بطريقه مختلفه شويه

و الاغرب انه نجح تعرفواااااااااااااااا ليييييييييييييييييه ؟

المشاركة الأصلية كتبت بواسطة Mr. Ali 1 (المشاركة 3239209)

لا أعتقد أن رجلاً عاقلاً يفعل هذا الأمر بتلك الطريقة .
يعني يتقدم لواحدة لم يرها ولم تراه ؟!
بالاضافة إلي هل بياناته وبياناتها علي المنتدي صحيحة وصادقة ؟!
وكمان فيه حاجات تانية كتير يا نقاء لكن مينفعش أقولها !!
ومع ذلك ممكن أن يحدث ولكن بطرق أخري وبردوا مينفعش أقولها !! ( أنا بتكلم بصفة عامة مش عليا أنا , أنا حاجة تانية خالص :d )
شكراً علي المقلب اللي معرفتيش تعمليه معايا .
تقبلي مروري .

المشاركة الأصلية كتبت بواسطة التوأمان (المشاركة 3239301)

انا شايفه ان فى رفض للموضوع او لطريقة الخطوبه دى بس

كل الى عايزه اقوله ان حصل موقف شبه ده معايا هنا فى البوابه بس بطريقه مختلفه شويه

و الاغرب انه نجح تعرفواااااااااااااااا ليييييييييييييييييه ؟

المشاركة الأصلية كتبت بواسطة mohamad fawzy (المشاركة 3239326)

لو ده حصل يبقى عجبه تفكيرك
وده اهم شئ فى الزواج وهو تلاقى الافكار
المهم انك انتى كمان تكونى معجبة بطريقة تفكيره
ده لو حصل اصلا فى يوم من الايام

المشاركة الأصلية كتبت بواسطة blackcat.13 (المشاركة 3239475)

المشاركة الأصلية كتبت بواسطة توفيق رفعت عجيز (المشاركة 3239507)

يعني ممكن ابني ايلي عنده خمس سنين لسه لو ربنا احياني لما اشوفه عريس القيه جايب معاه صديقة من الفيس بوك ويقولي خطيبتي يا بابا وافق بقي ايه رائيك ساعتها هقولة يا نهار ابيض في اسود في ازرق انت جبتها منين من الفيسبوك يا واد وعرفتها ازاي وامتي
هيقولها سيبك منه دا دقه قديمة اوي
هيقلها دا بابا ده اصلا من ايام التلفزيون الابيض واسود
هتقوله اتاريه لسه تفكيرة رجعي هتوافق بقي يا عمو انا بنت كويسة ومعجبة بابنك ارجوك يا عمو ما تقتلشي حب بريء ويعيطوا
طبعا انا هقول لا انا راجل ريفي
لازم الواد ابني يتجوز زي ما اتجوزت بالطريقة اياها الطريقة الرسمية وتقاليد العيلة
هقول ايه يا واد لعمك الكبير والا لعمتك ابني اتجوز من الفيسبوك
هيفكروا الفيسبوك ده زي الحصبة والا الكوليرا بتاعت الاربعينيات
مش عارف بجد هعيش لما اشوف كده
علي فكرة انا كنت ماشي علي القسم العام وقليل لما بزورة فالموضوع ده اتخبط فيه وقلت لازم اشوفه واكتب رد فيه المهم طلع ردين مش رد واحد

المشاركة الأصلية كتبت بواسطة نقاء الروح (المشاركة 3239509)

المشاركة الأصلية كتبت بواسطة Habiba Hamdy (المشاركة 3239528)