|
السلام عليكم ورحمه الله وبركاته.........انا بقي هقولكم علي حاجهانا ف اول اسنه كنت متحمسه جدااااااااا لحد شهر 11........وبعدين بدات اكسل شويه بشويه وانا ولا بروح المدرسه ولا حاجه وهما كلهم بالكتير 5 ساعات دروس والباقي ف البيت بس .....ماليش مزاج اذاكر زي الاول ولا عندي حماس انا حاسه اني كداا هضيع خاااااااااالص ......ساعدوني بالله عليكم
|
احم احم ههههههههه انا بقى من الناس اللى فى اول السنه يبقى الحماس واخدنى اوى وبعدين اهدا شويه بشويه بس عارفين بقى العيب اللى هيودينى فى داهيه انى مش بذاكر غير المواد اللى بحبها زى مايكون اللى مش بحبها مش همتحن فيها مثلا يعنى طول وقت المذاكره بيبقى انجليزى او رياضه وفيزيا وفرنساوى والباقى بخخخخخخ
|
يا جماعة انا ف اولى ثانوي و طبعا كلن دخلين ع الامتحانات
ارجوكم ركزووووووا ركزوا على هدفكم او اعلى منه كمان ذكر نفسك ليل و نهار ليه انت بتذاكر وطالعة عينك و عين والديك اشي دروس واشي توتر ووجع قلب هو كلو باقي شهر ع الامتحانات خف طلوع و دخول ورغي والذي منه قدر الامكان والجايزة الصغيرة ف الطريق اجازة الصيف كلن ان شاء الله نسرح وسهر و منبطلش نت وتليفزيون وحكاوي وكل اللي نفسنا فيه بس لازم تعمل حسابك على مجموع عالي حتى ف اولى امال داخل ثانوي عام ليه ان ما كنتش تتعود ع المذاكرة مش ها تنفع من الاخر ركز على هدفك قبل ما تنام فكر فيه و اول ماتصحى وانت في اوقات ضايعة زي مثلا الطريق من البيت للمدرسة وكده يعني اعمل جدول خلال اسبوعين -مثلا-تشطب المناهج كلها امشي عليه واتعود الالتزام تمام؟ ف الاسبوعين دول لو جدولك مرتاح خدلك يوم راحة الخميس مثلا بس خد بالك لو اتبقى لك حاجة من الاسبوع اللي فات وماذكرتهاش لازم تذاكرها ولو حتى فيوم الراحة وانت و شطارتك اعمل حسابك انك تراجع كل المواد كذا مرة وبلاش لعب ممكن تفرفش شوية صغيرين مش اليوم كله اه ان عزت حاجة استعين بصديق او مدرس كن مطمئن ولا تجزع اطلاقا حتى -لا قدر الله-كان ف الامتحان اسئلة صعبة او ماحلتش كويس اللي حصل حصل حاول تلم الباقي ولا تبك على اللبن المسكوب لــ ليلة الامتحان: شوف الحاجات اللي بتغلط فيها او بتلخبطك وعلّم عليها في الكتاب بحيث انك تقرأها ليلة الامتحان ليلة الامتحان: اكتب في ورقة النقاط التي تنساها وراجعها قبل دخول اللجنة او ادخل بها اللجنة - طبعا قبل توزيع الورق بدووون غش - و تذكرها جيدا وعند توزيع الورق -تكون قد رميت الورقة خارج اللجنة طبعا - اكتب النقاط الهامة قانون مثلا او ارقام في ظهر الورقةبالرصاص ثم حل الامتحان ان احتجتها فالحمد لله هي موجودة وان ل تحتجها ل يصبك ضرر لا تنس مسحها بعد انهائك الامتحان لا قدر الله لو وقفت حاجة معك ف الامتحان قل"اللهم لا سهل الا ما جعلته سهلا و انت تجعل الصعب ان شئت سهلا" وادعي ربنا او استغفر وان شاء الله تتذكر حتى لو لم تتذكر تأكد من انهاء الامتحان كله وحاول ان تتذكر اي شيئ او تستفيد من معلومة تحتاجها في سؤال اخر ف الامتحان لا تجزع و لا تبك ولا تيأس ولا تترك دماغك لتسيطر عليه الافكار البائسة "انت فاشل مش هاتفتكر .....الخ" قول يارب وربنا يسهل طول ما انت تذاكر كل سجدة في الصلاة ادعي فيها للامتحانات وكدة وبعد ما تخلص امتحانات ادعي للنتيجة خلي والديك واخوتك يدعولك "يا بركة دعاء الوالدين" انا كتبت لكم اللي بعمله ومن ناحية الدعاء كل ما اشوف امي اقولها ادعيلي ادعيلي بالتوفيق لجميع تفاءلوا خيرا وانا زيي زييكم كل املي ربنا يوفقني واقدر اطلع من الثانوية العامة بخير صح نسيت اقولكم الحكاية دي -الجاية-كنت بتبعها فكل السنوات اللي فاتت قبل مابقى في كلية و مجميع وكدة كنت بفكر اني لو ذاكرت و جبت مجموع حلو والداي هايبقوا مبسوطين مني و اجازة الصيف تبقى عال العال ان شاء الله ام لو استهبلت هاجيب مجموع عرّة ومايبقاليش وش اطلب حاجة اتكسف ده غير الذل باقي السنة لان لي اقارب في نفس سني والتنطيط بتاع الناس وكدة ببقى هتفرس المهم ركزوا بس الشهر ده وان شاء الله ربنا يديكوا اللي نفسكوا فيه اسأل الله العظيم ان يشرح صدوركم ويستجيب دعاءكم ولا يخيب رجاءكم ارجو الدعاء لي و لوالدي .. تمنياتي لكم بالتوفيق وادعولي ماشي انا هامتحن برضه ربنا يسترها مع الكل : ) |
بصوا صح معليش نسيت لو ملانين ذاكروا حاجة بتحبوها
لو نعسانين نامو ساعتين مثلا ما تأخروش وقوموا ذاكروا كل اللي ف جدول النهاردة اتمنى اكون ساعدتكم بالتوفيق |
اقتباس:
|
يا استاذ انت من المنيا علي ما أعتقد و الدروس رخيصة عندك احنا عندنا اي درس ف البيت ب ١٢0جنية شهريا يعني ٥٠٠ ذه بالميت خالص اما دروس السنتر سمعت انها ب ٨٠ جنية ::عايزة اسال حضرتك سوال هو ممكن الواحد لا ياخذ درس عربي السنة الجاية و لا دة هياثر عليا ..تخفيفا للمصاريف
|
ما علينا من الدروس وتمنها
بس هو ايه السنتر ده ؟ بالنسبة للعربى فانا مش متعود اخد فيه درس ولكن فى 2 اكيد هاخد علشان لو مخدش ممكن اقصر فيه كمان اكيد هتلاقى حاجات صعبة واقفة قداك كتير وعلشان لما المدرس يشرحهلك هيبقى سهل تذاكريه بعد كده بدال ما الواحد يذاكره فى 3 ساعات ممكن يذاكره فى بتاع ساعتين مثلا ويبقى يوفر الساعة دى لاى حاجة تانية كمان العربى بالزات فيه حاجات تلغبط كتيير فى المعانى والنحو وكدة فالواحد محتاج مدرس بردو وكمان الواحد يحجز كله ويمشى فى المنهج لقا نفسه كويس ممكن والموضوع سهل من غير درس ممكن يغيب براحته ويقعد يذاكر .واخيرا كل الرغى ده وفى الاخر القرار بايدك لو عاوزة رايى فخدى افضلك وكمان بعد الشر لو جبتى درجة مش حلوة فى العربى هينفعك ايه التوفير ولا غيره بجد ربنا يعينكوا ده الدروس عندكم نااااااار ومش عارف ليه يعنى هو هيقول حاجة اللى عندنا مش هيقوله؟ |
اقتباس:
وعندك حق الواحد كل ما يفتكر نتيجة تعبه مش بيحس بالتعب كل واحد كل تركيزه ازاي يسعد اهله اللى حاطين أمل كبير عليه وكل ما تحس بتقصير استعيذ بالله وصلي ركعتين ادعي فيهم ربنا يفتحلك أبواب العلم نصائح ذهبيييييييييه شكرا ليك وربنا يوفقك ان شاء الله ويحقق للجميع امنياتهم بس موضوع الجدول دا بالنسبه لي مستحيل لاني مبعرفش امشي على جداول بعملهم يومين بالكتير واجي ف التاني الغبط الدنيا ومبكملش فانا سايبه مذاكرة المواد تيجي وقت ما تيجي |
اقتباس:
السنتر دا عباره عن مكان عامل زي الفصل بس هو درس فيه كل المواد وليها مواعيد محدد وفيه تقريبا من اولى ابتدائى للثانوية العدد بيوصل ل 20 طالب والتمن بيكون ارخص من الدروس العاديه بيقولوا الشرح هناك كويس(انا مجربتهوش) بس بالنسبه للعربي انت بتقول ان الواحد ممكن يذاكر 3 ساعات من غير درس واقل بالدرس طب ماهو كدا كدا هيضيع وقت ف الدرس والمسافه رايح وجاي انا الدرس بياخد معايا 4 ساعات ساعتين رايح وجاي وساعتين ف الدرس وبالنسبه للحاجات الصعبه ممكن نسأل عنها المدرس فى المدرسه ( دا رأيي) وطبعا القرار ليكم خاصة بالنسببه للناس اللى مش ناوية تروح المدرسه السنتين الجايين |
اقتباس:
|
انتم شكلكم فى تانيه ثانوى
تانيه ثانوى دى الى مش يجيب فيها ع الاقل 97 يبقى:006et4: |
مون هو معني كلامك انك ممكن لا تأخذي درس ف كل المواد انا في ٢ هاروح كل يوم باذن اللة و علي فكرة السنتر عندنا من ٨٠ الي ١٠٠ عيل بس في سناتر عددها ٥٠ بس و انا باخد ساعة رايح جاي من البيت للدرس لان مفيش مواصلات و اتمني تثبيت هذا الموضوع لانة مفيد بجد
|
اقتباس:
تقصدى ان 2سهلة:006et4: طيب و 3:bosyht9: من توقيعك اعتقد حضرتك ان شاء الله تبقى دكتورة والنبى وانتى معدية يبقى ارمى علينا شوية كلام يشجعونا شوية وطمنينا علشان احنا نعتبر خلاص دخلنا على 2 فاضل شهر و:ph34r: عندى سؤال صغنن كدة:wub: هو مستوى الامتحانات بيبقى عادى يعنى زى كل سنة؟:rolleyes: لو الاجابه اه:022yb4: يبقى ايه اللى بيجيبوا فى الجرايد والتلفزيون ده (وفى حالة من البكاء الشديد:( اشتكت الطالبة فلانة من صعوبة الامتحان وضيق الوقت وان الامتحان اعلى من مستوى الطالب المتفوق.فى حين ان علانة قامت بتمزيق ورقة الاجابة:mad: لان الامتحان من خارج المنهج.وقامت الطالبة مش عارف ايه برمى نفسها قدام قطر:eek: كان متجه لاسكندرية وايضا الطالب كذا قام باشعال النار فى نفسه مستخدما (جاز) ):blink: :unsure:والله كل ما اسمع الحاجات دى قلبى يقع فى رجلى:unsure: :angry:(ايه ده مكفايه رغى يا عم هارى وجعتلنا دماغنا ,يا ساتر لا بتعرف تتكلم ولا تهبب):angry: حاضر خلاص مش هقول حاجة تانية |
اقتباس:
:006et4:تدخل بسيط منى:d انتى لو مستواكى حلو فى العربى خلاص مش لازم درس وزى ما مون قالتلك ممكن كمان توفرى وقت الدروس |
يا جماعة انتوا وصلتوا لغايه فين فى المنهج لانى حاسس انى متاخر جداااا ومش بلحق اراجع المواد والله الترم الاول كنت داخل الامتحان وفيه بلاوى مش مذاكرها وانتوا بتلحقوا تراجعوا ولا لا |
| جميع الأوقات بتوقيت GMT +2. الساعة الآن 09:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.