|
السلام عليكم
لا شكر على واجب بس انت بس متنساش انك تدعى لنا ان ربنا يوفقنا وبالنسبة لكتاب ستار انا كل المدرسين اللى فى المنطقة بتاعتى مبينصحوش بية وكذا حد قال انة مش كويس وان بريمير احسن منة وانا جربت ستار فى سنة اولى ومعايا فى سنة تانية بس انا بحل فية لوحدى وبحس انة مش مرتب يعنى ممكن بجيب سؤال جراماتيك فية كلمات فى درس لسة ماخدناهوش وانا مش بحبة انما فى الدرس احنا شغالين من كتاب الهير بتاعى هو اللى منزلة كتاب اكثر من رائع بس للامانة انا ماشفتش كتاب ستار مراجعة نهائية فمش هاحكم علية انما من الافضل لك انك تشتغل من مذكرة مدرسك الاول ووالله العظيم الالمانى سهل مش محتاج اللى انت بتعملة دة كلة ولو هو صعب اوى زى مابتقول اى قاعدة تقف قدامك مش فاهمها احفظها وطبقها واهم من دة كلة النماذج هى المهمة وبصراحة الاسئلة اللى فيها على كل درس مش كتيرة وسهلة وزى ما قولت لك بعد ما تذاكر كل درس حل علية منها والحكاية ان شاء الله هتلاقيها سهلة واى سؤال فية يقف قدامك هتلاقينا مستعدين وانا لو احتجت منى اى حاجة ان شاء الله هتلاقينى موجودة بس ياريت تنجز وتبدا بالمذاكرة والله انا حاملة همك فكل ماتشتكى احس ان الموضوع دة هو مشكلتى ياريت بعد كدة متبعتش ردود تشكى فيها تانى وياريت الكلام اللى بنقولة يتنفز علشان انت طلبت حد يساعدك واحنا بنحاول بس انت مش بتنفز اللى بنقول علية وانا شايفة من ردودك انك لسة مابداتش تذاكر يبقى بلاش من الردود دى اصلا ياريت لو هترد الرد اللى بعد كدة تقول فية انت انجزت اية واعتقد اتقالت لك اكتر من طريقة لحل مشكلتك ومفيش عندك حجة انت فاهم انا قصدى اية انا كل مابخش الموضوع دة بقيت باتعب نفسيا بجد ان فى ناس لسة مش قادرة تلحق نفسها وتكون قد المسؤولية فنها اية يعنى لو سهرت فى المذاكرة وصحيت تانى يوم برضوا ذاكرت انت وقعت فى مشكلة وانت اللى تحلها فوق لنفسك بقى وابدا المذاكرة علشان مترجعش تندم انا مش هرد تانى على الموضوع غير لما احس ان فى استجابة منك علشان الحكاية مش حكاية تييع وقت على الفاضى يلا سلام وربنا يوفقنا كلنا |
اقتباس:
صح ؟ بس على فكرة هل انا قولت اى حاجة فية غلط هى يمكن طريقتى فى الكلام كانت شديدة شوية بس والله انا ماقولت كدة غير لمصلحتك لازم تحس بالمشكلة اللى انت فيها انا حاسة ان انا اللى بقيت بعانى من المشكلة بتاعتك اكتر منك فياريت متزعلش من الرد اللى فات وتعمل بالكلام اللى احنا قولنا علية وربنا يوفقنا كلنا |
طب ممكن نبقا اصدقاء وتقبلى طلب الصداقة ولو مش عايزه قولى لا عشان مطلبش تانى
وانا والله حسك انك انت مهتمي بمشكلتى وعلى فكرة كلامك الشديد ده زود حماسى جدا وانشاء الله انا هسهر النهارده ومش هنام غير لما اخلص كمية كويسة من المنهج ان شاء الله ســــــــــــــــــــــــــــــــــــلام |
انا بجد والله ذكرت الدرس الاول وطلع سهل جدا وجارى المذاكرة فى الدرس التانى
ولو وجهتنى مشكلة فى الدرس التانى هطلبها منك يا dandana.s شكرا على تشجيعك ليا ســـــــــــــــــــــــــــــــــــــــــــــــــ ـــــــــــــــلام |
اقتباس:
انا مبقبلش صدقات شباب لو احتجت منى اى حاجة اطلب على المنتدى وانا ان شاء اللة مش هتاخر عليك |
اقتباس:
بجد والله لو كان الكلام دة بجد انا فعلا فرحت جدا وبدعى من قلبى ان ربنا يوفقك ويوفقنا كلنا متعرفش انا فرحت اد اية اول ما قريت الرد دة بس ياريت تكمل على كدة وربنا يكرمك لما تيجى تذاكر الالمانى حاول تحبة وانت هتلاقية سهل جدا والله وياريت تقول لى كل يوم انجزت اية فى الالمانى علشان انا عايزة ابدا اراجعة من الاول وان شاء الله همشى معاك وربنا يكرمك ويوفقنا كلنا |
اللغه الالمانيه هى السهل الممتنع او السهل الصعب اهم حاجه علشان تفهم الالمانى انك تتقبلوه كلغه اصلا وتحبوه لسبب بسيط لانك ممكن تقفلوه باقل مجهود من اى لغه تانيه وبالتالى مش هتقدر تنجز فيه الا لما يكون فيه اراده قويه انك تتمكن من اللغه فى اسرع وقت دراسه اللغه الالمانيه متعه بس للى يحبها ويهتم بها كلغه وعامه اللغه زى الشجره بتبدا من تحت لفوق بمعنى انها متراكمه لو رصيد كلمات مع شرح قواعد مبسط هتلاقى الموضع تافهه وميستاهلش كل دا اساسا
|
اقتباس:
ودى للأسف مش عندكو فى المنهج يعنى الأجابة تبقى meine Freundin اى تأكيد لمها زى العربى لما تقول مثلاُ ابو بكر الصديق , او محمد الصادق الأمين وشكراً |
| جميع الأوقات بتوقيت GMT +2. الساعة الآن 09:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.