بوابة الثانوية العامة المصرية - الى ذوى القلوب الرحيمة(نفسى اذاكر بقى)

اقتباس:

المشاركة الأصلية كتبت بواسطة شيماء2020 (المشاركة 3349635)

انا تعبانه اوى اوى من كتر الاكتئاب .. انا مكتئبة جدا حتى عملت اختبار نفسى وطلع عندى اكتئاب مرضى يعنى معدتش عارفة اضحك
بس مش دى المشكلة دلوقتى مش مهم الاكتئاب دا خلاص انا عدت بحس انه حاجة لازم تبقى موجودة او حاجة بقت من طباعى .. بس دا بيأثر على المذاكرة لدرجة انى مش عارفة انظم وقت لنفسى حتى ومش عارفة اذاكر امتى
ارجوكم نفسى اطلع من الاكتئاب دا .. اكيد لما اذاكر واجيب مجموع كويس هحس ان الدنيا بقت احلى شوية خصوصا ان انا السنا دى لو مجبتش مجموع هيبقى ضيعت كل السنه والسنين اللى قبلها كمان وخصوصا عشان انا كنت شاطرة و دلوقتى بقيت خايبه جدا وانا دخلت ادبى عشان اجيب سياسة واقتصاد فعاوزه اثبت للناس كلها انى ادها وادود واكيد لما احس بكدة من اللى حواليا هيرجعلى ثقتى بنفسى وهطلع من الاكتئاب .. ولا ايه؟؟؟
على فكرة الاكتئاب دا لعدة اسباب منهم الثانوية وصعوبتها والخوف من انا مجبش مجموع فيبقى ضيعت نفسى و كمان اهلى منفضنلى ع الاخر اخواتى لو جيت اقولهم كلمة يقولولى مش فاضينلك و مامتى وبابايا كويس اصلا انهم لسا منسوش اسمى وانا بقى الحيوانه الفاشلة اللى فى البيت وكمان ماليش اصحاب خالص فكأن عندى اغتراب

انا ياجماعه مش قادرة افكر اعمل جدول حتى ومش عارفة اذاكر امتى لما بقول هقوم الصبح بكسل ومحدش يقولى خلى مامتك تصحيكى لان هنا محدش معبرنى ولو قولت هسهر بترعب بليل وهما نايمين لو سمعت صوت خدش كدة بس فى السقف بترعب ودا طبعا عشان عمرى ماحسيت بالامان فى البيت دا .. مش عارفة اذاكر امتى ومن كتر الاكتئاب مش عارفة اعمل جدول وانظم نفسى ابدا ومش عارفة الشهر الجاى اعمل لكل مادة اسبوع و لا اعمل الاسبوع فى كل المواد

طبعا دلوقتى اكيد بتقولولى من الاخر عاوزه ايه يامقرفة
... انا عاوزه اذاكر الشهر اللى فاضلى دا جايز ربنا يوفقنى واكيد طبعا بدأنا مراجعة فى الدروس واكيد طبعا كنت بقرأ وانا راحة و خلاص واجيب درجات وحشة
فانا عايزه من حضراتكم حد يقولى اذاكر الصبح ولا بليل وحد يعملى جدول بشهر 5 اذاكر فيه كل يوم اللى هتكتبهولى + اللى هيبقى عليا فى الدروس .. وربنا يقدرنى يارب .. بس يوم الاتنين والخميس بيبقى عليا دروس كتيرة طول النهار فهذاكر فيهم رياضة كويس باذن الله
ويوم الجمعه بيبقى برضو دروس كتير بس ممكن اذاكر فيه برضو بس مش كتير اوى
وانا فى 2 ثانوى وادبى وواخدة علم نفس
ودا المنهج
--------
عربى
16 فصل
7 قراءة
بلاغة
10نصوص
ادب
نحو
--------
علم النفس والاجتماع
5علم نفس
4علم اجتماع
----------
الفرنساوى
16 وحدة
الجرامر
المواقف والاشخاص وكدة
----------
الانجليزى
15وحدة
8chapter
كلمات الترجمة والبرجراف
--------

ياترى حد هيساعدنى
؟
بجد نفسى اذاكر والله حاسه انى مشتاقة للمذاكرة عشان مذاكرتش كويس من زمان
نفسى حد يجاوبنى على اللى قولته دا وباذن الله هنفذ

________________________

انا جديدة فى المنتدى ومعرفش الموضوع دا احطه فى اى قسم
وبشكر الادارة جدا جدا لمساعدتها ليا فى التسجيل

ومن يتقى الله يجعل لهُ مخرجآ ويرزقه من حيثوا لا يحتسب
فعلآ مشلكه الخوف من الأمتحان عند ناس كتير
بس من جد وجد ومن زرع حصد وأن الله لا يضيع أجر من أحسن عمله
أنا ولدى بقولى كلمه حكمة أنت عارف مصلحتك
كل الناس بتمر بالظروف دة ولكن تذكرى عندما تأتى بمجموع كبير ستفرح بكى أسرتك وأقاربك وجيرانك وستشعورين بالسعادة ولكن لا قدر الله وقع ما نخشاه فستضيق عليكى الأرض بما رحبت
فثقى بالله والأيام الباقية ليست قليلة بل بأمكانك أنك تخلصى المنهج !
وفقنا الله جميعآ
اللهم لا الله ألاّ أنت سبحانك أستغفرك وأتوب أليك أنى كنت من الظالمين وأنت الرحمن الرحيم