|
حسبى الله ونعم الوكيل الامتحانات بداية من امتحان النحو جابولنا إعراب اختلف فيه المدرسين ده على أساس إن المفروض الطلاب هم اللى يحلوا الاجابة الصح ويفصلوا بين خلافات المدرسين ؟؟؟؟!!!!!حسبى الله ونعم الوكيل
وبعدين الفقه ماشى كان سهل بس طويل +سايبين كل الدروس وجايبين من دروس غير متوقعه رغم ده الحمدلله حلينا وبعدين الكيمياء أسئلة لأول مرة نشوفها لاجت فى ثانوية عامة ولاحتى فى امتحانات الشهادة الأزهرية السنين اللى فاتت عمالين طول السنه نحفظ ونعيد ونزيد وفى الآخر امتحانات لا ليها زى ولا شفناها قبل كده ده غير أن أسلوبها متغير لا علل ولا اختر ولا أى أسلوب كنا متعودين عليه طيب كان المفروض ينبهونا لحد دلوقتى محدش عارف الانجليزى طريقته هتيجى إزاى وولا حد معبرنا ده على أساس إننا مش محسوبين على الدوله سمعنا النهارده عن امتحان العربى للثانوية العامه وقالوا انه سهل بس يعنى كان فيه كذا نقطه غير متوقعه ،،،،فى المقابل ولا حد جاب سيرة الأزهر ،،غير الحسوبية فى اللجان يعنى اللى ليه ظهر هو اللى ينفع إنما الباقى ولا ليهم لازمه ده مستقبلنا ماينفعش اللعب فى الامتحانات وفى أساليبه من غير تنبيه وما ينفعش يتساوى اللى تعب طول السنه باللى كان نايم لمجرد انه ليه واسطه هل ياترى هيتسمع لينا ولا كالعاده (حروف بلا أصوات) حســــــــــــــــــــــــــــــــــبـــــــــــــ ــــــــــــــــــــــــى الــــــــــــــــــــــــــــــــــلـــــــــــــ ـــــــــــــه ونعم الوكيــــــــــــــــــــــل لنا الله هو مولانا ونعم النصير |
بصراحة امتحان الكمياء النهارده كان طويل وصعب امتحان ذبح امال لو مكناش فى سنة الثورة كانوا عملوا ايه
هو الازهر طول عمره كده مش هيتغير الدنيا بتتغير والازهر مابيتغيرش الازهر ده بصراحة درجة تانية مهتمين ببتوع الترية والتعليم عننا والله |
اقتباس:
وأنا كمان شاهده ،مفيش اختلاف ان اللجان لازم تكون هادية عشان التركيز بس ماينفعش المراقبين يشدوا أعصابنا كده ،ده كان فيه واحده فى لجنتى بتراجع مع نفسها وبتحرك شفايفها يعنى بتتكلم مراجعه مع نفسها جت المراقبه وقالتها هاتى السماعه اللى فى ودنك وخرمت ودانها عشان تلاقى السماعه ومالقتش حاجه فى نفس الوقت اللى انهارت فيه أعصاب البنت وقعدت تعيط ياريت المراقبين يفهموا ان ده مستقبلنا ويحاولوا يهدونا مش يشدوا أعصابنا |
ده انا برده حصل معايا موقف المراقب قاللى خلصتى قلت له لسة شوية براجع
وبعد شوية خلصتى قلته اه قاللى طيب يلا سلمى ورقتك قلت لا قاللى لا طييييييييب وقعدت لاخر الوقت عندا فيه وده فى الفقه بس احنا الحمدلله لسة مش فى مراقبين بالدرجة اللى بتتكلموا بيها ه لحد الان ربنا يستر علينا يعنى حتى المراقب يوم النحو قال فاضضل عشر دقايق والبنات اتربكوا وكدة قالهم متخافوش لوعاوزين وقت زيادة ممكن ازودم بس انتوا حلوا احنا مقدرين الظروف |
المراقبين عندنا استهبال رسمى المراقب بيدخل يشخط جامد ويزعق ويقول اللى هيفتح بقه هطحنه لا ومربيلى دقنه وقاعد طول اللجنه يشرب فى سجاير
|
مش دا حرام ولا ايه نبقى داخلين امتحان ومش عارفين نظام الاسئله ايه . استبشارنا خير لما سمعنا ان هيبقى فى مراكز تجمع قولنا الغش هيقل وكل واحد هيجيب المجموع اللى يستحقه وكانت النتيجه الغش زاد والامتحانات تيييييييييت ولا اعلام متابع عايز اعرف هو مين اللى يستحق ان العين تكون عليه الدارس للعلوم الدينيه بجانب الثقافيه ولا اللى بيدرس ثقافى بس مصر مش هتتغير لو فضلنا كده |
ياجماعة اللى فات مات
اللى مكتوبله حاجه حيشوفها بس انتوا اجتهدوا وبطلوا بقى تراجعو الامتحانات مع بعض وتقدروا الدرجات عشان دا حيجبلك اكتئاب ومش حتعرف تحل كلمة بعد كده الثانوية الازهرية دى حاجه بتاعت ربنا اجتهد وتوكل ع الله |
اقتباس:
كنت فاكرة ان انا لوحدى اللى بولول بس اللى يشوف بلاوى الناس بتهون عليه بلوتة عموما عشنا وشفنا امتحنات الثانوية العامة اسهل من امتحانات طب 60 فى المية |
الأمتحانات فى معهد االثانوى وكأنها ليس بها مراقبين . لا يوجد إستاذ شادد أبدا والسبب الخوف من الطلاب
|
انا عندى فى معهد كفر الزيات اولاد المدرسين مع بعض فى لجنة واحدة وهما مش بالترتيب الابجدى خالص محمد مع احمد ومع على كوووووووووووووووسة خالص واالله
|
لكى الله يا ازهر
بجدالازهرييين لازم يتغيروا طلاب ومدرسين |
بصراحة انا معارض تماما لفكرة الغش فى اللجان وللاسف يوم ما بيكون فيه غش بيكون اصعب يوم عليا ولا بركز وبسيب نقط من غير حل
وما بعرفش اكتب الاجابه الى انا عاوز اكتبها وبصراحه لو ما كانش حصل غش فى الفيزيا كنت حليت لان الامتحان سهل ولكن محتاج وقت وتركيز |
فى احد معاهد الشرقية وبدون ذكر اسم معهدنا ولجنتى انا اعتقد المراقبين انواع
نوع شرس : وده بيدخل متنرفذ ويزعق وصوته عالى وحنجرته فوق ال 8000 هرتز ههه وده شوفناه مره واحده نوع بيشد جامد بس محترم : مبيخليش الواحد يلتفت بس عليه بصه مرعبه هههه بص ياحبيبى قدامك ده امتحان ياحبيبى نوع وسط : مش بحب يتعب نفسه لقى الغش هيسمع اللجان الى جنبنا وممكن مايلمش الموقف لو دخل احد المراقبين فبسيب اوقات لما نكلم بعض براحه وبشد اوقات لما بنعلى صوتنا نوع متميز وراقى : وده الى بيدخل بيقول الى معاه حاجه يطلع يكتب منها ويركن فى جنب وبسيبنا حوالى ربع ساعه نوع محترم جدا جدا : وده الى بييبنا ويقف يراقبلنا الغش على الباب عشان لو جه موجهيين او حد من بره وويسيبنا نتفاهم جوه هههه نوع عبقرى : زى رئيس اللجان ورئيس الدور بيدخلوا يقولو الاساتذه هيقوموا معاكم بالواجب بس احترموا نفسكم ووطو صوتكم |
اقتباس:
ده مستحيل وعشان يتغيروا محتاجين عبقرية فى التعامل وكنظام ازهرى مش ينفع مرة واحده لكن بالتدريج انا شايف ان الطيب بيفعل ما فى وسعه بس بطىء جدا ولكن انا لو وصلت لرقمه وكلمته اكيد باذن الله مسأله الغش دى هتنتهى بس الاقى رقمه بس |
ربنا معاك ويكرمك ان شاء الله وتوصل لرقمه
ياريت الغش اللى مضيعنا ناس تتعب طول السنة وناس تاكلها مهلبية ومتلجة كمان ربنا يصلح احوالنا وبجدالغش برده فى الفيزياء ه و السبب انى محلتش والله لان مش ركزت اصلا الامتحان فعلا كان عاوز تركيز جااااااااااااااااااااااااااااااااااااااااااامد وده حيجى ازاى والغش واللجنة اللى جمبنا الكتب ووالملخصات بقى |
| جميع الأوقات بتوقيت GMT +2. الساعة الآن 07:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.