|
اة انا كنت مولعها ايام الثورة اسف كنت مخليها نار
ياراجل اتقى ربنا والله ربنا على الظالم هى الناس كلها متجنية على المعلمين لية كدة ومفكرنهم من اثرياء القوم وعملين يهبرو فى فلوس انا يا استاذ يا فاضل مدرس فى مدرسة ابتدائى وبعقد مميز وباخد 330 جنية والله العظيم مابديش دروس وممكن دفعتى كلها على كدة وممكن يكون كمان المدينة اللى احنا فيها اللهم الا خمس معلمين ومعرفين دول اللى صح اباطرة 3 منهم وخدين اجازة بدون مرتب وال2 الباقين شغلين وصح هما مش ملحقين طيب عاوز اسئلك لية نجمع على الكل ادام فى فئة بعنها هما اللى بيستنفعو والباقى مضروبين بالنار مش مولعنها يا استاذ الفاضل انا كل يوم بركب موصلة علشان اروح المدرسة هى فى قرية قريبة جنبنا تمام بصرف كل يوم موصلات 2 جنية فى الشهر قول بخمسين جنية يتبقى من المرتب اللى انتم مستحرمنوة على اهلنا يتبقى من المرتب العظيم 280 جنية والحمدلله وزى زى اى شاب فى الدنيا مش لازم اصرفلى كل يوم اقل حاجة 10 جنية ولا مش لازم اصرف دة بعد اذن حضرتك يبقى انا هكون مديون اخر الشهر ب20 جنية اية رائيك فى المرتب نفسى احوش علشان اعمل حاجة لنفسى اعمل اية هشوف شغل تانى شغل خارج التدريس طبعا علشان ما بعرفش ادى دروس خصوصية طيب هجيب لنفسى منين وقت وراحة بال وجسد وطبعا انت لو فى التربية والتعليم وفاهم انهم ضغطنا ازاى والوقت والمجهود كل رايح على مش عارف خلص ورق اية وروح واطلع وتعالى وبكرة وبعدة والخخخخخ وحضرتك ايام الثورة المجيدة اللى طبعا سيادتك كنت احد اركانها انا كنت عن نفسى بخلص فى دورة ال icdl اللى طبعا والله صرفنا عليها من جبنا وسلملى على منحة الوزارة وطبعا كنا بنخلص ورق التقديم بتاع الاكاديمية عاوز اقولك حاجة اتق الله واحنا الحمدلله والله الحمدلله على كل شىء ورضينا باللى قسمة لنا المولى عز وجل بس عاوز اقولك بلاش تجنى وحرام عليك |
أكيد مافيش أفيد من كده من أفضل المواضيع المطروحة علي طاولة النهوض بمحدودي الدخل فاكر ولا نسيت ......
محدودي الدخل اللي اصبح من آخر هم محدودي المعلمين .... لا اقصد الاستهزاء وربي عالم ...... كل اللي بنوه عليه ...انه لازم نتكاتف حتي نصل الى مكانة مرموقة بين الموظفين الحكوميين ..... ولازم يكون لينا مبادرة في كل الاحوال ...ونبتعد عن الانطواء وعن التخلي عن الحقوق التي يجب ان تكون متوفرة لاحتياجتنا الخاصة والعامة ... كل علي حده ... حتي يستطيع المعلم ان يهيئ الجو المتكامل لنفسهه حتي ينهض بالعملية التعليمية..... وكلامي ليس شعارات ولكن ...الاختلاف في الراي لا يفسد للود قضية ..... |
اة نسيت اقول لحضرتك حاجة مهمة يا فندم
انا فى اول السنة كان ربنا كرمنى انا واحد صاحبى عاطل واشترينا شبكة نت مركزى بمبلغ 3500 جنية هو دفع النصف وانا دفعت النصف النصف بتاعى انا بقى دفعتة ازاى روحت واستلفت مبلغ 1750 وقولت ان الدخل بتاع الشبكة دى هيعوض المبلغ اللى لسة بسدد فية لحد دلوقتى افهم حضرتك اكتر ازاى الشبكة دى بدخل فلوس ومبلغ 1800 جنية شهريا بنسدد حاولى 1000 جنية اشتراكات خطوط يتبقى 800 جنية بيطلع مصاريف كهربا حاولى 100 كل شهر يتبقى 700 طلع من 700 مصاريف بنصرفها على خدمة الشبكة وخلافة 200 جنية يتبقى 500 جنية صافى من المبلغ الكبير اقسمة على 2 يبقى كل واحد حاولى 250 جنية دة واية كمان ممكن ناس ماتدلكش اشتراك الشهر دة وناس تتنطط على الواحد فين وغير كدة بهدلة الواحد كل يوم وشيل السلم واطلع على عمود واطلع على سور ودة يتكلم معاك باسلوب مش كويس ودة يفكرنا مش متعلمين ودة مفكرنا اسف فى الكلمة ناس واقعة كل دة علشان سياتك مفكرنا بهوات وولاد بشوات ومولعنها دروس شفت ازاى اتقى ربنا انا والله دمى اتحرق من كلامك حسبى الله ونعم الوكيل فى كل ظالم |
الراجل ده طيب وعلى فكره هوه مش فاهم حاجه هوه مش فاهم ان اقل عامل فى اوسخ مكان احسن منه ومننا جميعا احنا منطالب بكرامه المدرس اللى جزء منها الاجور اللى الطيب مفكر نفسه فاهم حاجه الله يبارك لك
|
مبروك علينا الاعدام
|
العنوان بيثير لهفه الاعضاء وملوش علاقه بالموضوع الظاهر كان نفسه يبقي صحفي
|
اقتباس:
اة والله يا ساتاذ احمد ياريت بلاش تريقة العملية مش ناقصة عيب انك تكتب عنوان يشد القارئ ويدخل يلاقى حضرتك بتتريق انتوا عاوزين حريقة واعتصامات وخلاص على كدة قولى كدة عملتوا بالاعتصامات بتاخدوا مسكنات كل حاجة هتيجى بس بالصبر |
على فكره أنا مدرس حاسب آلى فى الأزهر ومتعاقد من ثلاث سنوات وقرار التثبيت لسه مجاش عندنا فى الأزهر ونسيت أقول كمان إن أنا مسجل لدرجة الماجستير قسم علم النفس التربوى فى جامعة طنطا وبحلم أتعين فى الجامعه وكل دا ومرتبى 370 جنيه أقول كمان ولا كفايه كدا تفتكر اللى عنده أمل شكلى إنه يتعين فى الجامعه بعد الماجستير أو الدكتوراه ممكن يعمل إيه والمفروض إنه بيحلم بعيشه كويسه
|
اقتباس:
حضرتك جبت الكلام ده منين انا عن نفسى مدرس وشاركت فى الثورة واصابت اصابة خطيرة مازلت اعانى منها الى الان ولكنى اعتبرها تاج على راسى ولى زملاء شاركوا بالذهاب الى ميدان التحرير وزملاء آخريين شاركوا فى اللجان الشعبية وزملاء آخريين شاركوا عن طريق الانترنت وزملاء آخريين لم يشاركوا الموضوع نسبى يا استاذنا وليس مطلق |
هيا دى الحقيقه الا القليل
|
حسبى الله ونعم الوكيل فى كل ظالم
|
عندك حق بس لو تبصلها احنا غلابه والله ليه تيجوا عليناااااااااا مش كفاية بنشحت منهم التعيين
|
انا اسف مكنش قصدى التجريح ولا التريقه والله انا كان قصدى اننا لازم يكون لنا حد يجيب لنا حقوقنا ويكونوا مننا
زى مثلا نقابه قويه تحافظ على كرامة المعلم وتوحد اهدفنا انا نفسى اشتغل فى المدرسه فقط ومشتغلش شغلانه تانيه بليل واروح المدرسه اكون تعبان وكمان مبحبش ادى دروس وانا مدرس رياضياتيعنى كلها دروس نفسى اخد حقى علشان الطلاب يخدوا حقهم اكتر لانى لما اكون مستريح مش هيكون فى دماغى حاجه الى الطلاب يمكن التعبير خانى او مش عارف اعبر علشان كده انا اسف وبعدين ان عضو جديد هحاول اتعلم منكم وانشاع الله المشاركه القادمه يكون اسلوبى احسن من كده ومحدش يتريق عليا وبالنسبه للعنوان كان قصدى اكبر عدد يشارك وبعدين ياريت تقبلوا اعتذارى اخوانى المعلمين |
اقتباس:
ثانيا ليس الكثير منا من يعشق الدروس وفلوسها وانا شخصيا أتمنى من الله ان يمن علينا بمرتب محترم يكفينا ولا نلجأ الى الدروس وان كان لابد منها فافعل كما أفعل انا فالفصل الذى ادرس له فى المدرسة أرفض ان أعطى له دروس حتى يتسنى لى ان اعطى كل ما عندى للطالب ويكفينى فخرا أن الكثير من الطلاب توقفو عن الذهاب للدروس الاخرى وعللوا ذلك بأنهم يأخذون كل شيئ فى الفصل وأيضا فى زيارة لموجه اللغة الإنجليزية لى فى الفصل عاب عليا كثرة الشرح وقال هذا كثير جدا وبدأ حديث أخر ليس وقته إذن بدون شعارات والحديث عن الدروس وعمالقة الدروس ودخل الدروس و و و و و انا راضى عن نفسى وعما أفعله طالما أراعى الله فى عملى |
اقتباس:
أولا معذرة استاذ احمد لأن التوقيت صعب جدا لطرح اى موضوع وربما اذا لم تكن الألفاظ مباشرة تفهم خطأ ثانيا ليس الكثير منا من يعشق الدروس وفلوسها وانا شخصيا أتمنى من الله ان يمن علينا بمرتب محترم يكفينا ولا نلجأ الى الدروس وان كان لابد منها فافعل كما أفعل انا فالفصل الذى ادرس له فى المدرسة أرفض ان أعطى له دروس حتى يتسنى لى ان اعطى كل ما عندى للطالب ويكفينى فخرا أن الكثير من الطلاب توقفو عن الذهاب للدروس الاخرى وعللوا ذلك بأنهم يأخذون كل شيئ فى الفصل وأيضا فى زيارة لموجه اللغة الإنجليزية لى فى الفصل عاب عليا كثرة الشرح وقال هذا كثير جدا وبدأ حديث أخر ليس وقته إذن بدون شعارات والحديث عن الدروس وعمالقة الدروس ودخل الدروس و و و و و انا راضى عن نفسى وعما أفعله طالما أراعى الله فى ع |
| جميع الأوقات بتوقيت GMT +2. الساعة الآن 04:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.