طيب انا الحمد لله بقالى هنا كتير قوى وما شوفتش من اسلام المرشد حاجة وحشة
ايه بقى يا سيدى اللى كان اسلام بيعمله؟

مع احترامي ليك المنتدي ايام اسلام كان احلي من دلوقتي بمراحل علي لاقل كان واحد بس هو الي شايل المنتدي كله ومكنش معاه حتي مشرفين وكان مظبط المنتدي احسن حاجه وكان الاستاذ مدير الموقع شاااااااااااااايل ايده خالص من الموقع يعني بصراحه كان اسلام هو كل حاجه مشرف اداري ومشرف عادي ومصلح اجتماعي وعضو عادي يعني فعلا كان كل حاجه في المنتدي

وبالنسبه لحضرتك بقي انك كنت مخنوق من اسلام انا هقولك راي بصراحه انت كنت من اكتر الناس الي بتعمل مشاكل في وقته و الي كان بيعمله معاك بصراحه مكنش غلط
وياريت راي ميكونش زعلك
بس ياريت متحكمش عليه بطريقه شخصيه

حذف الرد بواسطة الاسطورة

يا سيدي مفيش مشاكل خالص دا اختلاف وجهات نظر عادي وياريت احمد يتقبل النقد لاني مقصدش مشاكل

وكل سنه وانتوا طيبين

ولو عايزين اثبتلكم اد ايه الاعضاء دي كانو بيحبوا بعض ادخلو على الرابط ده وشوفوا الاعضاء سافروا وعدوا على بلاد كتير علشان يسوفوا بعض

http://thanwya.com/vb/showthread.php?t=12811

كل الاعضاء كانوا بيحبوا بعض اه حصل
وانا حضرت فترة ليست بالقليلة مع الاعضاء الكبار والقدامى
كانت فى روح وحب بين الاعضاء
واحنا افتقدنا ده حاليآ بسبب تعاقب الاجيال
ناس كتير من القدامى مشيوا
وجه ناس جداد
فالتغيير ده حال دون تكون روح الالفة والمودة بين الاعضاء من تانى

وانا اتمنى ان تعود نلك الروح مرة اخرى

صعب يا زيزو
الموضوع مش تحت ايدنا
وانا مش عارف الحل ايه للوصول لتلك الروح تانى

مش صعب ولا حاجة اسلوبنا وطريقة ردودنا وقدرتنا على التعاملمع الاخرين هتكون هي بدايتنا علشان نبدأ نشعر من جديد بروح الحب والارتباط صدقني كم من كلمة جعلت اشخاصا يعشقون اصحابها
حاول اخي لعلك تنجح

هتعود ان شاء الله يا زيزو

طيب ماهو الكلام مش هو الحل يا درش
احنا عايزين شىء زى خطة مثلآ نمشى عليها
للوصول للهدف المنشود

والله مع احترامي ليك انته متعرفش المشاكل اللي حصلت مع اسلام لانها مش كانت معاك انته
وناس كتير عملوا مشاكل معاه من نفس نوع المشاكل بتاعتي




والله محضرتش من زمان عشان اعرف المنتدي كان عامل ازاي انا عرفت المنتدي ده الاجازه اللي فاتت وبس وساعتها كان المرشدفي اخر ايامه وحصل اللي حصل وناس كتير مشيوا من المنتدي بسبب حاجات كتير منها المرشد ومش هقول اسامي عشان الناس ديه هوه عارفهم

المهم من نحيه حكمي علي المرشد مش انا لوحدي ناس كتير كلموني في الموضوع ده


وكل واحد هنا بيقول انته من اكتر الناس اللي عملت المشاكل وهمه مش عارفين بس بيقولوا وخلاص
عشان معظم المشاكل اللي حصلت مفيش حاجه منها ظهرت عالمنتدي يبي انته عرفت ازاي

فياريت اللي يعرف مشكله من الناس اللي بيقولوا اني كنت بعمل مشاكل يقولها يمكن انا مش فاكرها فيقكروني بيها
ولا هوه كلام وخلاص

وبالنسبه للشايل المنتدي
اسأل هوه عمل ايه للقسم التعليمي اللي هوه اساس المنتدي لو حد يعرف يقولي عشان انا معرفش


المهم انا قولت رأي وعارف انه هيزعل ناس كتير

عشان انا بهاجم الفتي المدلل بتاع المنتدي
بس المشكله اني مش بعرف انافق واكتب شعر عشان اتقرب لواحد عشانه مشرف او كان مشرف

انا بقول اللي بشوفه مش بخاف من حد ولا عايز او مستني حاجه من حد

اولا يا احمد عيب اوي اوي انك تقول علي اسلام الفتي المدلل

ثانيا المنتدي تعليمي ايه احنا كنا في الاجازه

ثالثا طبيعي جدا ان مش كل الناس يعجبها طريقة اداره اسلام لانك متقدرش ترضي كل الناس

وبالنسبه ليك انا اصلا كنت بكلم اسلام علي الميل وعارف المشاكل الي كانت في المنتدي كلها

بس انا هقول علي المشاكل انت كنت بتعملها او الي كانت قدامي علي المنتدي انت كانت كل ردودك مستفزه جدا جدا وكتيييييييييير جدا جدا من الاعضاء اشتكوا بسبب ردودك واتحذفلك ردود كتير برضو

عموما انا مش بهاجمك بس انا بدافع عن اسلام عشان الصراحه انا مشوفتش انه كان عامل حاجه وحشه

وكان ممكن مقولش عيوبك بس انت الي قولت لو حد فاكرلي مشكله فا قولت افكرك وانا عارف ان كل دا كان من فتره ومكنتش عايز ارجع للفتره دي عموما يا ريت تحكم بعدم تحيز

علي فكره مشكله الردود ديه مش كانت مع اسلام عشان تبقي عارف بس