بوابة الثانوية العامة المصرية - الوقفة الاحتجاجية يوم الثلاثاء 28/6 للمطالبة بالتثبيت على درجة معلم

بوابة الثانوية العامة المصرية (https://www.thanwya.com/vb/index.php)

- منتدى معلمي التربية والتعليم (https://www.thanwya.com/vb/forumdisplay.php?f=737)

والله انا تعبت من كتر الدعاء إلى مظاهرات امام الوزارات وإرسال رسائل إلى كل ممثلى الحكومة على صفحاتهم على النت للمطالبة بسرعة صدور قرار التثبيت وكمان حددت ميعاد 22 اللى فات ولم ارى احدا جادا معى !
لان للاسف السادة المدرسين عايزين الحاجة دون حراك ودون مشقة ودون تعب
(( لكثير من الهيئات العاملة بالدولة تظاهرات وتحركت وحصلت على حقوقها مثل الاطباء )) أما نحن فلا
يطلع واحد يقول لك نصبر شويه
وواحد تانى يقول عايزين نمنع طالبى المظاهرات من النشر على الموقع
وواحد تانى يقول لالالالا نعطى الفرصة للحكومة شويه
قربت من كثرة هذه الردود اتاكد فعلا ان مفيش واحد من السادة المدرسين هؤلا اصحاب العبقرية فى ردودهم السابقة من ثوار التحرير لان مفيش ثائر يصمت عن ظلمه
(( ومعظم هؤلاء اخذوا العقد او حصلوا على التعاقد عن طريق الوسطة لم يتعبوا مثلنا ))
يعنى كده من الاخر عايزين يقعدوا يتفرجوا وخلاص . وحد تانى يجبلهم حقوقهم وهم قاعدين
طيب خليكوا قاعدين
اوعى حد يتعب نفسه ! .

بعد التحية الى اخى وزميلى yassour الرسائل مش هتنفع يا صاحبى انا زى ما قلت الوقفة بجانب التليفزيون يوصل صوتنا مباشر وبسرعة البرق

السلام عليكم ورحمة الله وبركاته

اقتباس:

المشاركة الأصلية كتبت بواسطة basyoni (المشاركة 3580752)

مع احترامى للجميع انا عندى فكرة احسن وتصل الى المسئولين فورا وممكن تسال المسئول مباشر ويوضح لية التاخير دة الفكرة هى ان نتجمع كلنا فى مكان معين تختاروة ثم نذهب لبرنامج مشهور يسمعة ملايين الناس وليكن العاشرة مساء ونقول الى احنا عايزينة لان دا حقنا ونفوض مننا 4 من الزملاء يكون فاهم القانون وثغرات التعليم عشان يعرف يرد ان دة حقنا وشكرا لكم جميعا اية رايكم

اقتباس:

المشاركة الأصلية كتبت بواسطة basyoni (المشاركة 3580776)

وبالطريقة دى هتكون اسهل ودخلنا فى صلب الموضوع مباشر لان البرنامج على الهواء وممكن تجيبلك الوزير على التليفون مباشرة وكدا احسن من الوقفات الاحتجاجية لان الوقفات خلاص الحكومة اتحصنت منها لان كل يوم وقفات وقفات خلاص زهقوا اما التليفزيون يشاهدة الملايين وتكون قضية راى عام اية رايكم وبكدا الوزير هيكلم الملايين على الهواء ومش هيقدر يفلت من الموضوع دة ونبين لكل المعلمين ان احنا مش قلة وللناس كلها ان المعلمين ياخدوا حقوقهم بالقانون وبمنتهى الزوق والاحترام وعلى عينك يا تاجر امام الملايين

اقتباس:

المشاركة الأصلية كتبت بواسطة basyoni (المشاركة 3580801)

احييك اخى الفاضل على ماتقول وفعلا ده خير صواب بعد الوقوف يوم الثلاثاء القادم حيث بالفعل هناك واقفة بالوزارة يوم الثلاثاء القادم لمجموعة من المعلمين كانوا واقفون يوم الثلاثاء الماضى وتم استدعاء الجيش والامن لهم ولكن لتنظيمهم الجميل فى الشارع وعدم تعطيل اى مرور او مصالح انسجبت القوات بعد فترة 5 دقائق فالكل لو وقف ايد واحدة فعلا الحق يعود نحن لا ندعوا لتوقيف مصالح وحال البلد بل ندعو بالقضاء على الروتين اقسم بالله الثورة لم تغير اى شيئ فى التفيكر الخاطئ للجهار الادارى الذى ولازال قائما على تعطيل مصالح الشعب متقدما فى الحفاظ على الروتين 1

ربنا يوفقكم خير

المالية» توافق على تعيين 123 ألف مدرس بعقود مؤقتة ولاعزاء للمكافأة الشاملة http://amay264.cdn.infralayer.com/si.../4886/4372.jpg

أكد مصدر مسؤول بالجهاز المركزى للتنظيم والإدارة، أن وزارة المالية وافقت على تعيين نحو 123 ألفا من مدرسى الحصة، بنظام العقود المؤقتة، وتحويل من يعملون بنظام المكافأة، أو ما يعرف ببند «3 -10» إلى بند «2-2-3» بالباب الأول أجور، تمهيدا لتثبيتهم بعد مرور 3 سنوات. وقال المصدر إن الوزارة شددت على تحويل العاملين بالمكافأة بنفس أوضاعهم المالية، لمنع زيادة العبء على الموازنة العامة. من جانبها، انتقدت الدكتورة آية ماهر، أستاذ الموارد البشرية بالجامعة الأمريكية، تعيين المدرسين بنظام العقود المؤقتة بنفس المستحقات المالية التى كانوا يحصلون عليها وفقا لنظام الحصة، مؤكدة أن هذه الخطوة ستؤثر على إنتاجيتهم، وطالبت الحكومة بضرورة إيجاد بدائل.

من جهة أخرى، وافق جهاز التنظيم والإدارة على تثبيت موظفى الإدارات القانونية العاملين بعقود مؤقتة فى الجهاز الإدارى للدولة، البالغ عددهم نحو 10 آلاف موظف، وقال المستشار طنطاوى محمد الطنطاوى، المستشار القانونى للجهاز، إنه نظرا لوقف التعيين فى هذه الإدارات منذ ما يقرب من 10 سنوات، فإن الإدارات القانونية لجأت إلى هذا الحل بشكل مؤقت.

وسلملى على المكافأة الشاملة هههههههههه عوووووووووا

المصدر ( المصرى اليوم )

http://www.almasryalyoum.com/node/470618

يا جماعة كل الآليات التى اقترحتموها جميلة ، ولكن أسرع شئ - مع العلم أن السرعة بالنسبة لقضيتنا مسألة حياة أو موت - هو التجمع فى مكان واحد أمام وزارتنا الموقرة ويمكن كذلك دعوة وسائل الإعلام لتغطية الحدث

بالنسبة للعدد فإن الله يبارك فى القليل بإخلاصه ، وبعدين احنا مش قليلين احنا 80 ألف لو الثمانين ألف تم ابلاغهم بميعاد الوقفة ودعوتهم بصورة تبين أهمية وضرورة ذلك فسوف يأتى الكثيرون منهم يطالبون بحقهم أنا متأكد من ذلك

اعملوا موضوع جديد وكمان اللى هيروح او معاه حد يدخل يسجل فى المضوع عشان نعرف العدد الفعلى

ويتم اخذ رقم تليفون كل واحد قال هيروح ان شاء الله

شوفوا هتستقروا على ايه ان شاء الله

انا مش عارفة بصراحة امتحان الثانوية شاغل الوزير بايه عن انه يصدر قرار بتعينا

يكنش هو اللي بيمتحن!!!!!!!!!!!
اما لو كان هو اللي بيراقب ولا بيصحح كان عمل فينا ايه

إلى كل الخوة اللى بضحكوا على أنفسهم بموضوع الثانوية العامة ومدى انشغال الوزارة بيها ، والله لو الوزارة مشغولة بيها لهذه الدرجة تبقى وزارة فاشلة ؛ لأن المفروض دى وزارة. عارفين يعنى أيه وزارة ؟ ! يعنى إدارات ووكلاء وزارة وقطاعات ومعنى إنها تحتاس بالثانوية العامة لهذه الدرجة يبقى يعوض ربنا.
وكمان إذا كنا عاوزين نلغى حتة إن الثانوية دى بعبع عند الطلبة وأولياء الأمور والوزارة مش عارفة تلغيها داخل الوزارة يبقى برده يعوض ربنا.
وبعدين سيادة الوزير مينفعش يصدر القرار دلوقتى ويبدأفى تنفيذه بعد الثانوية يعنى، يا جماعة فوقوا قبل الندم

لو سمحتم انشروا الدعوة للاحتجاج بين كل الزملاء

لابد من اتخاذ اجراء حاااااااااااااااااااااااااااااااااااسم

في لسه ناس نتيجتهم محجوبه

يا جماعه لابد من سرعه ابلاغ زملائنا اللى امتحنوا الكادر ان الوقفه تكون امام وزاره التربيه والتعليم بس انا عايز نكون عدد كبير علشان يكون لينا تاثير ولابد من تغيير نظام التواكل والاعتماديه اللى احنا عايشين فيه والكل ينزل من جميع المحافظات محدش يقول انا من محافظه بعيده وحدش يقول انا بنت ومينفعش انزل اوعندى ولاد اسيبهم مع مين دى مصلحتك قبل ما تكون مصلحه حد تانى ومفيش حد هايجيب لحد حقه لابد كلنا نتكاتف علشان ناخد حقوقنا وبلاش اللى بيقول نروح التليفزيون او اى برنامج التليفزيون هو اللى هايجيلنا لحد عندنا واسمعوا كلامى قبل ما الشهر يخلص والكل يبلغ اصحابه اصحوا بقى وفوقوا