شكرًا على الإقتراح

الفكرة كلها كانت في العنوان الكوميدي تخفيفًا للتوتر العصبي :)

وعشان كمان المضمون كان فيه سخرية لما ردي اتحذف واتبعتلي رسالة خاصة ( طبعًا كل ده كان شكر لأستاذ أشرف لأني كنت مفكر إنه هو اللي حذف الموضوع :) )

تحياتي

تمام يا يوري باشا الحمد لله

طيب ايه بقه الغلط هنا لما نحذف الردود
اما انت معترف تماما ان انت غلطان و لو مش معترف انك غلطان فيؤسفني اقولك انك غلطان لان ده مش موضوع عشان تدردش فيه انت و اشرف و كدا
واشرف غلطان لا جدال
والغلط ظاهر اوي مش محتاج مناقشه يعني فكان القرار برده مش محتاج مناقشه

اما بالنسبه لحذف الموضوع عشان مفيش كلام تاني يتقال
كان فيه ظروف خارج عن إراده المشرف المختص و اعتذر و ان شاء الله هيتم إعلانها


بالنسبه للرساله اللي بتتبعت فطبعا لا يخفي عليك ان ده هاك او كود الله اعلم باسمه
المهم ان اي حاجة بتتنقل او بتتحذف او بتتحرر من مشاركاتك بيبعتلك رساله باسم المشرف اللي عمل كدا

بالنسبه للعنوان لو كان هدفك تخفيف التوتر العصبي فجزاك الله كل خير
لو كان فيه سخريه فجزاك الله كل خير برده و مش هتفرق لانه تم تغيره

بالنسبه للمقترحات هيتم مناقشتها في حجرة الناظر عشان لا يخفي عليك برده ان الحكايه دي مش في ايدينا ;)
وجزاك الله كل خير علي مجهوداتك و سعه صدرك و مناقشتك الممتعه


تفتكر ؟

يرجي من المشرفين الاداريين مناقشه الامر و النظر فيه
شكرا :)

س1 : ممكن أعرف العضو المتضايق من المناقشة حول عدم إعلان نتيجة مسابقة رمضان ؟
س2 : إيه الردود الخارجة اللي حضرتك لقيتها وعلى هذا الأساس تم الحذف ؟
س3 : هل كل الأعضاء المشاركة في الموضوع ومنها مدير الموقع رأسًا ليس لها رأي وواحد يبعت رسالة خاصة يتم حذف الموضوع على أساس رسالته ؟؟؟؟؟

لو تسمحلي اني اجاوب نيابه عن استاذ عصام و لو حضرته عايز يرد عليك برده مفيش مشاكل

ج 1 : المشرف ( احمد رضا ) و المشرف ( احمد هنري ) و المشرف ( كريزي بوس ) و عضوين كمان كلموني علي المناقشه الجاده حول مجلس الشعب و ليس نتيجه مسابقه رمضان
ج 2 : الكلام بينك و بين اشرف كان لا يمس الموضوع ( نتيجه مسابقه رمضان ) بأي شكل من الاشكال بمعني اصح بوظ الموضوع الاساسي وكان الكلام بينك و بينه بس .. فين الكلام بقه اللي نقدر نقوله في النص
ج 3 : طبعا لكل واحد له رأي ومش مختلف معاك .. بس اللي مختلف معاك الرأي ده صح ولا غلط ولا تافه ولا ايه - مع احترامي للجميع و ارجو تقبل كلامي بصدر رحب -

كلامك انت و اشرف كان خارج عن الموضوع و خرج عن نطاق مناقشه نتيجه مسابقه رمضان وعلي حسب كلامك كان الموضوع عن مقعد مجلس الشعب و توريه و همس و لمز و حاجات كدا
فمن باب اننا عرفناكم ان آرائكم دي غلط حذفناها بصدر رحب برده بعد ما الناس شافتها
دي كل الحكايه
وارجو تقبل كلامي بصدر رحب انا لا اقصد شئ
غير انك كنت غلطان
واشرف كان غلطان
وانا دخلت كان نص ردي غلط
و فيه مشرفين كتير دخلوا ردوا ردود هايفه - مع احترامي ليهم -
فتم الرد من خلال المشرف ( صوت الحق ) علي الاستاذ زيزو صاحب الموضوع و تم حذف الموضوع لانتهاء المناقشه فيه و احنا في انتظار النتيجه

شكرا :)

أنا فعلا ابن لحضرتك وأعتذر عن آية عبارة أو لفظة أخلت بهذا الكيان الإجتماعي وإن تم فقد كان عن جهل مني بالفارق العمري بكل تأكيد :)
لا تعتذر ابنى الفاضل انت لم يصدر منك اى شيء يستوجب الاعتذار
ومفيش اب يزعل من ابنه وهذا شرف لى لكى اكون بمثابة اب او اخ كبير لحضرتك
بالنسبة لإقتراحاتي

الأقسام التعليمية تقسم إلى
1- مواد المرحلة الأولى
2- مواد المرحلة الثانية
3- المواد المشتركة
4- مناقشات عامة
5- أرشيف الإمتحانات

وياريت لو المواد المشتركة تقسم إلى مواد علمية ومواد أدبية

تسهيلا للوصول وتسهيلا للمدرس على التصنيف

هذا اقتراح ممكن نناقشة ونشوف المواد التعليمية مقسمة ازاى
وبعدين يجب اختيار مدة واحد فى المرحلة من المادتان وهم الكيمياء والاحياء
وهذا الشائع فى جميع انحاء الجمهورية لان هذان المادتان صعب على الطلبة
ان يأخذوهم فى عام واحد
فاالاغلبية تختار الكمياء او الاحياء كما تريد يبقى مادة فى مرحلة ومادة فى مرحلة
اى منهم فى المرحلة الاولى
الموادالمشتركة يمكن تقسيمها كالاتى
علم النفس والاجتماع والفلسفة والمنطق والمستوى الرفيع قسم
التاريخ والجغرافيا والمستوى الرفيع والتربية الوطنية قسم
الجولوجيا وعلوم البيئة قسم
هل توجد مواد مشتركة انا ناسيها
ما رائيك
الجميع يعمل للصالح العام ولا يرد الجزاء الا من الله
وعلى فكرة ياريت الجميع يناقش الموضوع بهدوء بدون حساسية نحن لسنا فى
مشادة مع بعض نحن نتحاور ونتناقش وكلنا اصدقاء واحباب

الفكرة كلها إن الموضوع ده كان في ردين كان ممكن حذفهم وإكمال المناقش حول الأسباب الصريحة لعدم إعلان النتيجة مع العلم إن أستاذ أشرف قال ان الأوائل خلاص اتعرفوا وهوه غير الموضع .. هل من المفترض إني أطنش كلامه ؟؟

وبعدين لو كان كل موضوع قلب دردشة يتحذف .. فاعذرني كده هنحذف مواضيع كتير ...\
عشان الموضوع ميتشتتش .. الفكرة مش في حذف الموضوع ، الفكرة في السبب الظاهر والباطن

الظاهر : ردود غير لائق
الباطن : أعضاء بعتوا للمشرف الإداري بيطلبوا حذف الموضوع

فأنا محور كلامي كله على النقطتين دول فين الكلام الغير لائق ، ومين اللي طلبوا الحذف :) وإعتقد انت جاوبتهم في المشاركة اللي بعدها وتعليقي عليها حالا :)


أيوه طبعًا أفتكر هوه أنا بكلم أشرف كل يوم ;)
شكرًا جزيلا على الرد .. ممكن أعف سبب طلبهم حذف الموضوع كاملا مش حذف الردود بس أو حتى اغلاق الموضوع وفتح موضوع جديد لأن في نسب كبيرة من الأعضاء عايزين يسألوا عن الموضوع ده

لو كلامي انا وأستاذ أشرف هوه المشكلة كان بكل بساطة يتحذف

بس هاتولي حت تاني ألاقيه فيها :D
ده أنا بقالي بتاع شهر ونص عايزه يغير اسم الدخول التاني مش لاقيه
أكيد وطالما ان الحوار مبنى على الإحترام المتبادل ومهما كان الخلاف في وجهات النظر فيجب احترام وجهة نظر الطرفين


بس ده ببساطة اللي انا عاوز أوصله

الردود فقط اللي تحذف

عمومًا ما دام الحوار المحتررم ، فمن عادتي ألا أبكى في هذا الإطار على اللبن المسكوب

وأعتذر عن أي سوء فهم في هذا الإطار وأي كلمة جرحت أي من جوانب هذا الحوار


تحياتي مرة أخرى للجميع :)

أوكي يا أستاذ صوت الحق :)

أولا كنت عايز حضرتك تفسرلي العبارة دي

نقطة الحوار الأخرى بالنسبة للكيمياء فأقترح عملها في قسم المواد العلمية في المواد المشتركة فقط للمحافظة على الإطار العام والشكل المنظم للموقع حتى يكون ممثلا للواقع دي الفكر

اولا موضوع الكيمياء توضع فى المواد العلمية او تظل هكذا موضوع للشكل العام فقط
ودى بسيطة
التفسير للجزء الذى تريدة هل حضرتك مدير عام منتدى الاستاذ ولا انا غلطان
لو غلطان كده حصل سوء لبث عندى ويبقى هذا الكلام فى غير محله

لا
هو فعلآ مدير منتدى الاستاذ يا استاذ عصام

ايوه يا استاذ صوت الحق انا فعلا مدير شبكةالاستاذ التعليمية.....

السلام عليكم
الرجاء وضع موضوع جديد في قسم حجرة المدرسين لمناقشة كيفية تقسيم الاقسام التعليمية