بسم الله الرحمن الرحيم

السلام عليكم

يابنى انتا احسن من غيرك مليون مرة

انتا تخش بيطرى وتشتغل ف شركة ادوية زيك زى الصيدلانى

البقية في حياتك ان شاء الله خير
انا جبت 393 هل في امل اني الحق اي حاجة صيدلة او علاج طبيعى ولا مش ممكن
ارجوكم ردوا عليا

البقاء لله
فكرتنى بنفسى والله ان شاء ربنا معانا ويحقق املنا انا جيبه بردوه نفس المجموع بس مفيش حاجه بعيده على ربنا وان شاء الله ربنا يحقق لنا اللى نتمناه قاااااااااااااااااااادر

يا جماعة ممكن اي حد اذا كان عنده حد في طب بيطري او يعرف عنها معلومات موثوق منها يعرفنى هى ايه وبيدرسوا ايه بالضبط وبيشتغلوا ايه في الاخر

البقاء لله اولا انا كمان فقدت والدي في تانيه وجبت95 ثانيا مجموعي في السنتن بالمستوي زيك بالظبط 96.34 وانا فقدت الامل خلاص حسبي الله ونعم الوكيل ومش هعشم نفسي تاني

البقاء لله وان شاء الله تدخلوا كلية كويسة وعلى فكره اعرفوا ان ربنا حططكوا ف المكان دا من اول ما اتولدتوا يعنى كدا اعتراض على مشيئة الرحمن
وكمان انتوا والله لسه مدخلتوش كلية متعرفوش حجات كتير ومستقبل الكليات
الثانوية دى ما هى الا شوية حفظ بترصهم ف الامتحان الشطارة ف الكلية لما تتميز وتبدع ف عملك وهتفتكروا الكلمة دى لما تدخلوا الكلية وتحبوها ايا كانت بس اهم حاجة تحبوها وتنجزوا فيها
وهتفتكروا كلامى ف يوم ومن الايام ولما تفتكروه ادعولى
وادعولى كمان دلوقت عشان نتبجتى بكره وياارب اجيب تقدير كويس
وكمان اوعدونى انكوا هتذاكرو كويس وتشدوا حيلكم ف الكلية

البقاء لله وان شاء الله تحقق اللى بتتمناه

البقاء لله
انا برضه جايبه 96% وكان نفسي ادخل طب قسم علم نفس بس انا عارفه انه (قل لن يصيبنا الا ما كتبه الله لنا ) والحمد لله علي شئ واعلم انه (ولان شكرتم لاذدينكم) يعني احمد ربنا علي المجموع ده علشان يزيد السنه اللي جايه وبعدين لو مزدش انت الحمد لله معاك 96%+2% بتاع المستوي هيبقي معاك 98%يعني ان شاء الله صيدله من ابوابها كمان معتقدش انها تزيد عن كده وحتي لو ماجبتش صيدله (بعد الشر يعني) ايه اللي هيحصل انت لازم تعرف ان احنا مش هناخد اكتر من نصيبنا وكل حاجه مكتوبه عند ربنا احنا ملناش الا ان احنا نسعي علي قد ما نقدر والباقي علي ربنا انا بجد تعبت السنه ديه ومتاكده ان ربنا هيكرمني ان شاء الله حتي لو مدخلدش طب

اولا البقاء لله

هو ده مجموعى بالظبط
و كنت عايزة ادخل صيدله فعلا
بس نعمل ايه بقى فى المجاميع الجنونية
و لا يكلف الله نفسا الا وسعها
يا رب نلحق صيدله
و كل واحد يدخل الكلية اللى هو عايزها