|
طيب هو مجموع الانجلش نفسه بيفرق من جامعة لجامعة بالرغم من ان في تسجيل الرغبات الكومبيوتر قبل مجموع الانجلش عندي وفتحلي الكليات شعبة الانجلش
|
اقتباس:
طبعا بيفرق وخصوصا فى الجامعات المشهوره زى الإسكندريه وعين شمس والمناطق دى بس من التنسيقات اللى فاتت هما حوالى 3 جامعات بس هما اللى بيرفعوا فى مجموع الإنجلش شويه بقية الجامعات بقى بتاخد إن يبقى الطالب جايب أقل شىء 40 من 50 فى الإنجلش تانى حاجه التسجيل ده ما هو إلا عرض للكليات الموجوده فى مصر وبس يعنى مش معنى إن موجود فى الرغبات تجاره إنجلش يبقى أتقبل تجاره إنجلش يعنى مثلا فى طالب جايب 80 فى الميه وبيلاقى قدامه فى التسجيل سياسه واقتصاد وإعلام وألسن عادى مع إنه مش هيلحقهم لكن موجودين. |
انا فاهمة بس التنسيق الالكتروني دلوقتي اختلف بمعنى انو بيشوف مجموع الانجلش عندك لو قبل بيفتحلك كل الكليات شعبة الانجلش زي الاقتصاد والاعلام والحقوق والتجارة ولو مقبلش مبيفتحهاش اصلا وده حصل مع صحبتي كانت جايبة 40 في الانجلش مرضاش يفتحلها اي كلية شعبة انجلش كذلك الفرنساوي انا جبت فيه 48 مرضاش يفتحلي تجارة او حقوق فرنساوي
|
اقتباس:
أنا سجلت لحوالى خمسه وكله فتح معايا تجاره إنجلش عادى أنا فعلا مجربتش حد جايب 40 أو أقل وممكن صح إن الموقع بيتأكد من المجموع الأول بس كل اللى بقصده من الأول إنه مش لازم إنه فتح إنجلش يبقى أتقبل إنجلش والدليل فى كليات أعلى من مجموعى بتفتح معايا عادى وبالنسبه للكليات اللى باللغه الفرنسيه مبتفتحش إلا إذا كنتى واخده الفرنساوى كلغه أجنبيه أولى لكن معظم الطلبه بياخدوا الإنجلش طبعا |
اها عموما ميرسي كتير وسوري لو ضايقتك
|
اقتباس:
يو أر ويلكم:d عفوا مفيش مضايقه ولا حاجه |
طيب هيا نتيجة التنسيق ظهرت بس الموقع مهنك ممكن لو اديتك رقم الجلوس تجيبهالي
|
اقتباس:
طبعا زمانك إتصرفتى:d أسف بس أنا ببقى فى الشغل ومبدخلش المنتدى هنا غير بالليل فطبيعى مشوفتش الرد بتاعك غير متأخر على فكره كل اللى كنت مقدملهم جالهم تجاره إنجلش:d حتى اللى كان جايب 83 فى الميه لحقها فأنتى أكيد بمجموعك ده لحقتى تجاره إنجلش أس اتنين:d على العموم ألف مبروك ليكى مقدما هو إنتى كنتى كاتبه تجاره إنجلش أول رغبه ولا جالك كليه تانيه؟ |
انا هدخل تجارة انجلش هى صعبة يا جماعة وايه موادها
|
طب بالنسبه ليا انا علمي رياضه جبت في تانيه 81.2 وفي تالته 97 والمجموع الكلي 89.13 و جايب في الانجليزي 44/50 والمجموع الاعتباري 406 تفتكروا الحق تجاره انجليزي ؟؟؟ وجامعه ايه ؟؟؟
|
اقتباس:
بتختلف من جامعه لتانيه والله أعلم |
اقتباس:
إنت الكومنت بتاعك ده منتشر فى المكان هههههههه على العموم إن شاء الله تلحقها دى واخده من ادبى من 83 فى الميه تقريبا يبقى إنت 89 ومش هتلحقها حتى ولو علمى إن شاء الله تدخلها |
اقتباس:
معلش يا عم زملكاوي ده انا زملكاوي زيك :] اصل انا قلقان اوي وانت عارف الشعور ده في التنسيق عامل ازاي وشكرا ليك وربنا يطمنك |
اقتباس:
|
اقتباس:
لا ولا يهمك أنا بحب أهزر أوقات بس وكويس إنك زملكاوى أول ما تدخل الكليه بقى يبقى ليا ساقع عندك:d وإن شاء الله ربنا يوفقك وتدخل الكليه اللى بتتمناها |
| جميع الأوقات بتوقيت GMT +2. الساعة الآن 07:33 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.