|
14 الف طب لووووووول
اضرب صيدله فى اتنين 28 الف :d :d :d |
اقتباس:
|
يا كابتن يا الي بتقول انه مستحيل متنساش ان السنه الي فاتت كان العدد قليل جدا اووك
يعني هما عايزين يدخلوا زياده السنه دي علشان يعوضوا نقص السنه الي فاتت وبعدين الي فيه الخير هقدمه ربنا ولا ايه |
اقتباس:
لالا المجاميع السنة الى فاتت مكنتش قليلة ولا حاجه بس كانت مناسبة لان عدد الطلبة الى فوق 97.5 السنة الى فاتت كان حوالى 8000 يعنى الامتحانات السهله السنه دى الى بوظت كل المؤشرات وبعدين عموما الحل ايه نزود عدد المقبولين ومبيقاش فى فرصة تعليم كويسه ولا شغل ولا تدريب وتكدس المدرجات والمعامل ده الحل ماهو احنا لو هنعترض على حاجه لازم نلاقى حل بديل نطرحه |
اقتباس:
فعلا يا دكتورة مروة امال الهندسة كااام مصر كلها ولا ايه ؟؟؟؟؟؟؟؟؟؟ بجد ما ينفعش كدة :excl: هو ايه اللى التنسيق ينزل الى 92 % ؟؟؟؟؟؟؟؟؟؟ بجد شعب يسيئ استخدام الحرية :006et4: يعنى المهندسين كل سنة يزيدوا 27 الف !!:o لك الله يا مصر |
اقتباس:
والله الواحد محتار بين امرين ., اولا انت كلامك صح انوا مش هيكون في تعليم كويس وفرص العمل هتقل بس ممكن نقول ان الثوره هتعوض كل ده ازاي احنا دفعتنا عقبال ما تتخرج يعني كمان 4:7 سنين يكون حال البلد استقر وبقى فيه مشاااااريع كتيره في كل مكان الى اخره وبالتالي هنوفر فرص عمل ., ثانيا ., الاهالي بردوا تعبوا جهد نفسي ومادي ومحتاجين يفرحوا لاولادهم وكمان احنا تعبنا ومش ذنبنا ان الامتحانات سهله وفي ناس غشت . |
اقتباس:
بالظبط معامل الهندسة هيدخلوا الطلبة زى طابوي العيش ويمكن اسوأ كمان :d كدة الواحد هيبقى رايح بكرسى معاه المدرج ومش هيلاقى كمان احتمال يظبطوا للطلبة اماكن فى السقف والناس هتحتج بردو !! :p بكرة تلاقى طلبة طالعين يقولوا لا للانحياز بجانب طلبة الثانوية سيتم اتهامهم انهم من الفلول والبتاع :bosyht9: ربنا يهدى ويستر |
اولا حضرتك بدور ازاي علي الشغل بص الشغل ده بتاع ربنا يعني انت لو دكتورر شاطر وفاتح فين ان هجيلك مانت موجود فالاعداد الكتير مش هتقلل فرص الدكتور لان الدكتور بالشاطره مش بحاجه تانيه
ثانيا لو علي التكدس وكده اكيد لو الكلام ده صح هما هيكونوا عاملين حسبهم مش هيقعدون فوق اكيد عندهم حل |
اقتباس:
بس مهما كان لازم يبقى فى تميز بين الى تعب والى متعبش بس يلا بقى يانعيش عيشه فل يانموت احنا الكل :d:d |
المشكلة مش فرص عمل لان ببساطة ممكن الناس تسافر بلد تانية
بس طب و هندسة التعليم فيهم هيضيع دلوقتى احنا بنبقى فى المعمل اتنين بيشتغلوا و اتنين يتفرجوا من بعيد و 5 واقفين مش شايفين حاجة من الزحمة لما يزودوا العدد هيوقفوا ناس على باب المعمل تاخد بركته؟؟!! فى السكشن من الزحمة محدش شايف ولا سامع و حتى اللى قدام مش عارفين يسالوا و المعيدين اساسا مش فاضيين يردوا على واحد واحد لان لو كل واحد خد ثانية السكشن هيخلص احنا من دلوقتى مش عارفين نتعلم و بناخد كورسات برا يمكن نجرب بادينا و مننا اللى فقدوا الامل و مقضينها self study هيبقوا عاملين ازاى بقى لو الاعداد زادت؟؟؟ دا الكلية بتفضيلنا الدنيا فى اعدادى و تسقط نص الدفعة يمكن نطلع اولى الدنيا فاضية شوية نفهم |
بجد عيب اوي نكره الخير لبعض اللي تحبه لنفسك حبه لغيرك ...الواحد بيتمنى والله كل اللي ذاكر وتعب يدخل الكليه اللي هو عايزها مش علشان الغش اللي حصل السنادي وناس كتير مجموعهم رفع بالظلم والله نحرم طلبة تاني ذاكرت وعملت اللي عليها بجد حرام يكون الواحد جايب 97% ونقوله مش هتلحق لا طب ولا اسنان ولا صيدله طب ده اكيد لازم تحصله حاجه من الخبر مش علشان ربنا كرم ناس وعدت ال 99 % خلاص الباقي يتظلموا وبعدين حايه الشغل دي بتاعه ربنا يعني مهما عملت مش هتاخد اكتر من اللي ربنا كاتبهولك وبعدين احنا مش بنطالب بان التنسيق ينزل 90% لطب يعني ماهو مش وخلاص يعني يكون في حدود السنين اللي فاتت يعني 97.5% بجد في ناس كتير جداااااا هتتظلم لو التنسيق ارتفع بس يارب يكون الخبر ده صح وياريت نحب بعض ونتمنى الخير لبعض
|
اقتباس:
كلامك صح والله ربنا يفتح عليك وعلينا ان شاء الله بس يارب يكون الخبر صحيح :(. |
ع فكرة انا جايبة 97 ف المية وانا مش بحبط حد بالعكس انا نفسى يكون الخبر ده صحيح زيكم عشان حتى ع الاقل الحق صيدلة حلوان لان اهلى مش هايرضوا باقاليم ونفسى ف صيدلة اوى بس محدش يصدق الجمهووووووووووووورية ف حاجة كل يوم تقول خبر شكل وتانى يوم خبر تانى وكمان المجمع التكرارى بتاع المجاميع شوفت فيديو ع اليوتيوب انه غلط يعنى من الاخر ماتصدقوش اى حاجة
وانا والله مرعوبة جدااااااااااااااااا لانى بجد نفسى اوى ف صيدلة بس ف الاول وف الاخر الخير فيما اختاره الله |
انتوا نسيتوا ان المجاميع دى كانت بالغش !!!!!!!!......... يعنى الواحد كان غلطان انه ما غش فى الامتحانات .... كان فيه محافظات بتغش من الكتب ... يعنى فيه ناس كتير اتظلمت واتاخد مكانها .... يعنى انا اختى جابت 93.5 علمى رياضة من غير غش فى الاخر تدخل تجارة علشان تبقى الاماكن واسعه ... وانتوا زعلانين من زيادة العدد عالعموم الكويس والمتميز هو اللى هيفضل فى الكلية وهيمشى فيها وهيتفوق فيها و ربنا بيجازى كل واحد على قد عمله............. وياريت نحب الخير لبعض
|
وانا اكيد بتمنالكم وبتمنالى الخير وعمرى مااكره الخير لحد ياااااااااااااااارب الكل اللى عايز كلية معينة يدخلها
ان شاء الله ويارب يكون الخبر صحيح |
| جميع الأوقات بتوقيت GMT +2. الساعة الآن 09:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.