يا استاذى الفاضل انا والله قرأت كل كلمه فى موضوع حضرتك بس انا سؤالى اجابته غير موجوده فى الموضوع
انا اريد التحويل الى كليه مناظره خارج منطقة التوزيع الجغرافى (ا) مع العلم انى باذن الله مجموعى يغطى الحد الادنى للكليه المراد التحويل اليها فسؤالى هو : هل سيقف التوزيع الجغرافى عقبة امام رغبتى فى التحويل من كليه فى محافظتى الى نفس الكليه فى محافظه اخرى مع العلم ان هناك سبب وراء هذه الرغبه وهو ان القسم الذى اود الدراسه به لا يوجد فى الكليه فى محافظتى
اى ان مشكلتى مره اخرى هى " انا من محافظة الشرقيه وأود الالتحاق بكلية الهندسه جامعة عين شمس مع العلم ان مجموعى باذن الله وحده يمكن ان يغطيها فهل سيتاح لى ذلك بأى طريقه ام انه مستحيل بسبب التوزيع الجغرافى ؟"
واسفه جدا على الاطاله
وجزاكم الله كل خير على الاهتمام والرد

اولا انا بنت
ثانيا متشكره جدا على رد حضرتك بس اعتقد موضوع انى اخد سنه واحول ده لما يكون مجموعى ميجيبش الكليه اللى انا عايزه احول ليها ولما تكون الكليه اللى عاوزه احول ليها دى داخل نطاق التوزيع الجغرافى لمحافظتى
وعلى كل حال متكشره مره اخرى للاهتمام والرد وجزاكم الله كل خير

لأ عادي بس احفظيها علي الجهاز و حافظي علي رقم الاستمارة كويس جدا

للاسف لازم تكتبى محافظتك الاول ولو مجموعك جابها هتدخليها الاول دى مشكلة التوزيع الجغرافى ولكن لكى مخرج ان اثناء فتح التحويلات بعد نتيجة المرحلة الاولى تكتبى التماس عكس تقليل الاغتراب وتكتبى اسباب رغبتك الخروج برة المحافظة وان شاء الله تقبلى

شكرا جدا يا استاذ كامل على اهتمام حضرتك
بس معلش كنت عايزه اعرف باب التحويلات هيفتح بعد المرحله الاولى من التنسيق ام بعد انتهاء جميع مراحل التنسيق ؟
وكنت عايزه اعرف فرصة انهم يقبلوا طلب تحويلى كبيره ولا ضعيفه ؟
وما هى اجراءات التحويل اللازم اتخاذها ؟
واسفه علشان تعبت حضرتك
وجزاكم الله كل الخير على الافاده

الاخوة الافاضل هل علشان احول لكلية لازم تكون موجودة في الرغبات المسجلة على النت ولا لا
يعني لو انا عايز اروح حقوق بني سويف مثلا وهي مش مسجلة في 48 رغبة اللي طبعت هل يمكن التحويل ؟ ارجو الافادة وشكرا