هو التنسيق نزل ؟؟؟؟
يعني الحكومه اقرته :039uw8: ؟؟

فعلا اختلاف الراي لا يفسد للود قضيه .,
بس يعني ايه طالب جاب 98 % ومايلحقش طب وانا الحمد لله فوق 93% وملحقش هندسه .,

طيب هنقول عادي ونصيب .,
بس فيه ناس غشت كتير وده بيثبته كتير من المدرسين .,
يبقى احنا ذنبا ايه ان في ناس غشت واخدت اماكنا .,
بمهنى انه لازم يكون فيه عدل .,
طبعا ربناهو العادل وهو اللي بيدي كل ذي حق حقه مش البشر بس اديها محاوله لكل اللي ذاكر انو يخش الكليه اللي عايزها طبعا في حدود المعقول زي ما ذكرت .

لا حول الله يا رب

حسبى الله ونعم الوكيل

لو سمحت ممكن اعرف اصلا ايه مطالب المظاهرات دى ؟! يعنى ايه الفكرة انا مش شايف ظلم ولا حاجة امتحنا عادى والنتيجة طلعت والتنسيق نزل وبيكون حسب سعة الكليات ومقدار الاقبال عليها وكل واحد يرضى بنصيبه واللى حاسس انه مظلوم يروح يكشف على الورق بتاعه مش يغير التنسيق ولو حد عنده وجهة نظر مختلفة (اخلاف الرأى لا يفسد للود قضية) !!!!!!


انت بتالف يااسمك اييه انت
التنسيق لسة منزلش اساسا وبعدين احنابجد مظلوميين ولازم نعبر عن نفسنا وهننزل مظاهرااات
وانت حر فى رايك
بس ياريت متءلفش هى مش نقصاك اساسا

اولا انا اسف انا مش قصدى ان التنسيق نزل انا قصدى ان كتابة التنسيق هى اللى نزلت وتوقعاته كمان ودى عندى.
- اما عن طريقتك فى الكلام هى اللى مش كويسة مش هادية كانك عاوزة تضربينى مثلا وده يدل على فراغ مش اكتر:006et4:

يا اخى الاخت متقصدش بس معلش فيه ناس كتيييييير مش مستحملة خالص اي حاجة وانا من الناس اللى مش عاجبهم التنسيق وحتى اللى جايب المجموع اللى بيتمناه برضو مش راضى ع التنسيق
فممكن يكون فيه ناس فهمت ان حضرتك عاجبك التنسيق ومعاه لمجرد انك ممكن تكون جبت المجموع اللى عايزه
وياريت يا جماعة نهدا ونستحمل بعض
واستعيذوا بالله من الشيطان الرجيم

هوضح الفكرة: ازاى يعنى ننزل التنسيق زى بتاع سنة الفراغ انت متخيل الاعداد المهولة اللى ممكن تدخل ساعتها كلية الطب والهندسة دى مهن حساسة محتاجة فئة معينة من الطلاب مش اى حد وخلاص . ثانيا لو حاسس ان فى ظلم روح اكشف على الورق يمكن يجيلك درجات مش تروح تطال بتغيير التنسيق للدرجة دى . ثالثا الطالب اللى بيغش ببلطجة ده لو قلنا انه هيعلى قوى عمره مهيعلى عن 90 فى المية يعنى عمره مهيأثر على تنسيق كليات القمة اللى هما بيعملو كده عشان يوصلولهاا . رابعا شيلوا من دماغكوا افتكاسة ان فى حاجة اسمها كليات القمة بقى كده الكليات التانية ممكن تضيع بسبب التفكير الساذج بتاعنا ده يعنى مش هيدخل علوم او اداب غير ناس معلش متوسطة او محبطة مش هتلاقى بعد كده علماء ولا ادباء والبلد يحصل فيها خلل يا ريت نراجع تفكيرنا ونشوف ايه اللى بنحبه بجد وايه اللى قدراتنا تكون مناسبة ليه ونختاره ونتوكل على ربنا ونبقى اساتذة فى الكليات دى كمان

كلامك جميل بس ما باليد حيلة هيعملوا ايه فى التنسيق مسالة التنسيق ده قانون عرض وطلب سعة واقبال مش اكتر يعنى اللى جايب او جايبه 96 وبتقول ازاى ملحقش صيدلة ده عشان مجموعها نسبيا (اى بالنسبة لغيرها ولسهولة الامتحانات) ما يجيبش صيدلة للاسف زائد كلنا مرينا بنفس ظروف زكى بيك ومرينا بالثورة وكل حاجة نسبة وتناسب (كلامى جميل انفع اخش ادارة اعمال كش كده ؟؟؟؟هههههه:p:p:p)

هو كل حااجة علمي و لااا ايه

ايه الاستفزااز ده

مفيش كلياات تاانية مثلا غير الطب اللي هيمووتوا عليها و الصيدلة و الهندسة

مفيش مثلا سيااسة و اقتصااد او اعلااام

ده حااجة تقرف

حتى في خبر جريدة الوفد مش جاايبين سيرة الادبي

زي ماا علمي هايتجننوا علشاان ينزل تنسيق طب احنا كماان هانتجنن علشاان ينزل تنسيق اقتصااد و سيااسة

اولا جزاك الله تعالى كل خير
بس على فكرة انا بنت مش ولد
ثانيا انا ماقلتش انى اتظلمت وعلى فكرة انا جايبة99.3يعنى باذن الله ببساطة ادخل طب لكن انا مش هادخلها
وبعدين انا مش باقول اننا ننزل التنسيق زى السنة اللى فاتت انا باقول ان الاعداد تزيد عشان نعوض اعداد طلاب سنة الفراغ ومش باقول كمان اننا مندخلش الا كليات القمة بس انا هاقول لحضرتك حاجة انا مثلا نفسي ادخل دار علوم كلية ادبية وبتاخد اقل المجاميع وده لانى بحب دراستها لكن اهلى نفسهم في صيدلة هل معنى كده عشان انا عايزة دار علوم يبقى احطم حلمهم
وبالمثل كل طالب في ثانوية عامة بيبقى نفسه اهله يفتخروا بيه معلش الحلم ده مش حرام

ثانيا انا مش مع المظاهرات بس هل معنى كده انى راضيه باللى حصل في اللجان او التصحيح انا مثلا مظلومة في درجات ومتاكده لكن انا متاكده انى مش هاخد ولا درجة لو عملت تظلم ومع ذلك دفعت فلوس وهاعمل تظلم مش عشان اخد درجات لانى مش محتاجاها لكن بس عشان انا مبحبش الظلم وعايزة اشوف هم ظالمينى في ايه
انا لا اعترض على حضرتك بس حبيت اوضح

احنا يا اخى/اختى مش بنتكلم عن العلمى بس
لكن كل واحد بيتكلم عن شعبته وهنا معظم اللى دخلوا كلهم علمى علوم او رياضة وبعدين ايه المشكلة ان حضرتك ادبي انا اهو علمى علوم ومع ذلك هاموووووت وادخل كليه ادبيه
وبعدين احنا قلنا التنسيق عموما ومقولناش طب وصيدلة بس كل واحد بيتكلم عن اللى بيشوفه
وبعدين اهدوا شوية انا حاسة ان معظم اللى في المنتدى على اعصابهم سيبوها على ربنا وربنا هيعطى كل واحد كل اللى بيتمناه باذن الله

ولا يهمك احنا مجرد بنتناقش المناقشة جميلة على الاقل احسن من الفراغ بتاع الاجازة اللى احنا عايشين فيه ده بس انا عاوز اوضح كام نقطة كده :
- اولا انتى بتقولى انه مش حرام ان كل واحد يحقق حلم اهله عشان يفتخروا بيه طب ليه ميفتخروش بيه وهو فى تجارة وبيطلع الاول كل سنة ليه ميفخروش بيه وهو فى حقوق ويتفوق فيها وينافس اساتذته كمان
ليه ميفتخروش بيه وهو فى علوم واتخرج منها بامتياز واتعين معيد ومسك طرف الخيط انه يبقى عالم كبير
للاسف ده تفكير اباءنا اللى زرعه فيهم النظام القديم وجه دورنا نتبنى تفكير جديد ايجابى وموضوعى مش مسالة منظرة وعواطف وبس احنا لازم نفكر بعقولنا قبل قلوبنا (اقوللك انا جايب 99.6 وناوى ادخل علوم وبكافح معاهم فى البيت عشان اغير تفكيرهم القديم بفكر جديد وربنا يوفقنا كلنا باذن الله)

^

هادخل في النص كدة

بسس بماا انك مجموع جميل فالأولى انك تآخد باللي يرضيك و يرضي أهلك في نفس الوقت

خد حااجة متوسطة احسسن ..

فعلاا اناا بقيت احس انه طب كل ححد في اي حتة عااوز يدخلهاا ..

حلوو قووي انك تبقى دفرنت و تغير و الأحلى انك تتفووق


ربناا يسهل عليناا كلناا