انا مقتنع بحاجة ممكن تكون صح او غلط

الغش عمره ميجيب مجموع الغش يحسن المجموع لكن ميجبش مجاميع عالية أبدا
أنا زمايلي في اللجنة غشوا شويه بس بدل ما واحد يجيب 75٪ جاب 85٪
يعني ملوش علاقة بكليات القمة

هما فعلا تانيه ثانوي بس فيه ناس في تالته برضوا وبعدين امتحانات السنه اللي فاتت ماكنش فيها غير الرياضه والاحياء بس اللي كان مستواهم صعب غير كده الباقي زي كل سنه ..........وبعدين انا دلوقتي انا بتكلم اني حارام يكون واحد جايب 97 % وميدخلش لا بشري ولا اسنان ولا صيدله وكمان حرام واحد يجيب 93 او 94 ويدخلش هندسه احنا مش بنطالب بان التنسيق ينزل 90% بس يكون في المتوسط زي كل سنه

وبعدين دفعه 2009 كانت امتحاناتهم سهله مش صعبه خالص وكان تنسيقهم عادي يعني زي كل سنه

المشكلة انكوا بتحرفوا الاحاديث علي مزاجكوا علي كده بقي ممكن ننزل هندسة ل 90 % و هو زنبه ايه اللي جاب كده و ميدخلش هندسة و انا شاعر بشعوركم لاني بعاني من نفس المشكلة لكن للاسف لازم نستحمل اللي عملته فينا وزارة التعليم السنة دي

و بالنسبة للثورة انا شايف انها بدأت تنحرف و هتقودنا لايام سوداء و كان اولها التنسيق اللي هنشوفه بسبب الغش و الجبن و البلطجة و عارف حد هيطلع يقولي انت فل و الكلام ده و انا و الله لو عليا اجيب حسني و شلة الفساد و كنت مش هقتلهم كنت فقعتلهم عينيهم بس علشان يشعروا بألم مصابي الثورة و اي بلطجي اعدام علي طول

عيب اوي لنك تتهم واحد بالباطل و انت مالك بيه؟؟؟؟؟.
مش معني انه جاب لحسن منك انه غشاش مش يمكن تعب اكتر و ذاكر اكتر

و لا انت عشان مش عجبك كلامه هتغلط في امانته و نزاهته

عموما كله حسابه علي الله و ربنا هيحكم بالعدل

اساسا الكلية بتبقي لحد6 و 8 بليل امينفعش يكملوا لانهم كده هيخلصوا 3 الصبح
عموما أنا اتمني الخير للكل بس لازم نكون منطقيين
و أنا بصراحة في رأيي ان الغش ميجبش مجموع كبير أبدا و أنا مشفتش حد من صحابي اللي غشنا عرف يجيب 90٪*

ممكن أوضح نقطة مهمة
دخول الكلية مش بالمجموع خالص علي فكره عشان كده أنا مببصش ده جايب97٪ و لا الكلام ده

الناس بتدخل الكليا بترتيبها علي الشعبة يعني مثلا عشان تدخل طب محتاج تبقي من ضمن احسن9000 علي شعبتك

مجموعك 95٪ او 99٪ مش فارقه المهم ان ترتيبك يبقي متقدم
ارتفاع المجاميع او انخفاضها ليبقي علي حسب سهولة او صعوبة الامتحان

عشان كده واحد جايب 97٪ السنادي عامل بالظبط زي واحد جاب 95٪ في 2009 عشان فرق الامتحانات

المفروض الكلام يبقي بالعكس
لأ
ما هي المشكلة ان مثلا لو واحد شاطر و في تكة في الامتحان و غشها ما هو كده يبقي خد حق مش حقه
و الكلام ده انا شفته فعلا و كان في ناس عندنا اكتر من 98 % و كانوا بيغشوا

لأ معلش لو علي البلوتوث يبقي البنات معلمين في الحكايو ربنا يخليلهم الحجاب النص كم

بص انا عايز اقولك حاجه انا لو غشيت ما كنتش كتبت الموضوع ده اقسم بالله انا مع احمد زكى بدر جبت96.8ولكن بقه مع الدكتور جمال جبت96.6رغم انى اقسم بالله ذاكرت فى ثالثه قد ثانيه مرتين المساله مساله مبدا وبعدين لو زودوا الاعداد مثلا يبقى انت هتدخل واللى غش هيدخل طب ايه الفايده بقه يبقى برضو رجعنا لمصالح شخصيه

الموضوع محترم . .
و انا محتار مع ولا ضد التظاهر
لو قلت مع يبقا انا ضد مصالح الدولة
و لو قلت لاء يبقا انا جايب مجموع و مستريح
مع العلم اني مش طايل ولا لاحق الكلية الي نفسي فيها

بس عندي امل و الي قدامي اكتر من 2000 واحد و هي مش بتاخد غير بتاع 300 واحد
بس عندي امل

على فكره انت لو شفت الردود هتلاقينى متبهدل جامد بس انا عايز اقول حاجه اقرا التعليق اللى قبل تعليقك وعايز اقسم لك بالله انى لو كنت جايب 94.3 ماكنت هأيد التظاهر ده طالما ان الاعداد كملت

هههههه حضرتك بتتكلم كلام مش منطقى احنا هانسيب الحل والورقة ونعد نمنع الغش ونتناقش فيه حضرتك اأنا عملى رياضة فروع الرياضة بيبقى الامتحان يدوب على الوقت نسيب الحل ونعد نمنع الغش ده غير ان ممكن حد يقولك وانت مالك خليك ف ورقتك وندخل ف خناقة بقى يبقى المغرب أذن لما نخلص