موضوعك جميل
وبالنسبه ليا انا اصلا كنت مخطوبه لواحد مؤهل متوسط وانا مؤهل عالي حاولت اتغاضي عن الموضوع ده بس بصراحه ماكنتش مرتاحه طول الوقت احساس صعب انك تحسي انك افضل منه الست في الغالب بتبقي عايزه تحس من الراجل بالشخصيه القويه يعني يكون هو المبادر في كل شيء انا بتكلم عن تجربتي بس ما اقدرش انكر ان في شباب مؤهلهم متوسط لكنهم دماغهم افضل من خريجي جامعات
المقياس في الموضوع من وجهة نظري هو القدره علي التفاهم والراحه النفسيه
واهم طاب بطلبه من ربنا في زوج المستقبل ان شاء الله الحنااااااااااااااااان

انا طبعا مش هقولك ان الموضوع ده مميز خالص
لان انتى بصراحه عودتينا على التميز فى اختيار مواضيعك وده العادى بتاع حضرتك ..بس بصراحه موضوعه فى قمه التميز
فعلا لو انتى مؤهل عال وجالك عريس فى سن معين ليكى مؤهل متوسط بس مستريحاله جدا وطيب وكويس ترضى بيه
ولا هتستنى وتقولى بكرة ربنا يكرمنى بالافضل؟
انا طبعا لسه بااااااااااادرى عليا ..بس لو هو مؤهله متوسط بس مستريحاله جدا وهو طيب وكويس ..ليه لا .سؤال : ياترى مؤهله ده هو اللى هيعيشنى ولا هو اللى هيحسسنى بالامان ولا هو اللى هيخلينى راضيا بالعيشه وحمدا ربنا ؟؟
هل هتضعى المؤهل حاجز امامك؟ ويكونلك مبدأ من الاول كده مش هاخد حد اقل منى فى المؤهل وتفضلى عليه عمرك كله
لا طبعا ..بس مش معنى كده انى متمناش انى اخد حد زى ..ده تمنى وارجو من الله سبحانه وتعالى يناولهولى ..بجد جزاكى الله خيرا ..وكل مواضيعك متفاعله وقويه.تقبلى مرورى

مشكورة للمرور يا ايه
ولابداء الرأى الجميل ده
وربنا يديكى اللى بتتمنيه يارب

اولا بجد موضوع رائع و مميز جداااا .. انا اولا داخل اولى كلية .. كلية تجارة خارجيه و كان قدامى علوم و انا مجموعى 90 % لكن فضلت التجارة مجالها اوسع و فرصها و دراستها اسهل .. المهم انا عندى حكاية بسيطه الخص بيها اللى عاوز اقوله انا كان ليا زميلة فى المدرسه من بالظبط سن الابتدائى لحد بالظبط 2 ثانوى كنا معجبين ببعض و كده فى اطار اخلاقى و احترام بينا .. و بعدين حصل مشاكل خلتنى انا ابعد الموضوع خالص ( احد اسباب اعجابها بيا اخلاقى و نجاااحى على طول و اعجاب الناس بشخصيتى المثاليه من صغرى خليتها تعجب بيا و هى كانت اقل منى دراسيا بكتير )
لحد ما انتهى الموضوع انها اجتهدت اكتر فى الثانوى و انا قلييييت جداا و هى ربنا كرمها و جابت 94 و انا 90 و دخلت كلية الهندسه
هل دلوقتى اقدر ارجع اقولها نرتبط او كلام زى ده حتى لو خلصنا الكلية و لسه فى اعجاب متبادل .. اعتقد مستحيييييل ان المهندسه ترتبط بيا انا مع انها نسبه و تناسب انا مجموعى كان يدخلنى علوم .. كان ساعتها تقول اه ده كلية كويسة و ارتبط ولا لما اجى اتجوز هقولهم معلش ده انا جبت 90 فى ثانوى يعنى شاطر زى بنتكم .. ولا هى بقت بالمقياس .. و المؤهل و لازم طبعا يا اشتغل معيد يا اشتغل فى مكان كبير = اد بتاع الهندسه 100 مره عشان اقدر ارتبط بيها مره تانى ..
انا اختى بردو دكتورة فى كلية الطب لازم ترتبط ب دكتور مينفعش اقل مع انها مثقفه جدااا .. بس المجتمع و تفكير الناس و الحاجات دى اجبرتنا اننا نقتنع بحاجات مخالفه للعقل تماما .. احنا مجتمع بيبص عل فلوس و الماديات و المؤهل .. انا تعبت جداااا من التفكير فى الموضوع ده .. و لو الولد مؤهل منيل و البنت دكتورة بس هو معاااه فلوس و ماديا مرتاح جداا هتوافق عليه !! لا حول ولا قوه الا بالله

ندورو و ندورورو و يبقى كل شيئ بالمكتوب
الله يحققلنا واش نتمنوا امين