والله يا استاذة كريمان انا قلت فى ناس عندها ظروف و دول ليهم الحق الكامل و انا معاهم انهم يدخلوا الامتحان
انا بتكلم على اللى فعلا موصلوش لدرجة النجاح ودخلوا الامتحان
دول ملهمش اى مبرر او اى حق فى الوصول للكليات زى الطب و الهندسة او كل ده ويبقالهم مكان فيها

وانا والله لو كنت اعرف كده كنت شلتلى كام مادة للدور التانى
وانا عايزة اقلكم حاجة صغيرة كان زمان فى نظام اسمه تحسين يعنى لو انت جايب 49.5 فى مادة تدخل الدور التانى و لو جبت 50 تاخدها
فا انا تماما ضد الكلام ده................لانه بجد مش منطقى ابدا

يا جماعة أى حد يرد عليا

عادى جدا .. انا ليا واحد صحبى مدخلش امتحانات الدور الاول لأنه تعب جامد
وقدم على طلب انه يدخل امتحانات الدور التانى وياخد الدرجه كااااامله

ومتوقع ان شاء الله انه يجيب فوق 95 ..

حضرتك لو الحقوق فاتحة مرحلة 3 هتدخليها ان شاء الله
كمان مجموعك جايبها

ان شا ءالله يجيبها

بس لو هو معاه حاجة تقول انه كان عيان او كده و معاه شهادة و لااااازم الوزير نفسه تقريبا يوافق على كده

على فكرة أنا أسمى سامح ،، المهم كلية الحقوق منزلتش مرحلة تالتة لأنها لو كانت نزلت مكنتش هسئل يا غالى بس أنا دلوقتى عاوز أعرف انا ممكن أخشها وهى منزلتش مرحلة تالتة يعنى مثلا أخش أى حاجة مثل ( خدمة أجتماعية _ تجارة مفتوح .... ألخ ) وبعدين أحول على حقوق أنتظام ( عادية يعنى ) ولا أية ولا مينفعش ،،
وشكرآ على ردك السابق وأتمنى ترد عليا تانى لو عندك الأجابة على سؤالى .

وانا بنت بردو............واحدة بواحدة :)

بس للاسف كلام حضرتك مينفعش :(

كدة نبقة خلصين ،،

طب أنتى متأكدة من كلامك ؟

انا الحقيقة اتصلت لحضرتك بناس صصحابى عشان اتاكد

فى ناس اكدتلى انه ممكن حضرتك تعمل كده

قالوا ان حضرتك ممكن تدخل اى حاجة اقل من حقوق معهد مثلا و بعدين تحول لكلية الحقوق نفسها طالما مجموع حضرتك جايبها و انك ممكن تحول فى اى وقت قبل الامتحانات وانا متاكدة من المعلومة دى
وفى ناس اكدتلىبردو الكلام ده

وفى ناس قالت لى لا ان ده مش ممكن
لان حضرتك لما هتحول لازم تستنى اول السنة الدراسية الجديدة اللى هى السنة الجاية و بعدين تقدم ورقك انك عايز تدخل حقوق

وهشوف لحضرتك بسرعة حد يقدر ياكد لى المعلومة دى هنا

بس أنا سئلت وقالوا ان الكليات بتفتح للناس الا كان عندهم مرحلة تانية لأن فية ناس دخلوا مرحلة تانية وهما فى الأساس جايبين 80 % و 90 % كمان فا مش معقول هيرموا الناس دى والخبر دة انا متأكد منة لأن كمان فية واحد عامل موضوع بالخبر دة ، بس الأ مش متأكد منة 100 % هل كل الكليات هتنزل وهيكون فية فرصة لكل الناس الا مجموعهم جايب كلية أنهم هيقدموا فيها ولا بعض الكليات والباقى لآ ؟

مش فاهمة حضرتك تقصد مرحلة تانية يعنى دور تانى؟

طيب حضرتك دخلت التنسيق الالكترونى من النت و لقيت فيه حقوق؟؟

بلاش بس حضرتك والكلام دة ، أنا أأقصد الدور التانى بيبقة فية ناس فى الدور التانى مجموعهم يدخلهم كلية صح وأنا معايا ناس مجموعهم فوق الــ 70 % والــ 80 % كمان هل معنى كدة أن هما مش هيخشوا كلية لآ هيخشوا والأ سمعتة بقة أن لما نتيجة الدور التانى تظهر هيفتحوا الكليات للناس الأ مجموعها جايب كلية عشان يدخلوها يعنى من غير ما يخش مثلا معهد ويرجع يحول تانى وكدة فيريت الكلام دة يطلع صح أو حتى الواحد يخش معهد وبعدين حقوق بس فى الأغلب هيفتحوا الكليات بس لما سئلت وعرفت كدة قولت طيب لية ما نزلتش فى المرحلة التالتة قالوا أن الناس الا بتقدم فى المرحلة التالتة دى زى ما تقول كدة ما ينفعش يخشوا كلية لأن مجموعهم تحت خالص تحت الــ 65 % الا هو كان الحد الأدنى للمرحلة التانية فا تقريبا بيعملوا مرحلة تانية للدور التانى غير المرحلة التالتة الا ظهرت دى وأتمنى يكون الكلام دة صح خصوصآ أنا سائل واحد شغال فى كلية الحقوق ,,
وأسف أنى طولت عليكى ،،

ايوة صح فى الدور التانى بيبقة فية ناس فى مجموعهم يدخلهم كلية و انا فاهمة قصد حضرتك وكلامك كله مظبوط والكليات بتفتح فعلا فى المرحلة التالتة

بس انا عايزة افهم حاجة حضرتك ناوى تدخل على معهد وتحول منه على حقوق؟؟
ولا هتخل حقوق على طول ؟؟؟

وفى الحالتيى بينفع بس انا مش عارفة كلام الناس اللى قالولى لازم تستنى للسنة الجديدة عشان تحول

والله أنا عاوز أخش على حقوق على طول بدل ما أروح معهد وأرجع أحول على حقوق ويمكن لما أخش معهد يشترط أن أقعد سنة فى المعهد وبعدين أحول حقوق وأجيبها من سنة أولى كلية تانى وحاجات غريبة بسمعها من الناس مش عارف صح ولا غلط ،،
ع العموم الا ربنا كتبة للواحد هو الا هيكون ،، ومعلشى تعبتك معاى ،،

لا والله مافسش تعب ولا حاجة بس هو كله فى الكلام المتضارب ده

هو بابايا مسافر اول ما هيرجع انهاردة ان شاء الله هسالهولك يمكن يعرف يفيدنى

بس حضرتك متستناش لازم تتصرف يا تقدم فى معهد وامك لله وتحول السنة الجاية او تشوف طريقة تدخل بيها حقوق
عشان متضعش عليك السنة