بوابة الثانوية العامة المصرية - كل مظاهرة و انتوا طيبين

يا جماعة الحكومة عايزاها بدون تعليم لانهم مش عايزين تعليم صح عايزينه تعليم من منازلهم مدارس مهجورة بدون طلبة تتخيلوا يوجد مدرسين امضوا اكثر من خمس سنوات بدون شرح حصة واحدة و لادفتر تحضير ولا حتى بيدخلوا الفصل
ميين السبب في ده كانوا الوزراء السابقين امثال وزير شيل سنة سادسة حط سنة سادسة والتاني بتاع الاطفال في اوروبا و الدول المتقدمة اللي المفروض يحققوا معاه هو الاخر في الفساد ده سبب لعنة التعليم في مصر
وبعدين كل وزير جاي ماسك على الكادر زي ما يكون بيدينا اللي ما حدش خدوا يا جماعة دي مرتباتنا تفضح و الله العظيم ده الشباب الصغير انهاردة بيشتغل في القطاه الخاص بضعف مرتب مدرس بيشتغل بقاله 20 سنة
ويقولك ثورة والبلد كل اللي جد علينا من الثورة ان احنا بقينا نطلع نقول كل اللي نفسنا فيه بس مشكلتنا ان احنا نعشق الكلام و الثرثرة محدش فكر بناء هذه البلد الخربانة يبدأ من عند اللي داسوا عليه وخدوا حقه اللي هو المعلم
وبعدين لازم نفكر صح و نتجمع على كلمة واحدة و ده مش حيحصل من غير نقابة حرة نزيهة