بوابة الثانوية العامة المصرية - رايحه على فين يا محروسه.....؟!

اقتباس:

المشاركة الأصلية كتبت بواسطة eve deen (المشاركة 3928847)

اولا/ شكرا على الموضوع ..

ثانيا / انا لو مكانك ساعتها كنت اشتريته من غير ماافكر في الموضوع كتير ..ليه ؟

علشان كل انسان في الظروف دي لازم يكون معاه وسيلة دفاع عن النفس, فيه ناس بتتعلم فنون قتالية( زي الكاراتيه والكونغ فو ) علشان تقدر تدافع عن نفسها في اي موقف صعب وتقدر تدافع عن نفسها لو حصلها اي نوع من انواع الاعتداء..

,وفيه ناس مش بتكون متعلمة وسيلة للدفاع عن النفس ف بتضطر انها تشتري حاجة زي دي كده..

وايه اللى يوصلنا لكده بس؟!
لما كل واحد يبقا معاه مسدس ولا صاعق:cool:
عشان يحمى نفسه;)
تفتكرى تبقا دى عيشه:bosyht9:
دى مصر طول عمرها بلد الامن والآمان
ده ربنا بيقول بسم الله الرحمن الرحيم
ادخلوا مصر ان شاء الله آمنين

ده مش اسمه تسيب او اسائة استخدام للحرية حضرتك ..دي حاجة عادية جدا جدا

بس اعذرينى ده فى نظرى منتهى الاهمال والتسيب:)

بعدين انا عايزة اسال حضرتك سؤالين وياريت تجاوبيني بصراحة
اول سؤال : "تخيلي حضرتك معايا انك اضطريتي في يوم تخرجي لوحدك وتيجي لوحدك وحد اتعرضلك (سواء كان بتحرش ,اعتدء
او خطف مثلا ) "بعد الشر عنك يعني "مش ساعتها هتتمني انه يكون معاكي حاجة تحميكي زي الصاعق ده ..او هتتمني انه الزمن يرجع بيكي علشان لو اتكرر الموقف ده قدامك هتدخلي في الزحمة برده علشان تشتريه زي الناس اللي شفتيهم واتغظتي منهم دول ؟؟!!!!!

اولا بعد الشر عننا كلنا يارب
ربنا يحميكى ويحمينى ويحمى بنات المسلمين جميعا
قولى آمين:)
ثانيا انا اتغظت من الزحمه مش من الناس عشان كان نفسى اعرف
ايه اللى الراجل بيبيعه فضول بقا:d
ثالثا وده الاهم ايه اللى يضمنلى ان مش معظم اللى كانوا بيشتروا
البتاع ده بلطجيه اصلا
اقطع دراعى ان مكنش نصهم بلطجيه
يعنى وسيله الحمايه اللى بتتكلمى عنها بقت وسيله بتهددنى
مش بتحمينى;)
اقصد يعنى ان فى ناس كتير بتشتريه وتسئ اسخدامه
يبقا بلاش منه ولا ايه:d

تاني سؤال :حضرتك بتقولي انه على حد علمك لازم يمنعوا حاجة زي دي انها تدخل البلد..طيب انتي مش شايفة انه الكلام ده ممكن يحصل لما يكون البلدفيها امان اصلا ..ولما يكون واحد ماشي في الشارع و ماتلاقيش واحد جاي يتهجم عليه علشان ياخد ساعته او فلوسه..او لما تكون واحدة ماشية في الشارع و ماتلاقيش واحد جاي برده يتهجم عليهافي عز النهار وقدام الناس بس المرة دي علشان "يغتصبها",انتي لو كنتي مكان الاشخاص دول هتعملي ايه ؟؟

نقول الحمدلله
احنا احسن من ناس كتير فى مسأله الآمان دى
وبعدين هوه عشان مفيش آمان
ازود البله طين
على رأى الاخ القائد:d
هنمشى نقتل فى بعضنا:excl:

اما بالنسة لحكاية الثورة دي فاحنا لما عملنا الثورة وشلنا مبارك بفضل ربنا فاحنا كده قطعنا راس الافعى لكن لسه الذيل بتاعها بيتحرك وبقوة كمان ده كان بيتغذى بقالوا 30 سنة ..واحنا بنقول بعد 9 شهور او اقل شوية انه الثورة مش عملت حاجة والحكومة الجديدة زي قلتها !!!!! ...حرام يعني ياجماعة والله العظيم ده حتى ربنا عرفوه بالعقل..

انا معبتش فى الحكومه الجديده
بالعكس ربنا يعينهم المسأله مش سهله بردو
بس اللى اقصده انى لسه مشوقتش نقطه ايجابيه من بعد الثوره
اللى شايفاه ان كل واحد مش عجبه حاجه
بيروح الميدان وده مش حل
الناس معندهاش صبر
ولاعايزه تدى فرصه للأمن يشوف شغله
ولا للحكومه انها تمشى حالها فى الفتره الانتقاليه دى:excl:

واحنا لو عايزين ناخد حقوقنا بجد ..يبقى لازم نعرف واجباتنا الاول ونخلص فيها ويتقن كل واحد فينا عمله كويس قوي .. وبعد كده نطالب بحقوقنا ولو محدش نفذهالنا ساعتها يبقى لينا الحق اننا نعمل مظاهرات واضرابات ونخسر البلد ونوقعها اكتر ماهي واقعة وخسرانة ..

وعشان كده انا بقول كل واحد يبدأ بنفسه
واحنا هنبقا احسن
وهنتغير:)

ومعلش لو كنت رديت عليكي بعنف شوية بس ده رأيي بصراحة اللي هو مخالف لأريك تماما ..واتمنى انك تتقبليه

لأ بالعكس مرورك اسعدنى جدا
وفى الاول وفى الآخر
اختلاف الراى لا يفسد للود قضيه:d

وشكرا على الموضوع مرة تاني وربنا يحفظك ويحميكي , قولي امين :) ..

الشكر لله
آمين يارب العالمين
شكرا لمرورك ياقمر:)