مبارك عليكي النقاب يا" حارسة"
و انا بفكر اني انتقب و ربنا يوفقني و يوفقكوا لما يحب و يرضي

الله يبارك فيكي اختي وحبيبتي في الله وعقبالك

الله يبارك فيكي حبيبتي في الله وباذن الله هتحصلوني قريب وكل واحدة فيكم هتكتب قصتها مع النقاب

الله يبارك فيكي حبيبتي ولما لا باذن الله انتظر منك رسالة ترسلي لي فيها ايه المانع عندك لعلي اكون سبب في مساعدتك

بسم الله الرحمن الرحيم

اعتذر لكم عن التأخيييييييييير الشديد في كتابة قصتي مع النقاب لكن اعذروني بدخل سريعا واخرج المهم ندخل في الموضوع

هذه الحلقة من حكايتي مع النقاب هدية ليكم عامة وللاخت كيمو5 خاصة لان كان لها موضوع بخصوصو الحجاب فلعل حلقة اليوم تفيدها
"كانت البداية مع النقاب في الثانوية العامة في السنة الاولي كان فيه اخت واحدة بس منتقبة وده لان والدها شيخ ووالدتها منتقبة كان نفسي ابقى زيها لكن في الوقت ده والزمن ده كان صعب جدا اطلب طلب زي ده عندنا في البيت المهم لبست الخمار انا كنت لبسته قبل ذلك وخلعته بسبب حاجات في المدرسة المهم انا قولت لصحباتي انا على فكرة هلبس الخمار قالوا هتلبسيه وتبقي لوحدك قلتلهم اه قالوا مش مصدقين قلتلهم طيب يوم السبت هتلاقوني لابساه وفعلا لبسته بفضل الله وكنت الوحيدة في منطقتي البت اللي لابسه خمار المهم قعدوا يتريقوا عليا كتيييييير لكن وقتها انا قلت انا اهم حاجة ربنا ووقتها كان فيه انتفاضة فلسطين ومقتل الشيخ احمد يا سين رحمه الله طبعا انا قلت الناس دي بتدفع لربنا وبتشتري الجنة وانا بعمل ايه فبفضل الله ثبت على الخمار لغاية اولي كلية .في اولي كليه انا رحت اول اسبوعين بالخمار وبعدين لقيت ناس اككبر مني لابسين الاسدال والملحفة فقلت اشمعنى دول وهما ليه كده انا اخويا ساعدني وقالي المنتقبات حاولي تقربي من صاحبات الدين وفعلا كنت بقرب منهم حتى لو هما مش بدأوا معايا الكلام لاني قلت انا عايزة اوصل لربنا انا اللي هروح اكلمهم وتصاحبت على ناس كتيييييير منهم المهم بدأت التزامي مع رفيقة دربي هي كانت في كلية طب وانا في كلية تانية طبعا قصة صداقتنا كانت غريبة بعدين نقولها المهم لبسنا الاسدال معا وكنت الوحيدة في القسم بتاعي المسدلة وكنت معروفة لان الوحيدة اللي لبسي كده فكنت مميزة اخدت انتقادات كثييييييييييرة من منطقة سكني ومن الكلية والكل انتظر اني اخلع الاسدال لكن بفضل الله ثبتي الله
المهم لما لبست الاسدال في اولى كليه كان نفسي في النقاب قالوا لي في البيت لما تيبي تقدير في الكلية الاول لما حصلت على تقدير عمري ما تخيلته رفضوا برده وقالوا لسه شوية المهم كنت اغضب ولا جدوى كنت اقعد انظر للمنتقبات افرح بيهم واتحسر على حالي اشمعنى هما انا اكيد فيه حاجة غلط وبعدين في سنة تالتة قلت انا عايزة النقاب ومش هخرج من بيتنا الا بيه ابي ربنا يرضى عنه كان حلف على امي يمين اني مش البسه فاضطريت للخروج في سنة رابعة كنت بقيت مشهورة في الدعوة بين اصحابي لدرجة ان فيه اصحاب لي لبسوه وانا لا وكل ما اسأل حد يقول لي من صدق الله صدقه الله فقلت العيب في المهم انا قلت في سنة رابعة جلست في البيت شهر ونصف وقلت لاصحابي اما النقاب او موتي مش هاجي الكلية تاني فطبعا كانت صاعقة البنت فاضل لها سنة وهتقعد ازاي كانت امي تبكي لحالي وابي مصر على رايه والجيران وكل الناس تيجي وانا مش بخر من بيتنا ولا حتى البكلونة وكل ما حد يكلمني اعيط واقول ازاي اكشف وشي ادام ناس غير محارمي انا مش تجارة انا مش للبيع انا مش اي حد يشوفني ربنا كرمني ازاي اهين نفسي المهم والدي توعد وتوعد وفي النهاية خرجت للجامعه لان ابي رضي الله ورحمه كان حلف تاني برده المهم خرجت للكلية وانهيت الدراسة وبعدين عملت في مشاريع وحاجات واشتغلت في شركة سعودية ما فيها اي اختلاط اللهم بارك لكن برده كان صديقتي منتقبة حسيت بنقص وسمعت فتوى الشيخ ابي اسحاق في عمل المرأة فقلت وقرن في بيوتكن وبعد سنة جاء هذا الرمضان سبحان الله كنت نظمت دروس ومجموعه بنات وكل بنت كانت بتقول رس في مسجد المهم كلمت ناس عن النقاب لقيت اللهم بارك منهم اللي اختمرت ومنهم اللي انتقبت وجيت في اخر عشرة ايام قلت لهم درس عن كل واحد فينا طلع بايه من رمضان السنة دي ها انتي طلعتي بخمار وانتي طلعتي بنقاب وانتي وانتي المهم الناس اتأثروا وانا كنت ببكي لاني قلت لنفسي انتي الجسر اللي الناس هتعبر بيه الناس للجنة وسيلقى بيه في النار المهم اعتكفت اخر 5 ايام في بيتنا وكانت اجمل ايااااااااام .....انتظروني ان شاء الله ان قدر الله في العمر بقية سأكمل لكم

ألف مبروك على لبس النقاب وربنا ينور طريقك ويسدد خطاك في سبيل نصرة الإسلام ورفعة الامة
اللهم يا مقلب القلوب ثبت قلوبنا على دينك
وربنا يرزقنا لبس النقاب إن شاء الله ويهدينا ويهدي المسلمين والمسلمات أجمعين
اللهم آمين


http://mostshark.net/upload//uploads...2d3981ad2d.gif

ربنا يثبتك ويهدينا اللهم امين

مبارك عليكي النقاب
وادعيلى اني البسه

مبااارك عليك اختى
وان شاء الله البسه انا كمان

اللهم امين واياكم اختي الحبيبة

وفيكم بارك وجزاكم الله خيرا على الورود :)


الله يبارك فيكي ربنا يرزقكك اياه عاجل غير اجل لكن حبيبتي انتي ايه السبب عندك في التأخير :(

الله يبارك فيكي حبيبتي وربنا يرزقكك اياه عاجل غير اجل لكن برده ايه السبب في التأخير :(

************************************

شوفوا حبيباتي في الله انا لما كتبت الموضوع ده كتبته علشان كل حبيباتي واخواتي يتشجعوا ويلبسوه لعل يكون فيه فايدة منه ولو لم يكن فيه فايدة فاي اخت عندها مشكلة في الحجاب تكلمني والله هسعد بذلك كثيييييييييييييييييييييير لاني بحبكم واتمنى تكوني بتحبوني برده وتشاركوني في مشكلة الحجاب لديكم
علشان كده هستنى مشكلاتكم وممكن ترسلوا لي على الخاص عااااااااااادي جدا يمكن نوصل لحل وان شاء الله ما دمنا نستعين باللخ وبنحاول يبقى ان شاء الله خير

اللهم امييين

بارك الله فيكى وثبتك بس ممكن اطلب منك طلب يا ريت تكبرى خطك المرة الجاية لحسن انا جالى حول ههههههههه

وفيكم بارك يا غالية .........كده الخط كويس ؟؟؟؟؟؟؟

اللهم بارك ........جزاكم الله خيرا ونحن في الخدمة حبيبتي

اللهم امين واياكم