|
موضوع رائع جدا يا محمد
بجد تسلم ايدك وارجوك براحه شويه على الشباب عشان هيموتو فى ايدك واحده واحده عليهم عشان هما مش وخدين انهم يتحطو تحت مسئوليه نهائى والله الواحد لو جه يبص على حياته هيلقيها كلها غلط فى غلط بس هنقول فى اخر بكرة تتصلح يلا ربنا معانا وجزاك الله خيرا وتسلم ايدك وخلينا بقى نفوق من اللى احنا فيه.......... |
اقتباس:
طول ما إحنا عايشين حياه الإستهتار دى محدش حاسس بالمسؤليه نهائى |
يا نهـــــــــــــــار ايه المواضيع الجامده دى بجد موضوع جامد والردود كمان والله يا محمد كتير مننا بيحط الشباب فى قفص الاتهام بس مش المفروض انهم يتحطوا لوحدهم زى مانت قولت فى اسباب تانيه هى اللى ولدت تفاهة الشباب "ولو انى معترضه على كلمة تفاهه دى اصلا" يعنى عندك مثلا الاباء والامهات يقولوا لولادهم امشوا جمب الحيط زى ما المرشد قال ولو صادفت وكان فى ناس بتشجع ولادها تلاقى الظروف صدته ولو الظروف كويسه طبعا الحكومه هتقوم بدورها والله انا مابقتش عارفه احنا اللى صح ولا الحكومه اللى صح ولا اهلنا اللى صح؟؟ بس اللى انا متأكده منه ان الحكومه كل حاجه بتعملها بتبقى ف مصلحتنا ...:D |
اقتباس:
إحنا يا اللى تخلينا عن الإراده فيه إحنا من العالم الواسع ده إحنا عباره عن شويه ريبوتات بتتحكم فيها الأسره والحكومه يمين يمين شمال شمال صح خطأ ملناش حق الكلام كممونا وعقدونا وربونا على الجبن والتفاهه وبعد كده طلبو مننا نكون أمل الأمه إزا وإحنا تافهيين من الأول عمرنا ما إتعملنا حاجه صح حت التعليم الطالب بيتعمل عشان ينجح فى الامتحان وبعد الامتحان بينسى هو كان بيدرس ايه |
ربنا يستر والله على الايام اللى جاية
الشباب الايام دى مبقاش على طبيعته كله شغال اما نانسى واما روبي الله يخرب بيتهم ويخرب بيت اللى دمروا الشباب والله انا بستحقر اى شاب مش همه اى مسئولية ولا دعوة للدين جزاك الله كل خير ولعل الايام تجرى ونلاقى ناس كتير رجعت تانى لربنا وتمسكت بدينها |
اقتباس:
بس لازم نعرف كويس إن الله لا يغير ما بقوم حتى يغيرو ما بأنفسهم وليت كل شىء بالتمنى |
بصراحة الموضوع جميل
بس ليه احنا بنرمي كل شيء ع الاب والام وليه برضوا ع الحكومة انا طبعا معاكم ان كلهم ليه بصمة ف الفشل الزريع دا لكن برضوا احنا كمان لما كبرنا وعرفنا وتعلمنا كان لازم يبقي لينا فكرنا ونتعلم من اخطاءنا ونربي اولادنا بالطريق اللي بجد عشان نقدر نقول لا باعلي صوت يمكن ناس كثير اتعلمت ع الضعف والمشي جنب الحيطه لكن لما عرفت وتعلمت وقرأت استفاده كثير اكيد كانت بتواجعه مشاكل ف الاول لكن برده هتوصل وافرض ان الام والاب كانوا مش متعلمون واحنا اتعلمنا ليه كل واحد مش يبني شخصيه ع اساس التعليم اللي اتعلمه ع اساس فكره ف حاجات كثير وبعدين زي ما انت قلت ان الله لا يغير ما بقوم حتي يغيروا ما بانفسهم يعني احنا الجيل اللي بجد لازم نكون عندنا فكر ودرايه مش عشان كل واحد ابوه شاعر يبقي هيبقي زيه لا احنا بس اللي بادينا بتغير نفسا اكيد برضوا التربيه فيها عامل كبير بس برضوا مش بيبقي عليها كل شيء احنا لازم نفكر صح ونخطط صح بدل احنا عرفنا الصح من الغلط يعني يعرف يفرق بقي ع كده بقي كل واحد يدور ع ام واب عشان امه وابوه مش علموه يبقي شخصيه قويه دا رأي سوري ع الاطالة |
أولا الموضوع روعه يا حماده ثانيا كل أب و أم يبذلو قصار جهدهم لكى يجعل أولادهم اسعد الناس ويربوهم أحسن تربية مفيش أب ولا أم تحب تشوف حد احسن من إبنها بس بقا العيب فى الرغبة فى اللى بيحب يتعلم من أخطاؤه وفى اللى بيحب ارتكاب الأخطا متعة ولهو فى اللى عاوز يبقا راجل وفى اللى يقول انا بابا وماما هيجوزونى ويشغلونى واما اكبر شويه هيجبولى العربية أخر موديل والموبايل احسن وأحدث إصدار اما السبب الثانى احنا خدناه فى علم النفس الأب والأم يلزم ان يتركو لأبنائهم فرصة للإعتماد على النفس مش يقولو ابنى يبهدل ليه انا هعمل وهسوى فى الآخر شكرااا على الموضوع الجامد ده يا محمد |
تنشيط :d |
اقتباس:
|
صدقت يا أخى وماأكثرهم حولنا
اللهم اهدنا جميعا |
موضوع رائع و فعلا وصفك صحيح مليون بالمائة مشكور اخى محمد
|
| جميع الأوقات بتوقيت GMT +2. الساعة الآن 01:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.