اقسم بالله انت اشجع منى كنت من زمان والله عايزه اقولكم الكلام ده بس للاسف خفت من تعليقات بعض الناس اللى بيقولوا انتوا تبع الوزير لكن والله انا كل همى البلد وخايفه من اللى جاى وانا معاك فى الراي وبجد الله يكرمك

قال النبي - صلى الله عليه وسلم - :

سيأتي على الناس سنوات خداعات

يصدق فيها الكاذب

ويكذب فيها الصادق

ويؤتمن فيها الخائن

ويخون فيها الأمين

وينطق فيها الرويبضة

قيل‌:‌ وما الرويبضة ‌؟‌

قال‌:‌ الرجل التافه يتكلم في أمر العامة .‌

رواه الإمام أحمد وابن ماجة والحاكم وصححه الألباني (3650) في صحيح الجامع

نعلم جميعا ان لنا حقوق سلبت من سنين ولكن ليس هذا وقت المطالبه بها وان كان يؤخذ على الحكومة و المجلس العسكرى انة لا يسمع الا اصحاب الاصوات العالية

اللهم احمى مصر واجعلها بلد الامن والامان

ربنا يحمى مصر من كل شر
واذا كنا يا جماعة صبرنا كل السنين اللى فاتت دى فلازم نصبر الايام الجايه لحد ما نستقر وان شاء الله ربنا هينصر المعلمين بدون مظاهرات ويلا غيرة وياتى رئيس جمهوريه ينصفنا ، وكفايه الاضراب بتاع النهاردة اكيد وصل لكل المسئولين اللى احنا عايزينه ،
انا طبعا كنت مع المظاهرات لكن دلوقتى خلاص ياجماعه كفايه على البد اللى هيه فيه
والله الموفق

ما تحسَّر أهل الجنة على شيء كما تحسروا على ساعة لم يذكروا فيها اسم الله

الله ينور عليكى يا aleman وربنا يباركلك فى كل شىء تذكرينا فية بالجنة والتقرب الى الله و اتمنى منك المزيد

انا مش داخل المدرسة تانى الا لما اتغير من مدرس مساعد لمدير المدرسة هههههههههههههههههههه

باى حق تحذف مشاركتى؟ هو انا لازم اؤيد كلام سيادتك لا انا ضدك ومع الاعتصام والاضراب للاخر مفيش حاجة اسمها ظروف البلد البلد مش هيتصلح حالها الا لما كل فرد ياخذ حقه فيها احنا صبرنا سنين و مفيش امل ثم انى حال البلد مش هيتصلح الا بعد سنين لا يعارض الاضراب الان الا اصحاب المصالح الخاصة حيتان الدروس الخصوصية الا عايزين الدني تهدى عشان ميتفتحش عليهم فتحة ومش بصسن لزميلهم مش لاقى ياكل ما تنساش تحذف المشاركة يا طعيمة باشا ثم مش غريبة تبقى كل الاراء مؤيدة لك ولا انت بتحذف المعارض بس

واضح انك يا أستاذ محمد مش عايش فى البلد دى جمعة تصحيح المسار هى لتذكير المجلس العسكرى بأهداف الثورة اللى ولا مطلب منها اتنفذ أما مظاهرات المعلمين هى حق مكفول فى أى وقت وزمان وهو مطلب مهم وهى تحقيق العدالة الاجتماعية وبعدين متهيقلى ان المظاهرة كانت سلمية وحضارية ولا حضرتك شايف حاجة غير كدة

الله ينور عليك ايوة كدة أمال فين الديمقراطية:av4056bb7jp3:

هل تعرفين يا أستاذة شيرين ماهية الديمقراطية؟
الديمقراطية ضحكوا عليكم بأنها = الحرية.
لكن الديمقراطية في الأساس هي حكم الشعب للشعب وهذا مناف للإسلام!!
لأن الله عز وجل يقول: " إن الحكم إلا لله".
لكن للأسف شيوخ الرموز تركوا ثوابتهم وأباحوا لكم المظاهرات والاعتصامات والإضرابات التي تقرها الديمقراطية لكن الإسلام لا يعرف هذه الأشياء.

لو كان في المظاهرات خيراً لسبقنا إليها رسول الله صلى الله عليه وسلم!!
أليس كان في مقدوره أن يجمع الصحابة ويخرج بهم في مظاهرة؟!!
لكن لما لم يفعل ذلك الرسول صلى الله عليه وسلم عُلم أن ترك ذلك هو السنة وفعله هو البدعة.
إنهم يبيحون المظاهرات بدعوى أنها من باب الأمر بالمعروف والنهي عن المنكر وكذبوا والله على الله وعلى رسوله وعلى أنفسهم وعلينا.

لكن مَن ينطق باسم الدين الصحيح الآن؟!!
فلا نامت أعين الجبناء.

بعد احترامى ليك يا استاذ انا مش مع حضرتك لان زمايلنا واخواتنا اللى سافروه ابتداء من اسوان للقاهره وسابوه منازلهم واولادهم ليطالبوه بحقنا وحقهم ماينفعش نقولهم الاحساس نعمه دلوقت بعد ماراحوا يطالبوه بحقوقنا دى بدال مانشكرهم نقولهم الاحساس نعمه ونحبطهم ماقولتش االكلام ده من الاول ليه ثم حضرتك المفروض تكون معاهم وتطالب بحقك وانا مع الاضراب من اجل تحقيق العداله الاجتماعيه ومن اجل حياه كريمه ودى ابسط حقوقنا احنا بنطالب بحقوقنا ووطنين جدا ونفدى مصر بدمنا ودى مش شعارات لاء دى حقيقه ولو فى تطوع المعلمين اول من يتطوعوه وانا بنت ولو فى تطوع ليا كنت اتطوعت فابلاش نخلط الامور ببعضا الوطنيه شى والمطالبه بحقوقنا شى تانى يعنى يعجب واحد بياخذ 376 ويعول اسره مكونه من طفلين يعمل بيهم ايه يدفع ايجار ولا يفع فاتوره كهرباء ولا فاتوره مياه ولا ياكل بيها اطفاله ولا يدفع مواصلات قولى حضرنك يعمل بيهم ايه يعمل اضراب ويطالب بابسط حقوقه يعيش حياه كريمه وبسيطه هو واسرته ولا يسكت على حقه ومايعيش ؟ انا مابتكلمش عن نفسى انا بتكلم عن ناس نفسها تعيش حياه كريمه واخيرا مش هاينصلح حال البلد الا اذا كل فرد اخد حقوقه كامله