|
ياجماعه نفسي نرجع بذاكرتنا ورا ونبص الحاجه كان فيها بركه إزاي لما أسره 7أو8أفراد تاخد أمهم جنيه وتنزل السوق تشتري لحمه وخضار وووووووو.. وترجع بباقي الجنيه وياكلو ويشبعو دلوقتي الجنيه يجيب لك حتت مصاصايه والبركه دلوقتي كمان راحت مصر فيها ثروات متعدهاش لتتعب منها قناة السويس والسد العالي والبترول والغاز الطبيعي والنايل سات وتوشكى والزراعه اللي خيبنا ورجعنا وره حكومتنا اللي اللي خلت مصر أرخص حاجه فيها البني آدم إذا مكنش ببلاش والسرقه ثم السرقه ثم السرقه
|
لو الشعب بيقول لا مش هيحصل كل ده
لكن المثل بيقول يا فرعون ايه فرعنك قال ملقتش حد يلمني الجمله دي قالها طلعت السادات في برنامج القاهرة اليوم علي الهوا وبعدها اتحبس يا جماعه زمان لما اللحمة غليت بقت بجنيه الناس عملت ثورة وقالت احيه احيه كيلو اللحمه بقي بجنيه ورجع تاني سعرها زي مكان ولو مش عارفين اسألو الناس الكبيرة وهي تقولكو |
.............
اقتباس:
جزاكم الله كل الخير اقتباس:
يرحم زمان وليالي زمان جزاكم الله كل الخير اقتباس:
جزاك الله كل الخير هو ده اللي انا بدور عليله لما واحد بيتكلم الباقي بيقول انا مالي فلذلك الواحد بيعتقلوه انما لو الكل اتكلم الحال هيتغير الحال هيتغير ارحموا مصر ارحموامصر ارحموا مصر الحلو يعود |
بص يا كيمو يا حبيب قلبي ...هدي نفسك كدة وبراحة ...اولا لو فضلت تعد المهازل الي في مصر هايكون آخرك الخانكة من الآخر...اما بالنسبة للحاجة الاساسية وهي ارتفاع الاسعار ... بص يا حبي ... ماشاء الله في ناس في مصر بياكلوا اللحمة 21 مرة في الاسبوع او بمعنى اصح في ال3 وجبات يوميا ... وناس اصلا بتاكل اللحمة كل كام سنة مرة وناس بتموت من غير ما تدوقها.... ننتقل الى مرحلة اخرى وهو الانتحار المصري اليومي (رغيف السم الي بناكله )ماشاء الله العيش ماليان فيتامينات ... مسامير تلاقي .. قش تلاقي.... دبان تلاقي.. فيه كل حاجة والمشكلة انه كمان غلا يعني..... ننتقل الى مرحلة اخرى... الامراض..خلاص يا حبي احنا جتتنا نحست من الحاجات دي... دا بيحرقوا الزبالة قدام المدارس والمستشفيات ... ويكتبولك على علبة السجاير ضار بالصح ..بالذمة مش دي قمة السذاجة ... والمواطن الي بياخد 300 جنية في الشهر...تيجي تعترض ..يقولولك هو الي غلطان بيخلف كتير ليه ..وليه يخلف من اصله.... حضرتك الناس الرؤساء بياكلوا الاستاكوزا والجامبري و الشعب ياكل فضلات الحيوانات(آسف عاللفظ ) .. واحنا عاوزين نعمل حاجة ومستنين البيه سوسو لما يفكر فينا ...... ويفتكر ان البلد دي مسئوليته اولا ....
|
شكرا ليك
بجد عندك حق |
لا
ازاي تقول احنا مش بنعمل ثوره احنا بنعمل اعظم ثوره في تاريخ مصر ((ثوره السكوت)) كله بيرهان مش عنده صبر اكتر علي السكوت واننا نشوف حياتنا بتموت وبردو نسكت السكوت والصمت بقي طبيعه الشعب المصري حتي في كل حاجه حتي في اعظم حاجه اننا نسكت والناس عماله تتكلم علي الرسول واحنا بنتفرج لا برفو علينا اننا بنتفرج |
اقتباس:
|
جزاكم الله كل الخير علي المرور
انا فعلا والله زهقت خلااااااااااص اتخنقت هنتحرك ايمته مش عارف |
ها الناس بدأت تتحرك
ادخل علي الرابط واقرأ الخبر http://www.thanwya.com/vb/showthread...467#post376467 |
احنا كطلاب منقدرش نعمل حاجة
ربنا يستر ويهدى المعندهمش ذمة!! |
اقتباس:
وكفايه انك توعي الناس ربنا يهدي يارب جزاك الله كل الخير علي المرور |
بصو يا جماعة احنا ممكن نعمل الموضوع ده كاقتراحات لحاجات ممكن نعملها نقدر نحقق بيها حاجة من اللى احنا عاوزينها لان كده احنا مش بنعمل حاجة غير اننا نتعقد
|
اقتباس:
ممممممممممممممممم فكره جميله جدا وننتظر القسم الجديد الذي سيكون خاص بمشاكل واخبار وقضايا مصر ان شاء الله جزاكم الله كل الخير |
ليه نعمل لمصر قسم لمشاكلها و قضاياها
مصر جزء من الوطن العربى و في قسم لقضايا الوطن العربى بعدين ع فكرة فى قضايا مصرية كتير مشتركة بين الدول العربية |
اقتباس:
|
| جميع الأوقات بتوقيت GMT +2. الساعة الآن 06:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.