|
وجدت ايضا موضوعات بالمنتدى تطالب المدرسين بالا يعطوا دروس خصوصية للطلبة وان يتقوا الله وكلام كده
معلش انا لست مع هذا الرأى رغم انى اقسم بالله ما بدى اى نوع من انواع الدروس الخصوصية فى مادتى او اى مادة اخرى سواء من داخل او خارج المدرسة لكن بجد فى ظل الغلاء المعيشى الان الدروس بجد مصدر رزق مهم جدا للمعلمين اللى محتاجين فعلا ويعولوا افراد كثيرين الحل بقى من وجهة نظرى عدم اجبار التلاميذ على الدروس اللى عاوز درس مافى مانع المدرس يديله ويتقى الله فى الشرح له مش مجرد انه عشان بياخد درس عند المدرس الفلانى يبقى هينجح وللاسف بيطلعولنا الطلبة رابعة وخامسة وسادسة لايعرفوا يكتبوا حتى وللعلم الدروس الخصوصية مش حرام كما سمعت من البعض مع الكثافات العالية بالفصول بجد فعلا فيه اولاد تستحق انها تفهم بطريقة التعلم الفردى ونظرا لجدول المعلم المتزاحم يبقى فعلا من حق المدرس يدى درس للطالب ده وصدقونى طالما المدرس بيراعى ضميره بالشرح بالدرس وبرده مش مغلى سعر الدرس سواء فردى او وسط مجموعه عمر ولى الامر ما يدعى على المدرس او كما يقال يديله الفلوس وهو عينه فيها وهذه مجرد وجهة نظر لا اكثر ولا اقل |
اقتباس:
ليس اكثر احنا بنتناقش بنعرض ليه لازم اضراب فى بعض الوقت وليه مش لازم اضراب بمعنى اننا بنحاول نعرض الموضوع بشكل حوارى نلم فيه كل النقاط الهادفة ونتكلم فيها نقطة نقطة مش مجرد كلمة اضراب اضراب وبس مش عارفين ليه ولاعشان ايه ولا محددين الاضراب فى انهو جزئية بالضبط رفع مرتبات ولا اعطاء كل معلم حقه فى انه يدرس تخصصه ولا ان المعلم لازم يدى دروس خصوصية ولا مش لازم ولا اضراب للسمو بالمعلم وانه ياخد دورات تدريبية تحسن من وضعه العلمى والتربوى وياخد عليها بدل نقدى اى فلوس وشهادات خبرة يقدر يقدمها فى اى مكان للسفر مثلا؟ وهل لو فيه رفع اجور يبقى شرط للمعلم انه يشتغل ال24 حصة نصابه القانونى ولو مش مكملهم يبقى يتنقل فى حتة نائية محتاجة تخصصه ليكملهم (انتداب مثلا) ( انا اعرف زى ماناس واخده اكثر من نصابها القانونى ال24حصة كما فى بعض مناطق العامرية عندنا بالاسكندرية ناس تانية والله مامكملين ال12حصة فى مدارسهم فقط لاغير) كله بنحاول نناقشه هنا ونفهم بعض اما عن الحكومة والفلوس المنهوبة فدى بقى منهم لله كل شخص ساعد على نهب فلوسنا اللى بتتخصم منا ومنعرفش فى ايه ولا عشان ايه ياريت ابقى وضحتلك وجهة نظرى لان بجد انا بحترم اراءك جدا والله الموفق لينا اجمعين |
الناس دى بتقول كلام زى الفل ....
بس انا شايف ان الاضراب دا مش حل لان كدة الطلبة بتتظلم .... طبعا مع احترامى لاختلاف وجهات النظر بس انا بقول حاجه واحده يا جماعه ان مصر هتفضل مصر مهما حصل ثورات مفيش حاجه هتتغير ان الله لا يغير ما بقوم حتى يغيروا ما بانفسهم |
اقتباس:
الله يسلمك يارب يارب تكون الأمور معاكي طيبة وأخبار الدكتوراه أيه؟؟؟؟؟؟ وحور السنة دي دخلت أولى حضانه استثناءً دعواتك |
اقتباس:
اتفق مع حضرتك أن الدروس الخصوصية مش حرام ولكنها حلال بشرووووط . 1- أن ولي الأمر هوه اللي يقرر أن ابنه يذهب لدرس خصوصي بدون ضغوط من المدرس . 2- المدرس داخل الفصل يراعي ضميره ويشرح ويعتبر نفسه في مجموعة من مجاميعه 3- عدم ممارسة أي ضغوط من قبل المدرس على الطلاب 4- دا هتلاقيه صعب جداً لأن ك المدرسين بيبصوا على بعض وبينظروا لمن لايعطي دروس نظرة دونية 5- البيه وزير لتعليم مش حاسس بحاجة عارفه لو ظبطوا رواتب المدرس أن شاء الله سيرتاح نفسياً ولن تكون هناك ضغوط عليه وهيبدع في الفصل ان شاء الله وستندثر هذه الظاهرة للأبد |
يا مسهل يا رب
|
ما ضاع حق وراءه مطالب
|
يا جمــــــــاعة حرام عليكوا مش كده
|
اقتباس:
بس صدقنى للأسف اللى بيتعود على اعطاء الدروس الخصوصية خلاص بياخد على كدة والله لو المرتب عدا الالف جنية بردك هيدى الدروس اللى اتعود على كدة ربنا يكرمنا اجمعين |
عندك حق فى كل كلمة بس بشرط انك تكون لا تعطى دروس خصوصية وليس لك مصدر عيش الا مرتبك -------
ال 460 |
تحياتي للجميع واحترامي لكل راي اتقال في المنتدى الجميل ده بس انا بجد تعبت ومحتارة مين الصح ومين الغلط ؟
بس الزميلة الفاضلة مع احترامي لرايك وموضوعك بس انتي جاية على المدرس شوية بس كان نفسي تقولي ان المدرس ميروحش في الصيف لانه مش اداري او لعدم وجود طلاب وذلك لارتباطنا كمدرسين بالطلاب طبعا فمفيش داعي لوجودنا الا اذا اتعمل نشاط صيفي فعليا وبردو ده لا يجبر المدرس على الحضور بل هو نشاط يعني كل من يحضره من المدرسين ياخد اجر زيادة على اجره وده اللي بيحصل في الدول بره الدول اللي واخد المدرس فيها حقه حقيقي وانا عشت في الدول دي انما علشان المدرس ميروحش ونحكم عليه مياخدش مرتبه هاتيلي بلد بتعمل كده ؟؟؟؟؟؟؟؟؟؟؟؟؟؟ بالعكس ده يباخد مرتبه ويسافر هو واولاده يتفسحو في اي بلد غير بلده وبياخد ال 3 شهور دول مقدم كمان وده حقه بعد تعب السنه وعشان يديوله فرصه يرجع بنشاط وحب للشغل احنا مشوارنا طويل اوي يا جماعه ولازم نكون ايد واحده احنا ناقصنا الخبرة والثقافه والمعرفه وحاجات كتير اوي بس اهم حاجة المعلم هو الاساس لازم لازم نحتوي المعلم ولازم يكون راضي عشان هو اهم بجد والمهندس والطبيب مش احسن من المدرس وممكن بردو يشتغل ورديات زي ما حضرتك بتقولي وممكن منخرجش من المدرسة قبل الساعه 3 ونحضر من 7 بس ياخد حقه حراااااااااااااااااااام وبعد ما ياخد حقه لو ادى دروس تبقى فيه قوانين وما احلا البلد لما تكون ماشيه بالقانون وبما يرضي الله وبعدين المعلم بالاجر اللي انتظر واستنى ؟؟؟هو احنا لما اشتغلنا بالعقد المميز 3 سنوات وكان حقنا التثبيت من قبل السنتين ما يخلصو وانطبقت علينا الشروط وخسرنا دم قلبنا تربوي وicdlوقبل كده كنا شغالين بالحصة كم سنة بنقبض 70 ج بناخدهم بعد كم شهر ما نتظرناش ؟؟؟ متعبناش ولا ايه ؟؟ كله تعب وكله يستاهل التعيين واللي معاهم تربيه وقاعدين بقالهم 7 سنين وما اشتغلش ومتعبش مش حرام ؟؟حرام طبعا ليه كده ؟هو ذنبه ايه يدرس واهله يصرفو عليه وفي الاخر يقعدلهم ياخد منهم المصروف ايه نحكم عليه بالاعدام عشان مشتغلش وميتعينش ؟؟هو اصلا كمان ملقاش ال 104 ج عشان يشتغل وياخدهم ده بقى اصعب من اللي اشتغل واخد ال 104 ج بلاش نعمل فروقات ولازم الكل يحمد ربنا سواء بالحصة او عقد او تعيين لان اللي اشتغل احسن من اللي قاعد غصب عنه مش في ايده حيله ولازم كلنا ناخد حقوقنا ان شاء الله و الله المستعان |
اقتباس:
انا فعلا سمعت الراى ده ان ليكون للمعلم حق بالاعتصام يبقى لايعطى دروس خصوصية للطلبة وهو معتصم مشكور اخى الفاضل للاضافة |
اقتباس:
وفعلا كلنا بنحمد ربنا اننا اشتغلنا انا عن نفسى اعرف ناس كثيرة لسة لم تشتغل للان ربنا يكرم الجميع واتمنى انى اكون وضحت وجهة نظرى بخصوص اجازة الصيف بردودى السابقة مشكورة للمرور والاضافات الهامة |
ثبت حتى الان فشل مليونيات السبت
نجرب الاحد البعض يذهب الى مكان المليونية وابناء المحافظات البعيدة يذهبون امام الادارة او المديرية بهذا تفرغ المدارس |
انا لا اوافق على الاضراب لان تربية النشء امانة فى اعناقنا ولكن لا اوافق ايضا على اهانة المعلم وتسفيه عمله وتقليل شانه بل يجب التفاهم والوصول الى حل
|
| جميع الأوقات بتوقيت GMT +2. الساعة الآن 02:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.